انا حـــاسه اني فرخه

!..احســـاس غريب مش كده
الاحساس ده بدأ عندى من حوالى اسبوع
لما كنت نازله على السلــم بتاع الكليه
والدنيا كانت زحمـــــــــــــــــــــــــــــــــــــــــــــــــــــــــه
جداااااااااااااااا
والناس فوق بعض على السلم
بحيث تحتاج لـ عشر دقايق علشان تنزل 5 ادوار

(حنسيبنا من ان مفيش اسانسير وكل يوم 5 ادوار اكتر من 3 مرات طالع نازل)

لـقيتنى بقول

انا حـــاسه اني فرخه
!!
بعدها لمــا روحت دوره اعداد القاده
من الساعه 10 و استنيت ســـاعه ونص
لغايه لما المحاضر ييجي
ورغم اني مسكتش

لقيتنى بقول

انا حـــاسه اني فرخه

!!
روحت الكليه بعدها مخصوص علشان احضر محاضره
واستنينا ســـاعه والدكتور مش موجود في مكتبه
ومفكرش حتى يتصل يقول مش جاي

لقيتنى بقول

انا حـــاسه اني فرخه

!!
بعدها بيومين
طلعت على السلم وشوفت دكتور كده
قيمه وسيما
قولت في عقل بالى هو ده شكله الدكتور الي حيدينا
لما الحق اطلع بسرعه
دخلت القاعه (نعتبر مجازاً انها قاعه) قالولى الدكتور حيدخل الساعه 1
بصيت في ساعتى كانت 12 وربع
قولت ماشي انام شويه ... اصلي كنت تعبانه شويه
الساعه واحده جت واحده وربع جت واخيرا واحده ونص
قولت لصحابي انا ماشيه مقدرش استحمل اكتر من كده
وكمبادره اولى اندفع القسم ورائي بالخروج
وبعد خطوه واحده من خروجى من الباب
لقيت نفس الراجل القيمه والسيما
جاي نحيتى
بصيتله وبصلي
قالى
انتوا كنتوا ماشيين
بصيتله
وقولتله ااااااااه
من جوه اووي
قالى طيب ودخل القاعه ودخلنا كلنا وراه

(طبعا ده معناه انه كان طالع ادى محاضره تانيه وبعدين جالنا)

لـــقتنى بقول

انا حـــــاسه اني فرخه

!!
النتيجه طلعت في الكليه بقالها يومين ولسه مش عارفه اجيبها
ورغم احساسي بأنى فرخه لانى مش عارفه
اجيب ((واسطه)) اجيبها بيها
الا اني محبيتش ازود احساسي باني فرخه
واروح للدكتور الى معاه النتيجه كـعامه الشعب
الي بيكون مصيرهم
اطلعوووووووووووووووووووووووو برررررررررررررره
بصوت جهورى
!!
وحسبي الله ونعم الوكيل
في اى حد
بيحسسنى انا واى حد غيري اننا فراخ
والي حيسألنى عن وجه الشبه
حقوله
الفرخه ... بيتعملوا معاها دايما انها مجرد فرخه ملهاش مشاعر
تتكب في قفص مزحوووم و تبقى هي واخواتها جنب بعض في البرد كان او في الحر
فرخه مش بتفكر وتثور وتعترض
فرخه مش حيفرق معاها بل بلعكس لو اخدوا اختها دبحوها واكلوها وهى مركونه في القفص
فرخه بتتحرق لانها مريضه
فرخه بتشوف اخواتها بيتحرقوا او بيدبحوا قدامها
وعارفه ان مصيرها زيهم
رغم انها ممكن تثور

فرخه ممكن يقلوها او يسلقوها او يشووها
وحجات تانيه كتيير

بمعنى مختصر وجه الشبه هو الـ لا ادميه
لما تأملت حياتنا لقيت ان مش الكليه بس هى الى بتدى الاحساس ده

انا عارفه ان عندى عقل وعلشان كده انا في الواقع مش فرخه
ولا جوايا ولا معطياتى ولا تفكيري فرخه
ولا بسكت ولا حتى بثور بغباء لانى مش فرخه
انما ده الاحساس الي وصلنى
ارجوكم احترموا الفراخ شويه
سورى
قصدى احترمونا شويه

.

