في نفسي

بحثت عنك بين رحاله , عالم , ثائر 

كاتب و فنان .., مصور وروائي 

فلم اجدك 

بحثت في كل من يلقبهم البشر بالمبدعين 

فلم اجدك 

فقررت ان ابحث في نفسي علّي أراك فيها 

.

.

.

فتكون و أكون بك 

وبعدين يعنى

لـحد إمتى هــتبشري بالتغيير 

الحلم , الحب و الثوره 

وانتى بتحسبي كل خطوه بالـمشوار ..؟

حياتك محتاجه مغامره وخطه وخطوه , خطوه أكـبر , خطــوه اوســع , اجرأ ..

اكــسري السجن وطيري بجنحاتك 

عيشي المـلحمه .. 

فــاكره يوم زمان قولتى لنفسك 

" اســتسلمــي و احلمي بكون جديد ومختلف " *

دلوقتى آن آوانه ..

آن تغامري و تخلقــيه 

* اغنيه لعلي الحجار

بــسيطه متستبسطهــاش

اما تصحى من النوم و تلاقي نفسك لسه عايش ..،

يبقا ربنا لسه عايزك تعمل حاجه في الدنيا و مهمتك منتهتش و عندك فرصه تظبط درجتك في الإختبار يعنى وقت اضافي ، شوف هو عاوزك تعمل ايه و أعمله

الحمد لله الذي عافانى في جسدي ، ورد على روحي و أذن لي بذكره " 

"
 

حُلم غلّاب

عبور الروح

الله يختار .. شهيد يسقط وينتهى كل شيء إلا من حزن اقاربه 

و آخر يسقط فيعلوا .., ويبدأ مع صعوده كل شيء 

في العيون تنظر .. تخترق بنظرتك الروح .. تزعم انك تعلم ما بداخل النفس ..

لمعه عين تحكي لك قصه حياه كانت في سبيله وحده 

ربما لم تكن يوما فكره متبلوره يُظر لها 

و إنما إيمان ..,إيمان في عمق القلب لا يُنتزع 

لا يشترط عمر او نشأه اجتماعيه .. 

ويبقى ان ما تعلمه انه فقط كذلك 

#عن الشهيد الحي 

تظهر الجماهير خلفه وتغيب دون أن يغيّر ذلك من أمره شيئا

يوم 30 يونيو مقدرتش استنى اما اروح علشان اكتب ان في وسط الجموع في ناس تشوفها تبتسم و ناس تشوفها تاخدهم بالحضن .. و صوره الشهداء كانت بُصله ليهم
المقاله دي شرحت بتفصيل دقيق حاله بشر عاشوها وراء ابتسامه
بجد مقاله تاريخيه هحتفظ بيها عندى
.
.
المعركه دي كانت الاصعب على النفس و الوعى و الضمير و الاتساق مع الذات
و كان في نظره العين مواساه و كلام و حكى و فهم
و بُكى ..
و حجات معشهاش ناس كتير
--------------
على قديمو 

عمر طاهر 

عند الاتحادية ومن مكان ما كان ينبعث صوت أغنية وردة «حلوة بلادى»، كان هناك تجمع يبدو أنه جديد على عالم الثورة يجلس على الرصيف معظم من فيه يمسح دموعه من التأثر، وعلى بعد خطوة منهم شاب ثلاثينى ينظر إليهم ويهز رأسه بنصف ابتسامة.

لا تأخذك الظنون بهذا الثلاثينى معتقدا أنه يسخر من مشاعر وطنية، هذا الثلاثينى أبكته الغنوة قبل ذلك بكثير لكنه لم يعد لديه المزيد من الدموع بعد كل الغاز الذى استنشقه فى كل ميادين مصر، هذا الثلاثينى وأقرانه أستطيع طوال الوقت أن أميّزهم من بين الحشود مهما عظم عددها، المخلص للقضية مهما تشعبت، المتمسك بالجمر منذ عامين ونصف العام فى انتظار أن يطلع عليه يوم 26 يناير.

التقيت واحدا من العينة نفسها عند دخول الاتحادية، صافحتُه «إيه النظام؟»، فابتسم قائلا «على قديمو»، يقصد على نهج الشخص القديم الذى التقيته قبل ذلك كثيرا فى «قصر العينى» و«محمد محمود» وصينية الميدان و«مجلس الوزراء».

هناك حفنة من الثوار «على قديمو»، يقوى إيمانك بما تفعله عندما تجد واحدا منهم إلى جوارك فى المربع الذى تقف به، دقَّت على رأسه طبول المجتمع والأحداث كثيرا لكنه لم يتغير أو ينسحب، هو القاسم المشترك بين المصريين كلهم مهما اختلفوا، مَن يقفون فى رابعة العدوية يتفقون معه فى حتمية عدم عودة رموز النظام السابق، ومَن يقفون فى الاتحادية يتفقون معه فى ضرورة رحيل النظام الحالى، وهو أيضا ضحية مشتركة، يمتعض منه رواد الاتحادية لتحفظه على عودة حكم العسكر، ويمتعض منه رواد رابعة العدوية لتحفظه على شرعية الرئيس الحالى، وهو أيضا أمل كل المصريين، أهل الاتحادية يحتشدون خلفه اليوم لدعمه فى عزل النظام، بالضبط مثلما احتشد أهل رابعة خلفه فى يوم الجمل لدعمه فى عزل نظام آخر.

