في الافق القريب ارى

حـلما مشتركا
حياه مليئه بالاحداث
مقاومه
بناء
سعاده و طفوله
أم و وزوجه
قويه مميزه .. تستحق دائما الافضل
مُحاربه و أميره صغيره
.
.
دعــم و إيمان
صداقه , حب , مشاركه
و حــياه
.
.
هـا هي الاشارات تأتى بالنبوءه
إنه قدرك الحتمى
و ان الله قـد استجاب الدُعاء :)
.
.
ثم إني احب اقول لي في النهايه

خلى عندك يقين بالله "
و ان الفاسد بيخاف مهما كان شيطان
و ان الحق قوى
و ان الحق آن آوانه خلاص
و ربنا هيجعله على ايد جيلنا بأذن الله .. وان دي رسالتك
الاصلاح و الثوره  :) :) "

يرحلون

يرحلون و تبقى هواتفهم
و الذكريات
.
.
انا غــير قادره على
الضغط بـ
delete
عــلى كل تلك الارقام التى يحملها هاتفي النقال لـ
مــتوفيين
فــي كل مره ابحث عن رقم تائه
افتح القائمه و ادور رقم رقم
اصطدم بوجودكم ..
اتوقف للحظات
اتنهد
و اكمل بحـثي

بحب الفزياء

الفزيـاء فلسفه
بعدت عن سعاده كتيره لما بطلت ادرسها
اينشتاين كان اعظم فيلسوف
النسبيه إلهـام
و هى اصلا احساس يتفهم بالقـلب
فطره سليمه و عقل سارح يقدر يفهم كتير
اكتر من ورقه و قلم
و الرياضيات لـسان
لـسان بيتكلم بأسمها للناس اللى مبتحسش
ولازمها كلام
.
.
.

سيّدي

واعـلم
انه قــدرك الحتميّ ان تـكون عظيما
بمجرد ان تصـبح
حـبيبـي
:)

احلامي في الدستور ..

انه يكون من رحم الثوره و يعبر عنها و يكون فلسفته بناء على كل ما استطاع مبارك افساده
حجات اساسيه كانت سبب في قيام الثوره
( تطهير الداخليه و تجريم التعذيب و وضع عقيده جديده للشرطه ورقابه حقوقيه, استقلال القضاء و هيئاته بشكل تفصيلي جدا , ان تقنن صلاحيات الرئيس بحيث تأخذ صلاحيات كـ رئيس للسلطه التنفيذيه دون غيرها و ان يُلزم بتعيين نائبا له ,توازن حقيقي بين سُلطات الدوله , و دعم المجتمع المدنى و تمكينه و استقلاله و توسيع ادواته
تجريم التوريث في  كل

 المناصب , كل ما يخدم تحرير الدوله من العسكره و جعل المؤسسه العسكريه مؤسسه لحمايه الوطن وفقط و تعديل عقيدتها و تحريرها من الرز و المكرونه ! , دعم لامركزيه الدوله في شكل حكم محلى قوى و له استقلاليه و حريه في رسم ميزانياته , الازهر كل ما يخدم استقلاله و محافظه على استقلاله و ابعاده عن الصراع السياسي و اعطاءه حريه للدعوه و دعمه حتى يعيد الاخلاق و القيم , التعليم و الصحه هم اكبر مقومين ممكن تقوم عليهم الدوله لانهم اكبر استثمار للافراد احلم بميزانيه خاصه ومحدده و كافيه ليهم و معايير قياس جيده و ألزاميه , تداول السلطه في كل المقاعد و المؤسسات و تقليل سن المعاش مع ضمان حقوق المُحالين على المعاش , تجديد الدم بخفض الاعمار في كل المسئوليات علشان نستفيد من احد اهم مقوماتنا و هى اننا أُمه شابه , شيء عن ثوره المعلومات و الانترنت الذي ساهم بشكل كبير في قيام الثوره , و اخيرا عـــيش , حــريه , عداله اجــتماعيه ..

