الحـياه ميكروباص

بنتين قاعدين جنب السواق قدام

كل واحده منزله خصله صفراء من

تحت الايشارب

السواق مشغل شريط للمطرب الاكثر نكدا في العالم

مصطفى كامل

يعلوا صوت احداهن من شده الاندماج مع اغنيه للسابق ذكره

زماان خنتى وبعتينييي ولا همك دموووووع عينى

لتقطع الاخرى اندماجها ..بغتاته

وتقول :

" انا زعلت يوم لما شوفتك ماشيه مع الواد الي كان عايزنى"

لترد الاخرى وهى بتندغ اللبان بطريقه غريبه

" انهو واحد الاولاني ولا التانى"

تنفجر اختكم ضحكا محاوله ان يكون هذا الضحك في الخفاء علشان ما اضربش

--

سائق مسرع ... يدندن مع احدى اغنيات فريد الاطرش

المذاعه على الراديو ... وكـأنه بيقول حكم

اه يا حلو ااااه

ينطلق الاخر بجانبه ويبدأ الحديث

الشباكى -شباكى

انت تشتمنىىىىىى -

انت زعلت -

لا يا ابن الـــ تييييييت

نهياااااااهاااااااااهااااااااا بقا كده -

(الضحكه اتسع فيها فمه من اقصى اليمين الى اقصى اليسار)

ماشي يا تيييييت

ترتفع حواجبي واتابع التأمل

سائق تاكسي راكن في نص الشارع

يقول السائق يحادث احد المواطنين بجواره

مهو اصل ده من الاول من التربيه هو اتربى مهمل كده مش متحمل المسئوليه -

ااااااه عندك حق -

وعارف ده تلاقيه كده في بيته وعياله ومراته وفي حياته كلها مهمل-

يقطع كلامه ويقول للماره

يلاااااا اوكازيوون الاتنين بربع جنييه-

وتتكرر الضحكه السابقه بنفس تفاصيلها

(مصمصه شفايف ثم يتابع الدندنه)

لاقول في عقلي ... وحضرتك بالنوسبه للشتيمه دي بردو من الاول ومع مراته وعياله ولا دي خارج التصنيف

!

--

صووووووووووووت سي عبده الحليم حافظ ..مختلط مع صوت السائق

جبااااااااااااااااااااااار ... جبااااااااااااااااااااااااار

واحده طنط منتقبه واقفه في الشارع ..وقفته وهى بتركب

قالت : الداير

رد لا الامييين .. بضحكه خبيثه ثم .. يلاااا امشي

!

يتابع السائق الغناء ثم يقول لـ 2 من المواطنين الي بيعدوا الشارع

يلااا يا بندق ...يلا يا بندق عدي يا بندق وكأنه يدلل طفل صغير -

يقف في المحطه ويعلوا صوته موجها كلماته الينا

يلااااااااا يا كتاااااااااكيت انزلوا -

ليرد عليه ثلاث شبان من الركاب

سيوووو سيووو سيوووو -

واانا اتـأمل المشهد وانفجر بالضحك انا وباقي الركاب

كم كنت سعيده لايجاد من شاركونى الضحك والاندهاش يومها

انزل من الميكروباص ... لاقول في عقلي

احلى حاجه فيك انك بتسلي نفسك وانت بتشتغل واخر روقان

اهو ده حب ما تعمل على حق

--

احد المواطنـين

على جنب يا بااااااشمهندس -

في عقلي بس متقولش باشمهندس طيب -

!

--

الميكروبــاص

..حياه كامله قابلت فيها انواع مختلفه من البشر واحيانا الكائنات

اكتشفت اني قبل حياتى مع الميكروباص

لم اكن من طبقه عـــامه الشعب المصري الكادح

في الميكروباص ناس ...حكايات .. عيون ...وشووش.. افكار .. ثقافات مختلفه ... كبار ... صغار ...متعلمين ... وغير متعلمين ...طيبين ... وخبثاء.. تشاركهم في خلال رحلتك القصيره معهم الحـــــياه

وعجبي

عيون خفيه

يـا طفولتي

ان الاوان ...نعم ان الاوان

ان الاوان

لتتواري بداخلي..لتعيشي

وحذارى ان تموتى

اه يا الاهي

كم اخشي هذا ... انا من دونك

كالحجر ..يسبح بلا روح

كم اخاف من الدنيا والبشر عليكي

لذا ..ادخلي ..عيشي ..ولا تموتى

لكن بداخلى ...فقط بداخلى

واطمني

حتى يكون الاوان

لتصولي وتجولي في ارجاء الاماكن

بلا حدود وبلا قيود

فقد اتعبنى صدامك ..واجهدك انت ايضا

هذا هو اتفقنا من اليوم

..

القاكي دوما بداخلى

تحياتى لعفويتك

.

.

.