تظهر الجماهير خلفه وتغيب دون أن يغيّر ذلك من أمره شيئا، تحمَّل كل اتهامات التمويل والتخوين والفلولية والبلطجة مدعومة بوابل الغاز والخرطوش والرصاص الحى والحجارة والسحل والإهانة، لكنه فى النهاية يبتلع كل ما فات ويحضر فى الموعد والمكان المناسبين متيقظا للحق وإن كانت به مرارة ما.

معظم الثوار اللى «على قديمو» لا أحفظ أسماءهم جيدا، لأنهم غير منتشرين على الشاشات وصفحات الجرائد، ومعظمهم لا يعتلى الأكتاف ساعة الهتاف، ينتبذون أماكن قصيَّة فى الميادين طوال الوقت ويظهرون عند اشتعال الأحداث للدفاع عمن حولهم، ليسوا مهتمين بشؤون السياسة لكنهم يفهمون فى الثورة أكثر من أى شخص تعرفه، لم يحتشدوا فى طوابير المطالبين بتعويضات مصابى الثورة على الرغم من أن أجسادهم لا تخلو من إصابة واحدة على الأقل لا يأتى بسيرتها إلا إذا انفتح بالصدفة حوار عن ذكريات الخرطوش أو فتح الدماغ مثلا. لا يبنى خصومته مع أحد بناء على خلاف سياسى، ولكنه يبنيها بناء على خلاف إنسانى. خصومه المنافقون والجبناء والمرتزقة والكذابون وناكثو العهود. ينطبق عليه قول الخال الأبنودى «أيادى مصرية سمرا ليها فى التمييز»، وهم أيضا القائل فيهم «باكتب بدمى حياة تانية لأوطانى.. وبابتسم.. بابتسم من سعادتى ولّا أحزانى؟».. راجع الابتسامة اللى فى أول المقال.

http://tahrirnews.com/columns/view.aspx?cdate=02072013&id=159c1bb4-e5de-4596-9490-a9647f68931d#.UdPz2kL6KFs.facebook

ودى انا :)
https://www.facebook.com/mai.elkatatny.1/posts/10152979207900578

في وسط الجموع تلاقي اعداد متناثره ،بتبص لبعضها وتضحك وتسلم و تحضن بعضها :-) صوره محمد راشد عامله دفا ، و العجيب ان في ترييلا مع المظاهره

عنعنات 2

عن الثوره و الغضب و الحــب
عن الحلم
عن التكامل بين الكلمات دى في الحياه
عن التحدى الشخصى و المنافسه اللى مجربتهاش قبل كده
عن يقين جواك .. ان ربنا معاك لوحدك
عن يقين جواك بإنك كويس ويجي منك
و عن

هتعرفني .. انا عارفاك "
سنين قبلك و انا راسماك في حلمي خيال
روحين تايهين .. مالينا حنين
مشوفناش بعض , لكن طفنا لبكره آمال
هـ اقابلك إمتى بس وفين . سنين فاتت سنين جايين
لكن عارفه اكيد موجود انا حساك
تقابلنى تكملنى , بنصي اللى بعيد عنى
بحلم جديد يكون مولود , اكيد هلقاك "

شعر احمد شلبي - اغنيه لسلمى صباحي

جيلنا حبيبي

إحنا جيل الشقيري و حمزه نمره ، بطلوا تبصوا عالعواجيز ، بصوا على كوادر جيلنا في كل مجال هتشوفوا وطن تاني جاي قدامحياتنا هتكون مختلفه #يقين .. جيلنا فيه كتله حرجه رائعه .. تانى وتالت ورابع .. ده بقا واضح وضوح شمس النهار .

و بالله و لله يرجع كل شيء التوكل على الله , طلب التوفيق , الدعاء , الدعاء , الدعاء , اليقين بالله من الخيارات المتاحه لنا في الحياه , يمكننا طناشها , الاستعانه بها , أو ان تكون ركن رئيسي في كل خياراتنا و اختبارات الحياه ..
#عوامل_النجاح ..

.
.
.

اجيال تحلم يوما بعُلا الـ أوطان .. و شباب يحمل أملا لبنى الانسان
نبنى المجد لنرقى .. وليقوى البُنيان , كن بالناس رحيما مُد يد الإحسان . كن عونا للناس دوما

الشهيد الحيّ

الشهيد الحي، هتلاقي عينه صادقه بتبص جوه روحك، واثق ، شايف الدنيا ببعد تاني اعمق ،
الشهيد الحي إحنا ،
الشهيد الحي بيمشي عكس الاتجاه لو كان غلط، جواه عارف ان الحق دايما صوته اعلى حتى لو كان لوحده،وعارف انه هنا عشان كده ، في لحظات الوجع صوت قلبه موصول بربنا ، باصص بره حدود الزمان و المكان ،الشهيد الحي إحنا .
.