#مقدمه نوت مش عارفه هنشرها ولا لأ ..

24 عاما على هذا الكوكب

اربعه و عشرون عاما

اتممتهم اليوم على هذا الكوكب

اكثر ما يميز هذا اليـوم

هو الاحساس العام .. الغير قابل للسيطره

من الوحده

اللا وطن ..

لا يوجد بحياتى من انتمى له

اشعر بأرض بعيده عن قدمى

حتى انني لا اراها

بلا هويه

بلا ملامح

كيف نجحت الأيام بأن

تُحول الطفله الباسمه

ذات الملمح الصوفي

الى تلك القلقه .. التى بالكاد تقدر على الابتسام

قرارات متكرره بأن يتوقف كل هذا العبث

لاعود من جديد و لكنى

ادور في دائره مفرغه و انتظر الخلاص

.

.

هل هذا طبيعى في هذا العمر ؟؟

لم اكن اعتقد يوما انه طبيعي

" وحدى بلا احباب اعيش كل الليالى

لا حب لا اصحاب .. ملل هي ايامى "

لا عائله .. لا اصدقاء .. ولا حبيب

لا احد يهتم ان تكون سعيدا

لا احد يهتم لملامحك

مسئول من نفسك .. مش مسئول من حد

اناس تضطر على ان تأخذ رأيهم في حياتك

و هم بالاساس غير مكترثين غير بحقوقهم عليك فقط

كــيف وصلت الى هذا الفراغ الروحى

حتى سجاده الصلاه .. تلهمنى توازن مؤقتا

ثم اعود من جديد .. اعلم ان المواظبه و المثابره

ستجعل من الحاله المؤقته دائما

متيقنه من ذلك

ولكن لا استطيع المثابره

منحنى الله في عامى الماضي كثير من المنح

و الاشارات .. شعرت بقربه منى حقا

و يبقا هو ملاذي الوحيد و الاخـير

.

.

انجدنى يا الله

عنعنات

وعن إن النضال البعيد سـاهل 

حتى لو هتسافر له بلاد

يمكن علشان بتكون حُر اكتــر

و عن ان منكتبليش اعيش ملاحم الثوره غير من بعيد

و وقت الوصول تكون الملحمه بتكتب بدايه او نهايه

عن تكـسير عظمى و الانهيارات المتكرره في البعد عنهم

و عن ان في كل مره الملحمه بتكون قريبه .. بكون انا بعيد

و كأن السفر و المسافات مش هو السبب

عن انى سعات بكون بقوه صخره و 10 رجاله شجعان

و سعات اكون زي الفراشه .. بتستخبى في لون يشبه لون الشجر

فتختفى و متبانيش !

و سعات اكـون جبانه و اترعب .. مره اكون جنب سيف و سلاح و كأنى بطل عاش في حروب كتير

وطلع منها حي و صبي

ومــره اترعب من صوت عالى  عدى في الشارع

وانا اصلا في السرير !

عن تناقضات .. تبان مش مفهومه

و تفتكر نفسك فاهمها .. تلاقيها بردو مش فهومه

و تلاقي فيها الحاجه و عكسها!

وعن حجات لسه مكتبتهاش

و حجات لسه معشتهاش

طيب

على فكره قررت ارسم

.

.

و عارفه انى كنت قد قررت

اذاكر مصحف ربنا كله

و اذاكر اللى بتعلمه منه بالتطبيق

و اذاكر قصص الانبياء و الصحابه

و افتن عقلي و نفسي بورع الصحابيات و قصص بطولتهم

وانزل كل يوم امشي ساعه

و اعمل حاجه واحده بس في البيت كل يوم

و اركز واصحى بدري

وضروري لازم انام بدري

انى لازم وحتما ولابد اقضى كل عصاري في البلكونه

و ان اوضه المذاكره هقلبها اوضه قرايه بشكل خاص

و انى هبطل فيس بوك .. و اكون انا و انا و احلامى ومدونتى

وانى لازم كل يوم افتكر احلامى و احفظها و اكررها على عقلي بالمشاهد

وانى لازم اواجه نفسي بأن حيجى يوم قريب

- و انا اللى اقرر -

فيه انى هيبقى عندى عيله .. و ان مش هيجى حد من السماء يسحرنى ويقنعنى بده

و انى هروح مراكز تدريب علشان اشتغل في اللي بحبه

ممممم كون ان الحجات دي متعملتش ميمنعش انى اقول

انى قررت ارسم و انى قررت كتير
" استـخبى "