بوست واحد لا يكفي

بالاضافه الي جرحك

يا عراق

في ذكراه الرابعه

وجروحنا في ذكراها الخمس تلاف

رحم الله اولاد بلدى

ووطنى الصغير

من من توفوا في حادث الاتوبيس

- الي هو ابو من غير فرامل ده-

رحمكم ربي وسامحكم يا من انتقلتم الى رحمته

و غلفكم الله برعايته وحنانه وعطفه ورحمته

يا جرحى ويا جراحي

بعد ان غلفت بلدى بمظاهر الاحتفال

والاستعداد لاحتفالات الربيع

وعلقت الصور وتم تجهيز المسرح ..والتعاقد مع الشعراء والمغنين

و فرق الرقص الشعبي

وفرق السمسميه

جاءنا الخبر

لتنزل الستائر

و تعود التجهيزات لمكانها

ويحل محلها لافتات العزاء السوداء

ولتذهب الاحتفالات للجحيم ان كان ربي غير راضي عنها

--

ربي

احمدك ربي على كل شيء

... فكل ما هو من عندك خير بحق

حتى وان كان حزين او مؤلم

... تعلم ان هذا ايمانى الداخلى وانها ليست مجرد سطور

لك وحدك الحمد حتى تجف حروف لسانى

ويرددها قلبي وروحى

في حياتى وبعد مماتى ...مهما كان مضمونها واحداثهما

لك الحمد

ربي

يا وطنى المجروح -اعلن خجلي

لطالما شعرت بالخجل وانا احدثها
حدثتها يوم امس
وقصت لي بعض التفاصيل عن الحقائق
التى لا يمكن لشاشات الاخبار
عرضها
وانا اتألم
اشعر بخجلى منك ومنها
وهل كانت تكفي كلماتى وشعورى ودعائي
لتخفيف ...بعض الذرات من ما بداخلها وبداخلك
يا صديقتى العراقيه ... اعلم ان كلماتى ولو كانت مدد بحر لن تكفي ولن تجدى
مع الوضع الحالى
وعد ان احاول ارضاء ربي لانه يستحق ان اعبده
و كي يخفف عنكى وعنه وهو يفعل لانه ربي... والكثير بداخلى لا اريده ان يكون مجرد كلمات
يا وطنى العراق ...تمسك ... لملم اولادك
يا اولاده ...انتم اخوه ولو كنتم من الديانات المختلفه كليا
فهل احلم انا في سطورى
اعتذر لكم عن تقصيري ومسئوليتى المشتركه في ما يحدث في ذكرى جرحك
الرابعه
حقا اعتذر لكم واعلن هنا خجلي
واصراري وتصميمى
ونفسي
----------
على الهامش

عباس
راجل كناس
كان زى بقيت الناس
الفقرا....العنديين
عايز يعمل قرشين
ويعيش عيشة اسياد
خد بعضه وراح بغداد
بغداد احضان عربية
فى ساعات الأستنجاد
أنا ممكن افارق مصرلو ضاقت بيا الدنيا
والسورى يفارق سوريا
ساعة مصر ما تهملنى
او سوريا بتنسى ولاد
وولاد عباس اتمنوا
بتراب الخير يتحنوا
لكن عباس ترباس
حالف مايسيب بغدادا
لا ما يرجع بالزاد
اللى يكفيه ويفيض
الفرخة هناك بتبيض
للمايل على دراعينه
والحال والبال سايعينه
و فى عينه شوية نبض
عباس كان يوم القبض
مستقتل ...على الدينارين
اللى بدمه موفرهم
عاوز يجرى يسفرهم
العيشة فى بيتهم ضنك
ويدوب خارج م البنك
الطيران الأمريكى
والطيران البريطانى
علموا سكان بغداد
ان المستقبل فانى
و الوطن العربى فى غمضة
تمحيه امريكا بامضة
عباس كان جايب لمضة
علشان الحوش كان مطفى
بقه كل العالم مطفى
والحلم اتلم فى ومضة
وصبح عباس اشلاء
وسط بقيت الشهداء
مفيش فى جيوبه هوية
ومفيش من حلمه بقيه
و الحلم العربى مذاع
فى القنوات الفضائية
الحلم بقه اغنية
والحلم العربى اتباع
من قبل احمد عدوية
والسح ادح امبو
عباس الناس لموه
حبة عضم ودراعينكان ماسك ع الدينارين
اخر دينارات يكسبهم
لكن محسبش حسابهم
معرفش ان الأوطان
لما تنخ بتتهان
و الكناس الغلبان
اللى ما يعرف سياسة
هو اللى هيبقى كناسة
والساسة بتوع النفط
وبتوع اجهزة الشفط
امريكا بقت عروبتهم
وان خربت بيتنا وبيتهم
بنطاطى عشان ترحمنا
اصل احنا اللى اتوحمنا
وجرينا علشان تحمينا
من بلاوينا فى بعضينا
وولاد عباس قاعدين
فى استنظار الدينارين
الأب رجع فى النعش
والفقرى ميتودعش
مكتوب وبلغة الضاد
الميت فات بغداد
اول ايام رمضان
ومفيش للجثة مكان
ومفيش ولا أى سفارة
عرفت لملامحه امارة
وصبح عباس امانات
فى ترانزيت المطارات
من تلاجة لتلاجة
مع انه مكنش خواجة
جثة عباس عربية
دولة عباس عربية
لهجة عباس عربية
لكن تصريح الدفن
مش لاقى ايدين عربية
تفتح ابواب التربة
عباس كان عايش غربة
بقه ميت ستين غربة
مش لاقى لموته بلاد
ولا راضيه عليه بغداد
والموت العربى وديعة
فى بنوك الأستعباد

محمد عبد القادر

فوكيرات حره

اطلق سراح افكارى ..فهى حره

مـسـئــوله

لا تُـطيق القيود