اللهم ارزقنا الشهاده في سبيلك ،سبيل ما نؤمن به

lose weight اخسر وزنك تكسب صحتك

“اننا لا ننتهى ابدا من صنع انفسنا ؛
أشعر هذه الأيام بأننى اواجه نفسى مثل نحَّات يقف أمام صخرة
يجب ان يحذف منها كل ما هو غير جوهرى”
― Juan José Millás

.
.
شويه علام ربنا لينا في الدُنيا مُهم

الآمان ..
الآمان إن ربنا موجود هنا جنبك .. اما تحسه هتلاقي الحاجه وعكسها بالنسبالك
جميله .. هتلاقي إن كلمه لعله خير ليها معنى
انت مُدركه مش كلمه جوفاء بتقولها من قله الحيله علشان تصبر بيها روحك التعبانه
الآمان ..
الآمان إن ربنا موجود هنا جنبك .. هيخليك في لحظات الاضطراب و في وسط
ما الدنيا متلخبطه و بتنزل لتحت اوى
شايف فرصه ربنا هيعلمك فيها بعدها .. و إنه كان لابد من انكسار سطحى
مجاش جنب الروح و حتى لو كانت ضربه شديده و جه الانكسار في الروح
ده معناه ان في نقله كبيره واسعه وفارقه و مُلهمه
جايه قريب أهي .. افتح لها حضنك

.
.
حد قال اللى بتحلم بيه ده شيء نادر يحصل في الدنيا
انت قول ..
مم نادر , في الدنيا
الدنيا دي قصدك اللى هي بتاعت ربنا ..؟
انت عاوز تقول ان خير ربنا قليل
ولا عاوز تقول ان الدنيا اللى هي بتاعته هو ضيقه ..؟
بس دي دماغك انت الضيقه
:)على قدر أهل العزم تأتي العزائم

و انت فاكر انك هتفضل فاكر انه رزقه ضيق و هيعطيك ..؟
انت اصلا اللى  موارب كفك على القد و خايف تفتح دراعاتك ع الاخر لحسن متتملاش !
طول ما كفك موارب .. كل اللى هيملأ كفوف غيرك هيروح عليك هدر
يا عبيط
.
ومن هنا نعرف .. إنك في الحياه سعات لازم تتعلم حته حته .
و اما تيجى تعلم حد .. بردو علمه حته حته
لحد ما يبدأ يفتح إديه على الآخر .. علمه زياده وزياده
بالتدريج
" لما تيجى تعلم حد الصلاه من الاول .. ابدأ معاه بالفروض , بعد ما يحبها و يتشوق
احكي له عن السنن و عن وعن و عن "
ده تكنيك رائع لإن ربنا بيعلمنا كده
و دى حاجه قررت اكسبها و اخسر اسلوب التلقين بتاعى
التلقين بيحط حدود للفكر
لكن السؤال المفتوح
و المُهمه المفتوحه .. بتفتح لك مساحات جديده من عقل بشري قدامك طاقته مش محدوده
احترم العقل اللي خلقه ربنا ,, اسأله سؤال مفتوح و اعرف اكتر من اللى محتاجه
اديله مهمه مفتوحه و استمتع بإبداعات عقله
.
.
مفاتيح البشر من علام ربنا ..
الترغيب و الترهيب
ابدأ بالـ تحفيز و الشكر .. في الاصل احنا روحنا من روح الله
كتير هيستجيب .. زي ما في مثل شعبي بيقول
" كُله بالحنيه يفُك "
دي حــكمه شعر ابيض
اما اللى تعب نفسه و شيلها كتير زنوب و دنّاها
هيحتاج شويه النبره تعلى من غير ما تشيل قيمتك المضافه التحفيز و الشكر
هيبقا مش فاهمك .. هتبرجله
هيلاقي نفسه متضايق منك
وفي نفس الوقت مبسوط .. اعمل معاه إيه ده ..؟
هيفلفص كتير لكن في الآخر
اطمن
في آمان ربنا بيقول
" أَنْـزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَابِيًا وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِثْلُهُ كَذَلِكَ يَضْرِبُ اللَّهُ الْحَقَّ وَالْبَاطِلَ فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللَّهُ الأَمْثَالَ"

إسمع كده تانى
" 

فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الأَرْضِ "

يعنى ركز على إنك تمشي صح
ومتسكتش على الغلط
تفائل و حارب علشان الصح حرب الكيس الفطن .. اسمع اكتر ما تتكلم ادرس الموضوع و اعمل التصرف الصح
إعمل الصح بتاع المسلم الفاهم , واسع الحيله , ذكى و ميتاكلش بسهوله
انصر الحق بصفاتك دي انصره بشطاره و حرفيه  وخد ده نيه
.
.
وافتكر إن ما لا يدرك كله لا يترك كله , تقدر تفرق في المعادله كتير و انت جواها
طالما عنيك على ده ومراقب نفسك و ماشي على كتالوج ربنا
اللى هو كتالوج المنطق و الفطره و طهاره الروح اما يجيلها إلهام كده
.
.
.