عُلبه سـوداء

ذلك اليوم .., تحدثا على - الماسنجر - كان في قمه

الاحباط

من داخلها ارادت ان تقدم له المساعده .., كيف لها ان تسعده

ولو للحظات

راجعت نفسها كثريا

ولكن غلبها شوقها

 

اختارت له هديته بتأني وعنايه شديدين

 

وضعتها في علبه سوداء ..,بشريط فضي انيق زينتها

امسكت بزجاجه عطرها الذي يحبه

رشت عليها مزيجا من الحب والعطر

 

ملأت العلبه بخيوط الامل والاحلام مع خيوط الزينه

 

سطرت معها بعض الكلمات يعلم هو فقط معناها

.

.

.

وانقضى عاامان..,

 

بسعاده يمسك بيد خطيبته

يعرفها على غرفته .., هذا سريري .., هنا اقرأ .

وهذا مكتبي

امسكت تلك العلبه السوداء .., نظرت له نظره انتصار

قرأت ما سطرته البنت التى كانت قد غلبها شوقها

غارت .., بعنف قبضت بيديها على الورقه

التى كانت تحمل بين انسجتها

مزيج الحب والعطر

القتها في صندوق المهملات..,

تركت الامل والاحلام وحيدان في العلبه

 

نظر هو الى الرساله المُلقاه ..,

 وميض سريع مر بذهنه لثوان

.

.

.

و

ابتسم .

تمت 

1/10/2010

---------------

 

جمعيه دستور اخر الليل من 2 الظهر لحد 6 صباحا ولسه مكملين

مهو حضراتكم لو كنتم احترمتم مقامتكم و شكلتم اللجنه بمعيار واحد ووحيد " الكفاءه و التمثيل النسبي لقطاعات المجتمع " بناءا على معايير مش على موازنات سياسيه
مكنتوش عطلتوا كل ده " في خناقات و كلام فاضي " و كنتوا اختدوا نصف المجهود ده و زعتوه على الجلسات علشان كل حاجه تاخد حقها

انا شوفت يعينى ناس نعست ونامت وحلمت و بيحسب صوتهم من نسبه التصويت
شوفت بعينى حجات احيلت للقانون علشان عاوزين نخلص
شوفت بعينى ناس زهقت وجت تروح غيرها فضل يشدها علشان تقعد ..
شوفت بعينى استرضاءات .. و غمز ولمز

الشعب هيفهمه امتى اما انتم كل ده  بتصوتوا عليه بس و انتم من كتبتموه و بحثتم فيه ..؟؟

انا مقدره انهم اكيد المجهود ده بيعملوه علشان مقتنعين ان " ضغط الدستور و انه يخلص حالا  ده في مصلحه الوطن " و لو اختلفت معاهم في ده
..
ضغطتكم دي مسيسه قولا واحدا

ربما ينتج دستور " شغال و لا بأس به "و انا شخصيا معجبه جدا
ببعض المواد الموجوده فيه و فيه حجات معبره عن الثوره فعلا

.. لكن مسأله وقت .. و سنكتب دستور يحمل احلامنا شكلا و موضوعا من التشكيل و حتى تصميم الجرافيك بتاع الغلاف .. سيكتب بيد شباب نقي شارك في الثوره و لا يحمل ضغينه ولا رواسب و لا صراعات سياسيه في قلبه
العواجيز دورهم مستشارين و فقط المستقبل لنا