السلطانيه التانيه

في الحقيقه

السلطانيه او التاج التانى

كان اتبعتلى اول مره من روزاليا

واتبعتلى تانى فـ طبعا ح اكتب 5 حجات بس فيه

مش كوسه هي

اخدت وقت كتييييييير افكر هى ايه الحجات الى محدش يعرفها عنى

وقررت اكتب الي يجى على بالي

------------------

في حاجه غريبه عندى من زماان اوى

انى نفسي جداا لما اركب مركب واسافر بيها

اكتب شفره سريه و اطبقها واحطها في ازازه واقفلها بالبتاعه دى

الي شبه الفلين

زي الى بتيجى في الكرتون

واتخيل انه حد حيكتشفها بعد ما انا اموت بميييييييييت سنه ويبحث ويدور ورايا

وكده بقا ... بس الغريب انى لسه معرفتش حكتب فيها ايه

الي له علاقه بنفس الموضوع .. انه من ظاهره الاحتباس الحراري متوقع ان جزيرتى بورفؤاد

تغرق

بفرح جدااا لما اعرف انه سريري و حجاتى وكده ...حيبقوا اثار والناس تيجى تتفرج عليهم

من كتر التخيل

انا بجد وكأنى شوفت الناس دي

وهما بقا عمالين يقولوا يااااااااااااه و حواجبهم مرفوعه ومركزين جداا

عادى يعنى

-------------------------

في المواقف الي بتحصلي في يومى العادى

سعات بستخدم تقنيه التصوير ثلاثي الابعاد الي زي بتاع فيلم ماتريكس

ده .... يعنى في مواقف او ناس بعملهم

pause

والف حوليهم في خيالى بنفس الشكل ده

وتطلع حجات من الازرق والاخضر بتاعت افلام الهاكرز

والكمبيوتر وعالم الديجيتال

الي شاف فيلم ماتريكس حيفهم ازاى بشوفهم

----------------------------

امممممممممممممممممم

حاجه عن الطفوله

-كل الاطفال الي ربنا خلقهم لما كانوا بيتأملوا الدنيا

كانوا بيبصوا على العصافير ... ويسألوا سؤال ... ماما ماما هو احنا ليه مش بنطير

او ليه العصفور بيطير

انا بقا عمرى ما جه في بالي السؤال ده

الي جه في بالى هو

ليه العصفور بيعرف يقف على الحيطه

او الحجات الرأسيه يعنى

وكان نفسي جداا امشي على الحيطه

على الله حد يقولى في حجات تانيه بتقف على الحيطه ... ماشي

!!

بجد معرفش ليه الحكايه دي كانت شاغله بالي جداا

------------------------------

في حاجه عن النمل بما ان كـل الناس ليها حكايات مع النمل

انا وانا صغيره كان بيصعب عليا النمل جدااا

لانه صغير وخطوته صغيره

بالمقارنه بحجمى

غير انى لغايه دلوقتى بستمتع جداا وانا بلعب معاه

انما كنت بعمل حاجه وبطلتها

وهى انى كنت تاااكسي للنمل

يعنى لما اشوف نامله ماشيه ... احطلها ايدى لغايه لما تطلع عليها .. واوصلها الجحر بتاعها و انزلها

وكمان كان عندى تصور كامل لجحر النمل ... وكنت بتخيله لما نمله تموت والاسعاف يجى بقا

وعندهم جوه سراير صغننه

يعنى زي الجحر بتاع الفار جيري كده

في كل حاجه على صغنن

-----------------------------------

فاضل حكايه واحده

اممممممممممم اقولكم ايييييه

اه

يا جماعه انا بستنى الكائنات الفضائيه تجيلى

بجد ... وسعات لما اكون لوحدى ... اقولهم متجوش دلوقتى انا ممكن اخاف منكم لو جيتولى دلوقتى