جمل بين الاقواس و آيه القرءان و إلهام البوست ده كله من علام ربنا اللى في الدنيا اللى بيحطه في طريقك عن طريق ناس بتعرفها جديد .. و ده من مهندس اسمه محمد عبد الغفار مديري الجديد اللى فرق معايا في علام الحياه كتير

 

تخطفنى بلا خيارات

وتــأتى لتـحمل عني عبء اختيــارك ..
انجز بقا
.
.
.

و أعلم ان ماكان لك سوف يأتيك ، وإن ما توعدون لآت وما أنتم بمعجزين

وقالت

قالت لربنا
ان ده هيكون اخر انكسار
و كل اللي بعده حياه ع المظبوط .. فيها شطحات تختصر
اى وكل وقت فات ..
و تبقا طوق نجاه لناس كتير
و تشوف الدنيا بالاوانها الحلوه
في العسر و اليسر
و الصعب
 اللى بين البنين

علام ربنا

اما تكون زعلان و تبص حواليك تلاقي انك مش لاقي حد تشكي له او تتسند عليه
#افرح . ربنا بيفتح لك افاق جديده للقرب منه .. و بيعلمك ان أمانك معاه مش مع حد من الناس مهما كانوا قريبين ..
اما تتسند ع القريبين .. هتحس بعزوه و وتد و هترتاح شويه ..
بس اما تتسند على ربنا .. هتتفتح لك آفاق جديده وتد من نوع تانى عقلك ميقدرش بيجيب حدوده فين .. دايما هيفجأك و هيفرحك " بيده كل شيء و كل شيء عليه هين وهو على كل شيء قدير " .. " قمه القدره , قمه الالتزام معاك , قمه كل صفه بتحبها و بتحب تتعامل بيها , مالك الملك " .. الحمد لله على نعمه وجودك يارب .
.
.لحظه امتحان حقيقي للكلام ده ... كونه إيمان حقيقي او قله حيله

هتكون وقت ما يكون لك سند في الدنيا و تختار انك تروح لربنا و يفضل هو الأول و الاخر و الباقي بشر

.
.

حلقه في ودنك

و علشان متوهيش في دوامه الحياه عاوزه اقولك كلمتين
في حاجه في الدنيا اسمها معايير جوده الحياه
quality of life index
و هى مش بعيده كتير عن مقاصد الشريعه الاسلاميه
مقاصد الشريعه دي هي المفاهيم اللي التشريع الاسلامي كله
اتبنى علشان يحافظ عليها
و علشان كده بنظره تانيه
ضروري سيستم حياتك يدور حواليها
المقاصد هي
حفظ الدين
حفظ النفس
حفظ العقل
حفظ العرض او النسل
و حفظ المال
.
.
و في ترتيب بيخلى الدين في النصف بعد النفس و العقل
خلينى اخد واحده واحده و اقول تطبيقاتها إيه في الحياه
حفظ الدين بيتطلب
اولا الاتزام الدينى حق ربنا عليك انك تعبده كويس
ثانيا تتعلم حاجه جديده في دينك
ثالثا تعمل حاجه تخدم بيها دينك او بلدك

حفظ النفس
يتطلب انك اولا تحافظ على صحتك البدنيه من ازاى تاكل و ازاى تلعب رياضه
و ازاى تظبط مواعيد نومك وراحتك
و ثانيا انك تحافظ على صحتك النفسيه وده بيكون بالمحافظه على العلاقه بربنا
بإنك دايما تعمل حجات بتحبها
و دايما تتخلص من الضغوط و تحولها لمتعه
و شويه حجات كتير

حفظ العقل
هنا هتحتاج انك دايما تتعلم حاجه جديده
و انك تقرأ تقرأ تقرأ
و تشتغل على نفسك

حفظ العرض و النسل
و دى علاقاتك الاسريه .. بكل تفاصيلها و اللى محتاجه منك رعايه و حمايه

حفظ المال
شغلك و الحجات اللى بتكسب منها

من هنا نقدر نلخص ان سيستم حياتك ضرورري يكون موازنه بين
1- علاقتك بربنا و بالحجات المؤمن بيها 

2- صحتك و لعب الرياضه 

3- اجازاتك و وقتك اللى بتحبه لنفسك بيكون ازاى 

4- القرايه هتقرأ إيه و معدلات انجازك إيه و ايه اللى اتعلمته جديد

5-  عائلتك و صله رحمك وحياتك الخاصه

6- شغلك

7- اصحابك و علاقتك بالناس و بالبلد

و علشان يسيتم حياتك يكون مظبوط لازم تعمل توزان بين كل ده
و مينفعش علشان تظبط السيستم بتاع حاجه تبوظ
حجات تانيه او على الاقل لازم كله يكون قصاد عنيك و عارف بتعمل إيه مش ماشيه الدنيا كده
اى حاجه في اي حته

لازم تكون حاسم جدا في السيستم بتاعك
لازم تتعلم تحول الضغط لـ مصدر إلهام وطاقه
و لو مقدرتش تعمل ده اتخلص من الضغوط لحد ما تحقق اللى انت عاوزه و بعد
كده غير حياتك و سيب مصادر الازعاج و عدم الاتزان

إنتى وتد ..