انتم تتحملون المسئوليه .. و ربنا يغفر لكم ويسامحكم .. و يغفر لنا ويسامحنا .. اللهم لا حول ولا قوه إلا بك .. اللهم لا حول ولا قوه إلا بك 

---------------

يا أيها العجائز المؤقتون...اكتبوا ما تشاؤون...سنشطب ما تكتبون...فنحن الخالدون...!  "
" **

**

عبد الرحمن يوسف

انت و انت و احلامك

اعـلم ان الوقت الآن عصيب
تضيع فيه الاحلام بين الضباب
تظن انها انتهت الى الابد
ولم يعد هناك مجال
.
.
تصمت قليلا
تتأمل حياتك فيما بعد
تتخبط داخلك
.
.
انت تعلم انك ستعيش كما تمنيت
تماما كما رسمت لنفسك
ولكن آلم الفقد و التشويش
التردد وعدم الوضوح
انك في منتصف الطريق
يجعلك تتشكك فيما تؤمن به

تدعوا الله مصبرا نفسك
بصوره لـ عجوزين
عرف الشيب رأسهما معا
وتجعدت بشرتهما معا
ورسمت عليها حكايات السنين التى عاشوها
ولكـن مازالت تلك اللمعه بأعينهم
تعرف طريقها
ومازال دفء ملامحهم يعطيك الآمان
بـ أنه - بدال حصلت مره يبقا ليه متحصلش كتير - تدعوا الله
انت تخاف ان تفقد نفسك
تخاف على هويتك من النسيان
اذا في يوما
تركت حلمك  وقناعاتك
تركت ( انت ) و حييت حياه الآخرين
.
.
تعلم انك لست مُجبرا على شيء
ولكن تخشى ان لا تكون قناعاتك هى الحقيقه
لكنها تبقا قناعاتك .. فـ انت هي
و هى انت ..
نقشك الخاص على جدار الزمن
ايكون كل هذا وهم كما يقولون ..؟
ام انهم لم يتمسكون باحلامهم بالقدر الكافي ..؟
تعد نفسك من جديد بأنك لن تكون مثل هؤلاء .. ابدا
ولكن .. و في منتصف الوعد
تتذكر وعد سابق لم تفي به لنفسك
تتذكر كلمات صرت تقولها .. لم تظن يوما انك
تردد كلماتهم التى استنكرتها
و قررت الهروب من كآبتها لتركض تحت المطر
غير مكترث
بما يقولون او يفعلون او يعتقدون

ظننت انك مالك هذا الكون وحدك
و ان الله معك انت وحدك
و انك وحدك محور تلك الحياه و جنونها
و هنا تخاف ان تنكـسر
تُذكر نفسك بفديو قد رأيته منذ مده و بعث فيك الآمل
مفاده ان الانسان ينتصر حين يعيش طفلا لا يخشى السقطات
و لكنك صرت تخشى
تغمض عينيك بشده .. تُمسك قبضتك
وتُحاول الابقاء على ما تبقى من طفولتك ..
تردد على نفسك مرات عده
انا مازلت طفلا
- مش بخاف اقع -
تعيد عليك مشهد ركضك تحت المطر
تسمع ضحكاتك
ترى نفسك و انت تتبع فقاعات الهواء على الاسفلت وتدهسها بقدمك
تتأمل هذا المشهد طويلا .. يسحبك في اطياف تأملات
ومضات متكرره .. كل ومضه فيها انت
انت و في الروضه
انت وفي فناء مدرستك تلعب
انت و في رحله قديمه
انت وفي مشهد آلمك و علمك
انت و انت تضع رأسك على سريرك .. تبتسم
وتتذكر احلامك لحبيبك الأولِ
هنا تفيق من ومضاتك
وتدرك تماما ان ليس كل شيء اعتقدته سابقا
كان بالضروره حقيقه ..
لتعود لتتسائل من جديد .. هل ستظل قناعاتى
وسـ " اصير يوما ما اُريد " ..؟
وهنا
تعلم ان الله وحده القادر على ان يُخرجك من هذا التيه
.
.
تقرري ان تُنهى خواطرك عند هذه النقطه خوفا من ان تُسطر قناعه جديده
قد تقضى عليك

سـئمت البـحث عنـك
بين عيونهم
.
.
.