دايما بتخيلهم وهما بيجولى بقا وابقا صحبتهم ومحدش مصدق انى بعرفهم

و ابقا حتجنن ... وعلشان كده نفسي لما اشوفهم اشوفهم ومعايا حد علشان

ما اتجننش لوحدى والاقي حد اخد وادى معاه

كلامى ده ملوش اى اساس او سبب علمى

علشان ونكى واكزوتك وميراج ... ميضربونيش بالنار

--------------------

هل لديك قوال اخرى

اه لدي ... النهارده حصلت حاجه مهمه جداا بالنسبه لي

انا كنت كتبت قبل كده زماان ان انا واللغه العربيه اتصالحنا

والنهارده حصلت حاجه فرحتنى مش منها نفسها لا

من ان ليها علاقه باللغه وبتقول ان في تقدم

وهى انى اخدت جايزه احسن تعليق

النهارده في دوره اعداد قاده الاتحادات الطلابيه في فرع الجامعه

التعليق كان عن اعدام صدام

قولت ..." اذا اخطأ الابن ..فلن ترضى الام ان يُعاقبه غيرها" نقطه

انا فرحانه لان الموضوع ليه علاقه بالعربي

عقبال ما اقرأ الشعر المكلكع بتاع زمان ده وافهمه

....

الي عايز يجاوب التاج ده يجاوبه علشان ما اغتتش على حد

بس خلاص

لا لسه ... مسموح بالضحك على الحاجات الي فوق دي

انما غير مسموح بالتأليس

انا قولت اهو وقد اعذر من انذر

خـــايــفه وهــربانه ....

خايفه وهربانه ...
خايفه من  الي بيحصل للاقصى
تصدقوا انى لغايه دلوقتى معرفش ايه الي بيحصل للمسجد الاقصى
سمعت طراطيش كلام
وبجد خايفه وهربانه من الطراطيش دي
خـــايفه  بجد اعرف  ايه الي بيحصل
الاخبار... بقلب القناه بسرعه جداا قبل ما اسمع
علشان ما اعرفش
التفاصيل
المدونات ....
اى تدوينه عند اى حد عن الاقصى بقفلها
قبل مـا الحق اقرأها
وانا حاسه بخوفي وايدى بتترعش وقلبي بيوجعنى
رغم انى كتــير كنت بتعمد اشوف عذابهم بتفاصيله
وبنزل صور من النت فيها قتلى
رغم انى بصعوبه شديده كنت بشوفهم
وكانوا بيوجعونى اووي
انما كنت بعمل كده علشان اكبّر حجم الالم جوايا
علشان ابداً
منساش  
ويفضل حلمى كبير قدامى ...
والام ده يفضل يوجعنى  وافضل فكراه
انما دلوقتى
بجد
خايفه جدااااااااا ومش قادره وهربانه
سألت امى  وهى بتقول لقيتنى بسد ودانى
وبهرب من قدامها
بهرب من قراءه المواضيع على النت
وبستخدم الريموت بسرعه شديده
واجري
من على قنوات الاخبار من قبل ما اشوف حاجه
اى حاجه
كنت حـ ادور على صوره للتدوينه دي
وخوفت اعمل سيرش اعرف ايه الي بيحصل
خايفه بجد حد يعرّفنى
وكأنه بيضربنى بالقلم على وشي
خايفه لانى  حاسه بعجز مؤقت  في رد فعلى
بعد ما  وصل الالم جوايا مُنتهاه
لا مظاهرات  حتخرجه
ولا  دموع حتهون عليه
حتى حلمى  انى اكون جزء  
من عزه الاسلام
عارفه مع اصراري  انه لسه
وقت علشان احققه
وفي الوقت ده مش عارفه حتحمل
الزياده ازاى بعد
ما المي وصل منتهاه
انا دلوقتى بعترف
انا خايفه
وهربــــــــانه
!!

السلطانيه بتاعتى

يـــــــــــــــــــــــاه من زمان نفسي اجاوب السلطانيه بتاعتى

في الحقيقه اتبعت لي 3 سلطانيه 2 زي بعض

وواحد مختلف .... ودلوقتى حالا عرفت انه في واحد كمان

انا بعتذر جدااااااااا عن التأخير في الاجابه

وانا حبتدى بالاسئله وبعدين الحكايات

بس في الاول لازم اقول حاجه عن التاج

زمان قبل ما ادخل عالم التدوين

كنت بتفسح في المدونات بتاعت الناس الكبيره في التدوين

وكنت بشوف التاج ومكنتش لسه فاهمه ازاى بيبعتوه لبعض

وكان عاجبنى التواصل بينهم ..... اهو جه اليوم الي يتبعتلى فيه تاج واجاوب عليه

!!