قالت لي
يا صديقه : بتمر اوقات ومواقف كتير باعرف فيها قد ايه أنا محظوظة بصحبتكم
انتى عارفة ان انت ( وتد ) يا مى ؟

كتبت لها ابتسامه
:)
و في نفسي قلت لها :
أيوه عارفه يا اميره .. عارفه
.
.
.
يارب انت وحدك عارف إنى مش هعرف اعيش غير كده
اكتب لي سعاده و شغف بكل تفاصيل الحياه
باللي تحبه و ترضى عنه انت بس يارب
.
.
و اكتب لي بيت زي ما حلمت بيه
يكون وتد للدين و الوطن
:)
بحبك أوي يارب
شكرا لكل نفحاتك اللي ماليه حياتى
:)

الحمد لله

الصوره لـ
Suu Kyi
و الصوره رقم 2 عن فيلم
the lady
عن قصه حياتهازعيمه بورمه المؤيدة للديمقراطية والحائزه على جائزة نوبل للسلام؛ داعيه ضد العنف و لحقوق الانسان و قد قدت سنوات عديدة تحت الإقامة الجبرية دفاعا عن مبادئها .

احب اقولك

في البدايه احب اقولك
مدونتى ( قلب ) مرسوم 
دمتى لي صديقه ... ما عُدت احتفل بميلادها .., ما عُدت ازورها كثيرا
اغيب عنها بأنشغالى .. لكنها تعلم تمام العلم ماذا تعنى لي .. وتظل دائما وفيّه
اعود لها فـ اتعلم , ابوح , انضج , ارى نفسي و اتصالح معها .. دمتى لي

.
.
و احب اقولك إن حياتى عماله تتبلور قدامى
النهارده بقا عندى مدير جديد في شغلي الجديد
متفائله بيه جدا و حاسه ان الشغل هيشد
لكن هيكون اكثر متعه
.
.
ممم قابلت واحده بتشتغل في شغلانه نفسي اشتغلها و هي كبيره
و قولت لها انا عاوزه اشتغل معاكي
و هى رحبت .. في انتظار مكامله منها بس يبدو انى محتاجه اجري ورا احلامى اكتر شويه
.
.
و بالنسبه لحلم التدريب .. النهارده اخدت قرار إنى امشي وراه
و اتخلى شويه عن إن كل حاجه تبقا مظبوطه بالظبط
و اجرب انتش حلمي و افضل ورا اللى المفروض اقنعه و احل التحديات اللى المفروض احلها مش العكس
.
الشغل الجديد يمكن بعيد عن الطريق لكن
مهم جدا علشان التدريب يكون ناجح و يكون فيه خبره حقيقيه
ممم كل اللى عرفاه ان فعلا انا محتاجه اتعلم حجات دلوقتى
و الحجات دي هلاقيها هناك
:)

نعم الدُنيا

النهارده .. و كمان 16 سـاعه .. في الساعه 4 بالظبط .. جه للدنيا أحلى حاجه حصلت في حياتى
مواطن مصري ..
يبلغ من العمر دلوقتى ( 1 سنه ) .. عنده من البراءه و الشقاوه اللي يقدر بيه يخرجك من أي وكل حاجه .. و تنسى معاه الدُنيا ..
إلى صانع البهجه في حياتى .. و حبيب قلب عمتو الصغنن ..
كـل سنه و انت احلى حاجه في الدنيا .., بحبك أوي
ربنا ينفع بيك ياارب ويجعلك من الصالحين و اشوفك بتكبر دايما دايما :) .. و الشقاوه اللى في عنيك تفضل طول العُمر :)

الله العظيم

رسائل الله .. يارب اعجز عن شكرك ..
مذاكره
يقظه
كورس انجليزى
كتابه
عن الفضيله نعود و نكتب و ننشر
" لازم كلام القلب يوصل لقلوب الناس "
تدريب .. تجربه
تعلم
.
.
.
عيله
آمان
اسره مطمئنه
رجل
طفل
.
.
.
رســـاله
اثر , إيمان , إلهام
.
.
ماذا يريد الله منك ..؟
سؤال من روح د محمد يسري سلامه
لي