شــارع وطــن .. فاتت سنه

شارع تعرفه من غير عنوان ..
شارع خارج من جواه طاقه تشدك ..
شارع له طعم خاص .. لازم تقشهر وانت هناك
لازم عنيك تدمع .. لازم تتأمل كل خط اترسم ..
لازم تعرف انه اترسم علشان يقوى ناس كان دمها بيسيل ع الاسفلت
لازم تتوجع على كل خط اتمسح حتى و انت عارف ان هيترسم بداله جديد
محمد محمود .. كان ثوره .. كان دفا في وقت مكنتش حاسس فيه ان حد في الدنيا دي فاهمك آد اللى فيه ..
كان دم وموت و شجن وغنا !
كان مصابين بيضحكوا .. و شهداء فرحانين ..

كان آيات .. كان ثقه في ان المصريين " جنود "
كان بالرغم من الوجع . و بالرغم من انك اتحولت لروبوت بينفذ اللى مفروض يتعمل وبس طول ما انت بعيد ..
طاقه امل
كان دبابيس في سريرك بتوجعك وانت في بيتك مش هناك
شهداء الثوره .. شهداء محمد محمود .. كل الوجع و الكسر و الاحساس بالغدر
دلوقتى طاقه آمل .. تقول ربنا موجود اوى
ومكملين .. :)

اللى بيعيش علشان قضيه .. اصعب من اللى بيموت علشانها ..
يارب اكتبنا مع الشهداء

هون عليكِ

سـتُدرك يوما حكاياتك ..,

خيط واصل بين العباقره

العباقره كلهم بينهم رابط 

وشيء غريب .. تلاقي ليهم روح واحده

تلاقي ليهم طريقه كتابه واحده ..

متعه غريبه في انك تشوف كلامهم وخطهم وتسمع صوتهم

و تلاقي رابط بين كل واحد و التانى في كل ده

--

المجد كل المجد للى بيكتب في الصفحه بالطريقه دي

المخطوط ده ألهمنى جدا
:)

* المخطوط من كتاب منهاج العابدين محمد بن محمد ابو حامد الغزالى مصدر الصوره في اول تعليق

كــبير puzzel الحياه

 

اما تحصل معاك حجات من سنين و متكونش فاهم بتحصل ليه , و تفضل تستنى تعرف
وبعد السنين ما تعدى و تكبر و تشوف اكتر , تلاقي احداث بتكمل لك قطع البازل .. تشوف الصوره كامله .. و تقول الحمد لله

الخوف يمنعنا من الحياه

الخوف يمنعنا من الحياه

i quit

27-9-2012

في العشره الآواخر .. ادعوا الله بيقين الواثق في نصر الله .. ادعوه نشوف بلدنا زي ما حلمنا بيها . ادعوه يدينا القوه و الصبر و اليقين و وضوح الرؤيه في وسط الضبابيه .. و يعرفنا دايما ان الحق واحد وطريقه واحد حتى لو كان الطريق ده صعب ومؤلم .. اح