يلا ... بسم الله

س: اية اللي حيحصل لايميلك لما تموت ؟

مفكرتش في الموضوع ده قبل كده

لكن اعتقد ايميلى ملوش معنى من غيري خصوصا انه

يعنى مفيهوش اسرار بقا وحجات كده

فيه ايميلات عاديه جداا

يعنى حياخد وقته ويروح ... يمكن افكر له في خطه تانيه

:D

س: اديت الباس وورد لحد قبل كده؟

مش فاكره بالظبط لكن اعتقد اه

س: لو اه كانت طبيعة علاقتك بيه اية؟

يعنى مره كان حد من الاصدقاء مثلا بيظبطلى المدونه او او

لانى مش شاطره اوى في تقنيات الكمبيوتر

س : اسمك؟

مي

س: اسم الدلع المشهور وسط اصحابك؟

اسماء كتيييييير

اولهم دبسي وده كان اسمى في جروب فمبد كوكس

دى كانت المجموعه بتاعتى وانا في اولى ثانوى

ودبسي علشان كنت بحب تيليتابيز

واسم الجروب ده اول حرف من كل اسم دلع لحد فينا

وفي كمان واحد اسمه

فيلو سوفيا

وده كان معمول ليه شعار وانا في 2 ثانوى

كان اصحاب يحينوى ويقولوا

فيلوسوفيا ... هاااى مع رفع الايدين بالهتاف

:D

وده علشان كنت بحلل كل حاجه لغايه لما اوصل لاسباب منطقيه

و اصحابي يحكولى مشاكيلهم بقا

ولا عبد الوهاب مطاوع

:D:D:D

واخيرا جوسي وده اختصار

لـ gooesbumps

اسمى على النت

س:عمرك؟

سنه 18

و3 شهور

س : برجك؟

القوس

و لا اعترف بالابراج

عن اقتناع تام

س: مجال دراستك؟

الهندسه المدنيه ان ان اااا اه ه ه

س : شخصيتك نوعها ايه؟

هو انا مش فاهمه

السؤال بالظبط

انا مجنونه شويه

مش بعتبر نفسي رومانسيه بالمعنى المتعارف عليه

بميل لتشغيل الدماغ وتحليل واستنتاج وكده

وفي نفس الوقت معاه احساس قوى

وتواصل

وسعات بكون موديه شويه..

اجتماعيه

يعنى ..

س : المود بتاعك؟

دلوقتى ... حاسه برضا جميل

انما عاده مليش مود معين

لكن الي بيغلب بيكون مود

كده جنون عقلانى .. مش عارفه حتوصل ليكم ازاى بس انا بحسها كده

"معادله صعبه"

س: وقت فراغك بتعمل فيه ايه؟

النت ... مؤخرا القراءه ... التلوين (بحبه جدااا) شويه تلفزيون

نادرا وللاسف انه نادرا شغل البيت

يعنى طبعا واصحابي اشوفهم او اكلمهم

يعنى حجات كتير

س: الاكلة المفضلة؟

اى حاجه طالعه من البحر

بدوووووووووووووس على طول

س:الصفات اللي اخدتها من بابا؟

مش حعرف اقولهم او اعددهم بشكل بحت

انما انا بحس انه عايش جوايا

بجد

س: اكتر6حاجات بتكرهها؟

امممممممممم

الاول: الغبـــــــــــــــــــــــــــــــــــاء مش بفهمه وبيجيبلي حاله جنون ونرفزه

سواء كان الغباء ده منى او من غيري على فكره

الثانى: الرووووووووتين بكل اشكاله

يعنى اى حاجه فيها رتابه او مفيهاش افتكاس او لمسه مجنونه او حاجه غريبه او مختلفه

انا حتى مقدرش اقعد في البيت وهو مترتب جاامد جداا وكل حاجه في مكانها اكتر من يومين مثلا

ومعرفش اذاكر لو الكتب مرصووووصه من غير حركه قدامى

مش عدم حب للنظام لا بس لازم اكسر النظام ده بحاجه

الثالت: نـــاديه الجندى ... بجد مش بحب احس انى بكره حد بس الست دي بتخرجنى عن صوابي بتمثيلها المفتعل