growing up

إلا هو ده اللى بيقولوا عليه
نضوج
تطور
اتضاح رحله الحياه ..؟
 .. غريبه في حجات بشوفها و كأنى مشوفتهاش قبل كده
افاق جديده و معانى جديده .. لحجات مش جديده
بتتفتح ..
.
.
.
بعد ما ربنا وقف جنبي جدا بعد ما قررت اسيب شغلى
بدون اي خطه
بجرب معانى جديده لاستجابه الدعاء مُدهشه
قدره ربنا واسعه .. إنت بتطلب من المصدر
من مصدر كل شيء .. ليه متطلبش كل حاجه
و زي ما انت عاوز بالظبط ..
الكون فيه وفره
و الوفره في إيد الخالق
اللى انت تقدر تقابله وقت ما تحب
بسجود و خشوع
.
.
.
النهارده كان اول مره اروح شغل جديد
فجأه
مخضوضه لانى عمري ما فكرت ادخل المجال ده
و غير خالص اللى كنت عوزاه يحصل
كنت قلقانه ده يبعدنى عن الطريق و ارجع اتوه تانى
لكنى مرتاحه جدا و مش عارفه سبب بعينه
صديقتى قالت لي
يا مي ربنا بعتك هناك علشان في حاجه
لسه لازم تتعلميها
و انا حاسه انه ممكن يكون مجال يقوينى اكتر
يعطينى ثقه
و سرعه في اتخاذ القرارات
و ياكيد ربنا مخبي لي حجات
.
.
.
لاول مره النهارده احس انى جاهله جدا
و معرفش حاجه قصاد العلم اللي في الكون
و قدرات ربنا
حجات كتير معناها مختلف .. ده توقيت إنى اشوفها كده
لأول مره المس يعنى إيه التغيير في الدنيا هو الحاجه الثابته
و إنى عادى اتغير معاها و اعيش اللى يناسبنى دلوقتى
و احب نفسي في كل مرحله بتمر بيها
طلاما في خيط بيربط بين كل ده
انا عارفه كويس دلوقتى
انى متخلقتش علشان اكون في حرفه
انا اتخلقت علشان اصنع وطن
ايمان , عقيده وروح
اصحي ضمائر و اتعلم و اتفكر و اعرف معانى
يعنى ضروري احافظ على دراسه العلوم الدينه حتى لو بقليل
و اشتغل في خط الثوره و محاربه الفساد بالاحلام
و التدريب هاخد منه ال
passion
طلبه صغيرين , روح في الحياه و علم بينتقل
و مباديء بتتذرع
صحيح
عاوزه اقول لنفسي
إن في 3 كلمات مهمين جدا في حياتى
( الآثر اللي يتبعه ثواب بعد الممات , الايمان , و الإلهام )
.
.
حاسه ان اللى جاي عليا فتره فتح ..
مرعوبه الدنيا تاخدنى بس هفضل ادعى ربنا إنه يفضل جنبي
يااارب عاوزه بس افضل
واعيه , يقظه , مركزه
و مالكه زمام حياتى

و احقق إنجاز كبير و تطور
و اعرفك
:)

الى عمو الجميل :)

الحريّه إللي في صوت عمو اللي بيمشي في الشارع تحت البيت
علشان يصحينا نصلى الفجر من مكثبات الثوره :)

الراجل ده بيمثل لي كل معانى الحريه .. صحيح حريتك تقف عند انف الاخرين
و هو ممكن يصحى ناس مش مسلمين اصلا
لكن لا بأس من شويه
حُريه مُفرطه
لو كنت ولد .. كنت اكيد هنزل اصلى في الجامع
و اتصاحب عليه

زندقيات

كــتير بيلفت نظري فينا نحن معشر المسلمين

إن اما بنقعد في جلساتنا في ناس بتسخر من طريقه

المسيحيين في الصلاه مثلا

أو الكلام عن الانجيل و التوراه

على إنه مجموعه آيات فلسفيه .. و إنها ليه مكتوبه كده

بطريقه تعبير بتقلل من شأنها

الحقيقه بيبقا شيء غريب جدا جدا بالنسبه لي

و بقابله بشويه تدبر و احيانا دفاع مما يثير حولى الشكوك

:)

دلوقتى في عقيدتنا نحن المسلمين .. إن التوراه و الانجيل حصل لهم عمليه تحريف

و تحريف لا يعنى الاستبدال

و اتصور إن اللى بيحب يحرف بيمشي بنفس السياق و الاسلوب

إذن من الممكن جدا جدا ان تكون دى هى الطريقه اللى نزل بيها التوراه و الانجيل فعلا

من السماء .. و كانت بلغه ابسط من القرءان

و من الممكن جدا إن تكون طريقه الصلاه دي تكون كانت طريقه الصلاه وقتها

زي طريقه حج المسلمين كده .. في ركن الطواف طب ما في عصر النبي و قبل نزول الاسلام

كانت الناس بتطوف حول الكعبه

القصد .. إن احترام معتقدات الغير بما لا يخالف عقيدتك ده شيء واجب و فرض

و ان لم يكن علشان احترامهم و علشان دى هى الانسانيه

فليكن علشان هما كمان يحترموك و يقبلوك و يكون ده مسار دعوتك ليهم

و لو مكانش علشان كل ده وده

علشان

على فكــره إنت ممكن تتريق على حاجه و تكون اصلها منزله من السماء فعلا

في وقت بعيييد إنت مكنتش فيه موجود

و كانت ثقافه المجتمعات اللى نزلت عليها و وعيها غيرك خاالص .. خالص

قسمه الفرحه

إنــك تقسم مع حد الفرحه .. دي حاجه احلى بكـتير من انك تقسم حزنك مع حد ..
الانسان ممكن يحزن لوحده .. بس بجد صعب جدا جدا يفــرح لوحده :)
.
.
.
من سنه كنت في
tedxportsaid
و تخيلت نفسي ع المسرح السنه دي
و هو ده اللى حصل :)
.
.
هحكى عن اليوم ده في
post
تانى :)
بـــس عاوزه اسجل إنى واثقه في إن ربنا هيرزقنى فرحه
اللى اقسم كل فرحتى معاه .. , الحياه , الشغف و الاحلام
السعاده اصلا
ثقه و مشاركه