ساسي بيقولى ان الى جاي اصعب و ابشع و اكثر قذراه .. ومش عاوزه اقول انا متوقعه ايه ..
لكن قصاد كل ده .. انا واثقه في ان تدبير الله دايما مُنتصر في نهايه الأمر .. حتى لو كان التدبير ده في بدايته لحظات ألم وخوف و تشتت ..
البلد اللي احنا فيها هتشوف النور ..
عاوز تعرف ثوره مصر دي هتحقق اهدافها و لا لأ ..؟
بص جواك اوى .. شوف حلمك ليها كمان 10 و 20 و 50 سنه واصل لفين .., شوف هو متأصل جواك آد ايه ..
بص جواك و شوف اصرارك و عزيمتك و وضوح رؤيتك .. شوف ثقتك في الله و ثقتك في نفسك.. و اعرف ان اللعبه هتتحسم جواك .. جواك انت وبس ..
لا بالعدد و لا بقوه و مدى مكر و حيل اللي قدامك وقوانين الارض هي اللى بتقول كده
واثــــبت على الحق .. و لو كـــنت وحدك ..
وثق انه ممكن ربنا ينصرنا بيك .. ايوه بيك انت وبس
يااااااااارب دبر لنا اننا لا نحسن التدبير .. كيد لنا فـ اعدائنا يكيدون ولا نراهم .. انت وحدك العليم الخبير و المنتقم الجبار .. رقي نفوسنا و اخلاقنا علشان ترقى لنصرك و حمل رسالتك .. احفظ وطننا واكتب له نور ..
ان مع العسر يسرا .. ان مع العـسر يسرا ..
لك الحمد على اللى فات .. و على اي حاجه لسه جايه .. حمد من الاعماق و رضا بما يُرضيك ..

حـلم

علمَنـي كيف اكون

طـفلته المُدلـله

:)

تأمُلات الاسئله الوجوديه

كل ما اتأمل فكره اننا مأنتخين كده وعاملين فيها شعب الله المُختار ومتنططين على البشر بأننا افضل منهم
و في غيرنا بيدور ع الحق - الله - لحد ما يلاقيه بعد شقاء وضياع و تيه وو
احس اننا منستاهلش ومش مقدرين النعمه و ان اللي بنعمله اقل بسنين ضوئيه من المفروض علينا وربنا هيدخلنا الجنه برحمته وبس ,عيب علينا اوى
فعلا .. اما منتعلمش دينا و نتفقه فيه و نعرف الله حق المعرفه ببحث ومجهود
و عمل و تعب
ازاى تكون مسلم باختيارك مش علشان هى جت معاك كده

شوفوا الفديو ده,هتحسوا احنا آد ايه ف نعمه كبيره بنتولد بتكبيره آذان في اذننا وغيرنا بيكافح علشان يعرف الحقيقه - الله -

الحقيقه بتقول ان اللي فات ده مسئوليه كبيره واقعنا بيقول اننا مبنوفيش 1/100 منها .. يارب افتح لنا طريق العلم و الهدايه و الاستخدااااام
اجعلنا مسلمين موحدين بحق مش بالوراثه
يارب لا تجعلنا كمن قالوا " هذا ما وجدنا عليه اباءنا الاولين "
يارب ارزقنا حلاوه خشوع و يقين و طمئنينه
عابد يعلم ان له رب يحميه

اكتشاف الذات .. رحله

تبدوا لى الآن واضحه جليه .. يُطاح به كل من يضع نفسه بينى و بين ما اؤمن به
مهما كـان

.
.
.
ان لم تتفق معى في ما اؤمن به .. فعلى الاقل احترم و ادعم ايمانى
.
.
شكرا ..
بوو

شكرا ران ..
:)

بما ان نقاط التحول في حياتى في يوم من الايام هتبقا تاريخ .. احب اسجل انى في الفتره دى .. قررت ادرس دراسات اسلاميه ازهريه و قراءات اسلاميه .. و في الغالب هسيب شغلى

عن البوهيمى الحالم المجنون .. و الذكيه الحنونه

لم يستطع مقاومه حنانها المتدفق .. يسميها عرابته
تتوتر حالته المزاجيه اذا اختفت يوما من ع " تويتر "

شعر بأنه يضعف .. الم اقل لك يا قلب مالك ومال الحب
انت اخرق , مجنون , تحلم بحياه من طين و حريه
صحراء .. بنجوم سماءها
 ملحمه خاصه بـ عُقاب من نار
 رحله على ظهر حوت احدب لشهور
ولا شيء بعد ..