وخالتى بتسلم عليك

الرابع : اممممممممم انه اي حد يستخف بذكائي او يسمح لنفسه انه بمعنى بلدى

يعيش عليا ... لانى طيبه وممكن اصدق حجات ساعتها انما محصلتش لغايه دلوقتى انى مكشفتهاش حتى ولو بعد فتره

ان مكانش منى بيكون من ربنا ومن حيث لا ادري ولا اعلم

الخامس:النــــفاق ... يـــــــاه بيبان في العيون اوووي

بجد

السادس : الزحمــه المصحوبه بدوشه وياسلام لو حر

بتعمل مشكله رهييييبه عندى بجد

يعنى بردو حجات كتير مش بحبها مش بس 6

اه افتكرت دلوقتى التعصب الاعمى لاى حاجه

س:اكتر 6 حاجات بتحبها؟

البحر والشتا والخريف والغروب

في حاجه مكنتش حاسه بمتعتها قد اليومين دول هى حب الناس

يعنى منى انا .. انا لما احب الناس

بحب الافتكاسات والحجات الغريبه

بحب دراستى ومعاها الفلك والتنميه البشريه

بحب الحسين والاثار والحجات القديمه خصوصا المشربيات و الشكمجيه والحجات المعموله من الفضه والنحاس والخشب

يعنى كل الي ليه الطابع ده

وبحب التفاصيل ... كل تحليل روزا بتاعى كده

بحب النجوم وبحب كوكب المريخ جداااااااااااااااااااااااااااا وبجد معرفش السبب في موضوع المريخ ده

:D:D

يعنى

حجات كتييييير جداااااااا

مش بس 6

س:السفر؟

متعه ... نفسي الف العالم كله عن طريق البحر

بحب اوى اعرف عن ثقافات الناس ولبسهم والفلكلور بتاعهم ورقصهم وموسيقاهم

وطريقه حياتهم

الموضوع ده بيستهوينى جداا

بحب فيه كمان تحمل المسئوليه وانك تشيل مسئوليه نفسك

س: هل لديك اقوال اخري؟

انا اتكلمت كتيـــــــــــر جدااا اصلا

ف كده كفايه اوى

ابعت التاج لاى حد عندى متبعتلوش التاج ده

رفعت الجلسه

كل عــام وانت في الجنه يا بابـتي

في ذكرى ميلادك

في ذكرى وفاتك

في ذكرى كل يوم

كنا فيه سويا

كل عام وانت في الجنه

في نعيمها الذي اتمناه

ترتفع درجاتك اعلى واعلى

بدعائى واثرك في نفوسنا وصدقه جاريه

من كرم ربي بعدك

كل عام وانا اشتاق لك اكثر

كل عام وانا اتأملك اكثر

كل عام وانا اتعلم من اثرك اكثر

كل عام وانا اتواصل معك اكثر

كل عام وانا مازلت اشعر بيديك  تضماني

كل عام وانا اشعر انك بجانبي تساندنى

كل عام وانا ازداد لك حبا

وشوقا وامتنانا

كل عام وانا  احمد ربي عليك

وعلى وفاتك

وعلى  كل شيء

كل عام وانت في الجنه

يا

بــــابــــــتــــــى

:)

 

نظره احتقار ...حقيره

النهارده كان عندي ميعاد مع صديقه

مكنتش (شوفتها) من زمان

اتفقنا نتقابل في احد الكفتريات المحترمه الي في بلدي الجميله

بورسعيد

وعليه تركت جزيرتى الاسيويه بورفؤاد وركبت المعديه متجهه لبورسعيد

ولحسن الحظ منتظرتش كتير والمعديه طلعت ولما نزلت كمان لقيت تاكسي بكل سهوله دون انتظار

المهم بسبب ده كله وصلت قبل ميعادى بخمس دقايق وهى بدورها اتأخرت عليا

خمسه زيهم او اكتر شويه

(مسمحاكى من كل قلبي)