هتكونى ابعد ما يكون عن البنات دول

قرار إنك تكونى مـش زي المُستسلمات
البـاكيات .., الكئيبـات
اللي حياتهم واقفه على حاجه واحده وبس
أو
قرار أنك تكونى مش زي المُستغنيات
المطنشـات .., اللي حياتهم طموح ونجاح و بس
قــرارك إنتـى
.
.
و انا قررت إني الاكيد هكون على النقيض من دول و دول
الموضوع محتاج قناعات تستمتعى بكونها قناعاتك
و دعــاء
بس
ســهله خالص :)

مُدهـش في الزمن

الفروع و النُسخ كــتير بتشوفها و بتقابلها 

ومن النادر إنك تلاقي منبـع

فيلســوف
عُقــاب

نعنشه

 هتفــضل الأحلام عنوان لكل ما هو آخ_يانى في الحياه
و هي الرابط دايما
إنك تكون حلم مصدقه فيه
علشان ينفع تكون لي حبيب
.. هتفضل الاحلام  نعنشه للقلب من كل الحجات الـ مش أوي في الحياه ..
.
.
.

.
على الهامــش


“التوتر السطحي لفقاقيع الأحلام … يومًا ما ستنكسر و أغزو منامكم جميعًا و أريكم ما أرى , خاصةً أنتِ "عبد الرحمن نزيه
http://teeneagle.tumblr.com/post/42288145434

وان سألوك الناس عن ضيّ جوه عيونك مبيلمـعش

هي الروح و الضيّ بيشتروهم من فين..؟
عاوزه 2 كــيلو.. يارب مش مالكه زمام الحاله دي.. بيعملوا معاها ايه ..؟يا اهل ذوبان الضيّ و الروح افتونا
حاسه ان في في صدري
قطعه حجر صماء
قلبي لم يعد يدق نهائيا !
و كل ما يشم نفسه يا دوووب
يـــرجع تانى

سنتين

ليل
غُنا
خوف ممزوج بحماس
ضحكه من القلب
رعشه برد و خوف مهزوم بالزق يا دوب
ترقب ..
عيله واحده كبيره بتعيد اكتشاف نفسها من جديد
هـما مين دول ..؟ دول كانوا معايا في نفس المكان ..؟
دي وشوش ياما شوفتها و  مشوفتهاش
عمرك بصيت في عين اخوك ..؟ عمرك قولت انا فداه ..؟
عمرك قسمت لقمه معاه ؟ .. و أديك هنا بتعيش ساعات بتساوى عمرك واكتر حبتين .
.
.
و في كـل مكان بعيد ..

 ناس في بيوت .. بتدعي
قلبها هناك .. روحها شايفه رغم كدب الشاشات 
قالت لو يصبح عليهم صبح .. راح نعيد مجد  فات .. ونزيد عليه

كانت بدايه قصه أمل .., أمل وحِده .. أمل مارد تـوّه عارف إنه لساه مارد
أمـل قوله يارب بقلب معلق في السما ..
النــصر يومها ..وانت بتتحسس خطاك للحريه
كان انتصار على خـوف اتهزم ومات خلاص مع اسم أول شهيد .. الى الابد
الى الابد ..


فــــمكمليـن

غوايه الاشرار

  وهتفضل الاحلام  تغوينى
كــما الطفله
مـهو قدري :)