لابد تبعد

يقرر لا شعوريا ان يعنفها او- يطنشها ويستعبط - .. فربما تختفي هى فيرتاح

 اما هي ...الطفله الحنونه شديده الذكاء
تجذبها طريقته في معاملتها ,نظرته , كلماته ,حتى القاسي  منها
فتُحبه اكثر .. و تمارس الاعيبها عليه
فـ
-شويه تتقل وشويه تغلس -

تُحدث روحها مُردده .. كلمات احلام

• "لا تعجبي إن تمرد عليك برغم هذا ولا تحزني ...الحب الكبير يخيف رجلآ ما عرف قبلك امرأة
  إنه ينسحب ليحمي رجولته من إغداق أنوثتك وليتداوى من تلاشيه فيك ..." ~~~ 
  
   فتبتسم
  فتحاصره ابتسامتها .. يتهاوى مع الوقت
  يفقد السيطره .. يعترف
  ( انا بحبك بس بتبخر )* .. بحبك بس ينفع نعيش بين الرمل و الخشب
  بحبك بس ينفع متقوليليش عيال ومدارس
  ينفع مشيلش مسئوليه ..,؟
  ينفع اتجوزك و افضل بوهيمى .. و مش مهم شبكه وشقه و فرش!
  
  تبتسم هى .. سعيده
  فهي تعلم عن روحه ما لا يعلمه هو نفسه
  تعلم ان اعترافه هو من فرط مسئوليته ..تعلم انه يُحرر نفسه من اعباء الوعود التى قد تقضى يوما على جنونه
  تعلم انه سيكون اب رائع لاولادها
  و ان حياتهم معا  .. ستكون اكثر اتزانا و جنون
  ------------------------------
  

  7/2012

  عن

  ( عبد الرحمن و يارا )

  شعر بهاء جاهين .. بتصرف *

  
  

  
  

هو في ايه ..؟

انا نفسي ارجع للحياه ..
عاوزه اركز في نفسي تانى .. عاوزه ارجع اكتب تانى .. عاوزه اتأمل كل موقف و اطلع منه حكمه زي زمان و اشارك الناس فيها .. مدونتى وحشتنى .. عاوزه اركززززز حبه
عاوزه اشوف صحابي و اودهم و ادعمهم زي زمان .. عاوزه اخرج و ادخل السينما , و ارجع اعمل انشطه اجتماعيه تانى .. و ترجع لى الرغبه في انى اتعرف على ناس جديده .. و اعاملهم بود
.. عاوزه اتابع القمر و اركز ان يوم ما يبقا بدر اكون ع البحر بستناه يشرق زي زمان
عاوزه ارجع اعمل كل حاجه بحبها .. و اضحك كتير .. وافضل اشحن كل اللى حواليا طاقه و ايمان و امل زي زمان ..
عاوزه ارجع اغنى لفيروز و اتنطط و انا نازله السلم ..و ارجع لفقره الاستعراض الطفولى الكامل
الحياه عماله بتتزحلق ليه كده من الانسان
مش عاوزه ابقا لوحدى خلاص!!
الله يسامحك يا مجلس

تصدقوا بالله احنا عيال كئيبه ونزهق فعلا .. !
وانا لو من الشعب ده كنت زهقت مننا
 ثوره + شعب = حلم متحقق
 خلـو النــاس تشوف مصر زي ما احنا عاوزينها

 " يـا ناس مفيش حاكم إلا من خيال محكوم "
تميم برغوتى

 وروا الناس العدل و الحق .. اتكلموا معاهم عنهم كتير كلموهم عن الحريه .. و الكرامه خليهم يعشقوها زي ما انتم عشقتوها
انزل الشارع و امسك مايكرفون .. و احـلم ,
و اتجنن على قد ما تقـدر ..