المهم ان في العشر دقايق او الربع ساعه دي

كنت واقفه طبعا بنتظرها

وعليه

حصلت على كميه من نظرات اللوم والاحتقار المغلفه بسوء النيه

لا بأس بها

واظن ان وقفتى المتحفظه

والتعبيرات التى رُسمت على  وجهي

منعت ترجمه  تلك النظرات الى كلمات

(ده كده الحمد لله اوى يعنى )

كنت بضحك جوايا واقول في نفسي دلوقتى حيطلع نابكم على شونه

وفور وصولها اخبرتها بنظرات الاحتقار

ردت وقالت يمكن علشان الفلنتين  قرب

قولت اااه صحيح د انا لابسه احمر

مع ان مكانش معايا هديه !!

وسألت نفسي سؤال

هو الطبيعي بقا هو الي مش طبيعي  اليومين دول

تصدقوا حاجه غريبه بجد

غريبه وشاغله بالي جداا

موقف مشابه حصل لاتنين من اصحابي البنات

زيي كده بيحبوا البحر جداا

راحوا يقعدوا عليه سوا

وبدأ مسلسل الاسئله

اجيب ليكم كرسيين ولا اربعه

طيب اتنين لمون ولا اربعه

طب اتنين ذره  مشوي ولا اربعه

وكأن الناس بالبياعين من كتر يقينهم

شافو اربعه قاعدين بدل اتنين

و بعد صراع طفشوا وروحوا ولم يكتمل استمتاعهم بالبحر

حاجه غريبه

وتانى وكأن الطبيعي بقا هو الغير طبيعي

وكأن الناس شاطره في التحليل واستخراج النتائج

وعندهم من قوه الحاسه السادسه

انهم يستنتجوا النتيجه الهايله دي

!!

انتو عارفين انا بكتب الكلام ده هنا ليه

يجي الولد الي في مدونه تفاصيل بتاعت على الالفي

ويقولي

ليــــــــــــــــــــه.....؟

ارد عليه واقوله

علشان تكون شاهد عليا انى ابداً ما افكرش كده

ولو في مره  شطانى وسوسلى او نفسي حاولت معايا

اقولها لأ ...

في مليون سبب وسبب

لوضع زي ده

دايما عقلي يحسن الظن زي ما اسلامنا علمنا

يـــا كده يا انت مالك اصلا بفلان هنا ليه وبيعمل ايه

اه
يا كده يا انت حر

ولا انتو ايه رأيكم.....؟
!!!







 

i'm not a girl..not yet a woman

 

I used to think
I had the answers to everything,
But now I know
Life doesn't always go my way, yeah...
Feels like I'm caught in the middle
That's when I realize...

I'm not a girl,
Not yet a woman.
All I need is time,
A moment that is mine,
While I'm in between.

I'm not a girl,
There is no need to protect me.
It's time that I
Learn to face up to this on my own.
I've seen so much more than you know now,
So don't tell me to shut my eyes.

I'm not a girl,
But if you look at me closely,
You will see it my eyes.
This girl will always find
Her way.

I'm not a girl
(I'm not a girl don't tell me what to believe).
Not Yet a woman
(I'm just trying to find the woman in me, yeah).
All I need is time (All I need),
A moment that is mine (That is mine),
While I'm in between.

I'm not a girl
Not yet a woman
All I need is time (All I need),
A moment that is mine,
While I'm in between.

I'm not a girl,
Not yet a woman.
----------------------------------
BRITNEY SPEARS
and ME
:)