مفرمه الابداع الحكوميه

فــرد في قطــيع ..
النهارده و بعد مشاده كل مره بيُعلن فيها عن شغل حكومى .. انا مش عاوزه اروح وماما عوزانى اروح
و اللى دايما بيكون الانتصار فيها لـ ماما
و بنزل علشان متزعلش
المهم و زي المره اللي فاتت .. بحس و كأني فرد في قطيع كبييير , شيء مُهين انك تقف في طابور ساعتين او اكتر .. شيء مُهين ان الطابور يكون بنات في جنب و شباب في جنب في مساحه اقل من 1.2 م
و اللى بيخلص بينزل من نفس المساحه و كل 5 دقايق لامؤاخذه لامؤاخذه
ربنا يكون في عون اصحاب الاوزان الثقيله
شيء مُهين اكتر ان التصارع ده يكون على دخول منظومه ( هى التفسير العملى الفعلي لكلمه فشل ) ..
شيء منيل بنيله ان تيجى الساعه 2 و بعد ما تكون مثلا واقف بقالك ساعه ونصف و الموظف يقولك خلاص شطبنا .. و يتعصب و هو مُنهدش !!
على اساس انه مكانش متوقع .. ؟؟
هو صعب شويه منطق و تقفل الباب من تحت من قبلها بساعه او ترقم الناس قبلها بساعه و اللى مش معاه رقم خلاص ..؟
شيء عبقري ان التقديم يكون ع النت اصلا ؟ !!
مشيت حوالى ساعه علشان افرغ شحنه العصبيه اللى كانت جوايا .. و هحكيلكم على صناعه الثوره اللى عملناها في الطابور :) :) :)
مواطن مصري " فهـلوى " و اصحابه واقفين في طابور لتقديم على وظيفه حكوميه ضحك وهزار ( جميل ده شيء مطلوب علشان يستحملوا ) فجأه هوب هوب راحوا 3 منهم سابقين اللى قداامهم لأ احنا لازم نطلع نسأل الناس اللى فوق هيعملوا إيه و شويه استعباط و راحوا واقفين في النصف .. واحد من الطابور قال لو سمحتوا كده مينفعش انزلوا واحد يطلع يسأل و انتم ارجعوا.. تنحوا شويه و مصمدوش .. راحوا نازلين و اتبقا واحد
عامل هندى .. و الطابور سكت عنه خلاص و هما شافينه
انا مستحملتش اشوف المنظر ده و كان دمى بيغلى " بكره الناس اللى بتستبيح تاخد حق غيرها على إنه فهلوه خاصه انه حتى محسش على دمه " .. دار حوار بينى و بينى
مش هينفع تسكتى مش كفايه انك وافقتى تكونى وسط القطيع كده !
مهو لو اتكلمتى يمكن يرد عليكى رد مش كويس .. و بعدين اصلا هو في طابور الولاد مش هياخد مكانك
مكناش عملنا ثوره بقااا لو هسكت دلوقتى .. و هو الهتاف في الشوارع كان أونطه يعنى
أول ما تمشي ضميرك مش هينيمك علشان سكتى . رتبي كلامك و شوفي رد مهذب على كل مقاوحه منه
يا بنتى بلاااش .. لأ مش هينفع اما اكون جنبه بس
طبعا الحوار ده كان بيدور في دماغى و انا عماله ابرطم مع البنات انه كده غلط و الناس المفروض متسكتش قولت يمكن حد من الشباب يحس على دمه و يزعق له .. مفيش
أكيد حد هيقوله مش معقول كده بردو مفيش .. وكل ما يبصلى انا عارفه نظرتى اما اكون متضايقه من حد بجد نظرتى بتحرق فعلا .. مفيش ..
و قد كان بقاا جه دوري جنبه .. قولتله لو سمحت حضرتك المفروض ترجع لدورك مينفعش كده  , كده غلط ..
راح باصصلى وقايلى ده دوري .. قولتله لأ حضرتك كنت جاى في نفس الوقت اللى انا جيت فيه
راح الراجل اللى هو عاوز ياخد مكانه قاله مينفعش كده .. البجح يقوله انت اللى جاى بعدى و انا شايفك ( انا هو في كده .. طيييب ) و بالطريقه الشهيره بتاعت الثوره و اللى كانت بتجيب نتيجه مضمونه 100 % .. خطاب لباقي الطابور .. انا بنت و هو مش اخد دوري اصلا و كلمته
كده غلط و انتوا مينفعش تسكتوا خالص بجد مش هينفع كده ده مش حقه
الطاابور كله فضل يقوله ميصحش يا كابتن كده و هو بيباجح و انا بزود
هع هع هع نظره انتصار
هو بجح جدا و الناس اتعصبت جدا .. و قل ادبه فجابه لنفسه و هو بيقل ادفه فضل يقل ادب على الولد اللى هو كان عاوز ياخد مكانه و الولد كان ملتحى فضل يقوله احلق دقنك يا شيخ ياللى عاملش شيخ
الناس فضلت تهدى الولد الملتحى ده و عجبنى انه بصله بنظره و اعرض عن الجاهلين
و الناس نزلته فعلا لحد مكانه D:
راجل كبير هو اللى شده و نزله ..

الشاهد هنا : مينفعش بجد نسكت على غلط تانى حتى لو ممكن نتأذى
المجد للبنات و هما عاملين مساكين :D :D

صخب الوحده

مُدمــر

البحث عن الذات

حاول ان تدرك في لحظه ما ان تلك الـ

" أنا "

هي وهــم

اُدرك حقيقتك و مدى عُمقها

و اعلم انك لست دورك .. الذي تلعبه في الحياه انت اعمق من ذلك

..

مشوارى بدأ مع د عدنان ابراهيم
:)
اسمع بقلبك و روحك .. فلهم قدره على الادراك اعمق بكثير
من المنطق و فصي الدماغ

http://www.4shared.com/mp3/fZTM6Ls0/_online.html

خطوه ع الطريق

من نِعـم ربنا عليا الكبيره اوى في الدُنيا دى .
ان من و انا 16 سـنه ربنا بيحط في طريقي دايما ناس انا مؤمنه انهم هيكونوا قيادات وطن ..
و الاجمل ان عددهم في حياتى يوم عن يوم بيزيد :)
معرفه الناس دى ..
بتعلمك : 1- اليقين
2- ان تثق في احلامك
و بتخليك تكون من الناس اللى شهدت ميلاد احلام و تحقيق احلام
و مشاركتهم التجارب الانسانيه في حد ذاته شيء بيملاك طاقه وأمل و قُدره ..
شكرااا يااارب .. الرساله وصلتنى " الجايزه تستاهل " .. :) :) :) :)
.
.
.
جايزه " صــانع الحيـاه "
جايزه من يسير على خطى الحبيب في
" إنما بعثت لـ أتمم مكارم الاخلاق "
هـــي
الجـــنه بسهوله و يُسر
اصلحي نفسك
خذى نيه خير في ان تساعدى من حولك على الاصلاح