الانحياز وتأثيره الحساس

الانحياز
كلمه مؤثره في حياتنا بشكل كبير ومنذ القدم وغالبا ما ارى
هذا التأثير سلبي
نبتدى منين الحكايه
....
خلينا نبدأ من ايام سي عبده الحليم حافظ
الكثيرين يعرفوا "واقعه الطماطم" الشهيره
عندما تأملتها وجدتها ما هى الا انحياز
انحياز لذلك الذى عشقته قلوب المستمعين "عبد الوهاب" فأثر هذا الحب على حاسه السمع
فاصبحت الاذن منحازه
وقررت ان لا تُعطى فرصه للصوت الجديد
!!
نترك عبد الحليم
لنذهب الى برامج المسابقات التلفزيونيه
سواء كانت هذه المسابقات ثقافيه او غنائيه
يعتمد الربح فيها على نظام التصويت
فيها ينحاز الجمهور عند التصويت
لابناء الوطن الواحد لا للكفاءه
فالمصري يصوت له المصريين وكذلك مع باقي البلدان
غير مكترثين بالكفاءه والتى هى محور الاختيار
!!
نترك برامج التصويت لنذهب الى انتخابات مجلس الشعب
اتذكر اعز الناس على قلبي وهى تقول
قمت بالتصويت للمرشحه (س) وحين سألتها
 لماذا ...؟
قالت لدعم العنصر النسائي في مجلس الشعب
فكان هذا انحياز اخر للنوع 
لا  لشروط  الاختيار
!!
نترك مجلس الشعب ...اه يا عينى يا شعب
ونسافر  الى العراق لنرى"اصطباحه صدام" كما اسميتها
انحاز فيها ابناء طائفته بالبكاء والعويل
ومنعهم انحيازهم من الحكم العاقل
والنظر في جرائمه القاسيه
وعلى النقيد انحاز ابناء الطوائف الاخرى ولكن بشكل اخر
فـكانت الافراح والمُباركات (يا ساتر يا رب ) فمنعهم انحيازهم
من ادراك ان هذا اول ايام العيد
كما ان الام تحزن ان عاقب احد  ابنائها غيرها
لنترك السياسه ونتجه نحو عالم الرياضه
وبالاخص كره القدم
فنجد حكم المُباراه احد الكفار عبده الشيطان
ان حكم ضد فريقهم حتى وان كان الحكم صحيح
والعكس بالعكس
والادهى انه  يمكن ان يكون هذا العكس في نفس المُباراه
!!
في الحقيقه الشواهد كثيره فحين مسكت قلمي لاسطر فوكيراتى عن الانحياز
  وجدتها تتدفق بقوه كحصى يندفع بقوه من اعلى جبل مُتزلزل
...
وحتى لا انحاز لنفسي ويُنسيني انحيازى لها مُحسبتها
سألتها هل انتى مُنحازه ..؟
فـأجابت ... احيانا
ولكني اسعى دائما ان لا اكون وهذا هو سبيلي الى رضاكي عني
.
.


 

الدنيا بتشتى

  

الدنيا بتشتى عندنا 
نفسي انزل اجري في الشارع تحت الشتا 
زي زمـــان 
واتتبع فقاقيع الهوا الي في وسط ميه 
المطر الي على الاسفلت 
وادوس عليها برجلى 
وارجع لماما مفيش قصقوصه في هدومى ناشفه 
واخد الموشح بتاع كل مره 
من امى 
ثم من مناعتى الضعيفه 
دور برد محترم 
اتعب فيه وانا سعيده انى مشيت في الشتا 
واتمتعت بيه وبخيره 
نفســـــــــــــــــــــــي انزل والعب في الشتا زي زمان  

 

رحله في صوت

من يومين ...انطلقنا من جزيرتى بورفؤاد 
الى قاهره المعز 
انطلقت رحلتنا وكانت تقصد عده اماكن 
ومكان واحد رئيسي 
ولهذا اطلقت عليها اسم رحله الى صوت 
انطلقت رحلتنا الى صوت نقى 
في نبرته ... في كلماته التى طربنا بها ... في الالحان التى غناها
انا اتحدث هنا عن رحلتنا الى صوت على الالفى  (تفاصيل على)  الفنان
بعيدا عن الانسان الذى نعرفه 
بما اننا نعلم ان الفن خالي من المجاملات 
وبعيد في الحكم عليه من الصداقه 
اسمحولى اقول اننا سمعنا 
صـــــــــــــــوت نقى 
لا احتاج الى كلمات اخرى اصف بها 
لانه في ظل الموجود على الساحه 
تكفى هذه الكلمه للعموم والشمول 
اسعدتنا يا على .... انت والفرقه كلها 
حتى لا اظلم حقوقهم 
الكلامات كانت روعه والالحان كذلك 
ومن قبل كل شيء الصوت 
------------------------
صوت نقي ... مع ناس جميله ... في مكان من احلى الاماكن
 ساقيه الصاوى 
مبرووك يا على ... وعقبال الحفله الجايه