عارف .. مصر دي احلى حاجه في الدنيا بجد .. وناسها هيعيشوا كويسين .. الدوله هتعالجهم لان ده حق

العدل حـق

الكرامه حق

الحريه حق

.. و العلمـاء هنصدرهم للعالم كله
البنك الدولى هيبقا عندنا هنا
 اى موظف هيقصر فش شغله .. هنتصل على ارقام مكتوبه على ظهره و نبلغ .. و يتجازه برقابه اداريه بجد

 الارض كلها هتكون مزروعه .. و الناس هتفضل تضحك و هنطلع ولادنا زيارات للقدس
و هناك هيسمعوا عن " ذكريات " المقاومه :)
خـــليكم مصدر الهام للناس
اكتبوا احلاااااااااااااااااامكم و شوفوها اووى .. ووصلوها للناس واتكلموا عنها كتير
يوم ما نشوف احلامنا بجد .. تبقا حصلت فعلا خلاص مسأله وقت وبس
 
 حبوا ربنا اووى ..
 و صدقوا فيه اوى وصلوا اوى .. و خلي الناس تشوف الايمان ده في لمعه عنيكم

 لنفسي

" استسلمى و احلمى .. بكون جديد ومختلف "
 على الحجار

 ---- من هنا ورايح .. هتافاتنا هتكون ..

بكرة الثورة تهز الكون .. بكرة هاننهي جنود فرعون

افتح سجنك اكسر بابه .. خللي الكلب يلم كلابه

اوعي يا مصري تخون افكارك .. حكم العسكر عاري و عارك

 

 

 

 

ثورة حرة ثورة ابية .جايبة الحق ليكو وليه

 

اضحك اضحك علي الصوت حلم المصري مش بيموت

 

افرح يالا وقول بحرارة ...ثورتنا ثورة رجالة

 

قوم يامصري بص وشوف ..اوعي نشوف في عنيك الخوف

 

ثورة ناجحة في كل مكان ..جايبك حقك من الميدان

 

من غير شومة ولا نبوت...العسكر قدامنا يفوت 

 اسمع يا مشير الحربيه---هنحاكم كل الحرميه---اسمع منا يا مجلس عار ----احنا الثوار الاحرار----انا بحارب لجل قضيه---وانتو شويه حراميه---------طب ساقط ساقط حكم العسكر---مصر دوله مش معسكر----يا طنطاوي يا بن مبارك---الاعدام في انتظارك----يا مشير يا مشير -----بكره هشوفك ع السرير---ايوه بنشتم المشير----ولازم يحصل التغيير----يا طنطاوي مابنخفش هنقولهالك وش في وش---انت حرامي من الحرميه ---انت ومجلس الاوباش---اسمع يا مشير الحربيه----القضيه هيه هيه ----العداله والحريه--القضيه هيه هيه ----المجلس من غير شرعيه---القضيه هيه هيه---الدخليه بلطجيه---مجلس عسكر ما الحثاله---رامو الشهداء فالزباله---والزباله للمشير---والزباله للحرميه---طب ميت ميت يا مشير ----انا واثق مالتغيير

ولع ولع في البترول *** يا طنطاوي عليك الدور

 

 ((( فخوره باصدقائي اللى عملوا صياغه للهتافات دي )))

 (احنا )
متفائلين .. متأكدين من النـصر .. لاننا واثقين في الله اخدين بالاسباب .. و متوكلون :)

 

 

الثوره مستمره في النفوس

كنت اتمنى يكون عندى رفاهيه الوقت علشان اقدر اكتب لحظه بلحظه وكل يوم ما يخص الثوره و اللي بعيشه
علشان و لادى يقرأوه لكن للاسف .., الاحداث اكثر تسارعا من انى اكتبها و انا بعيشها لكن حبيت اسجل الموقف بتاع النهارده
---

النهارده مجموعه من فريق سلميه كنا متجمعين في مكان علشان نبحث الخطوات الجايه
حصل اننا شوفنا ولد صغير بيبع مناديل واقف يتفرج على ولد - في مثل سنه تقريبا - بيلعب بلاي استيشن و هو متدفى جوه كافيه
الولد عنيه كانت حالمه جدا جدا
ندهنا عليه و اتكلمنا معاه و هذا ما قاله ..,
تعالى اسمك ايه : اسمى محمد
بتتفرج على ايه يا محمد : بتفرج على ده ..,
انت عاوز تلعب بلاي استيشن يا محمد : نفسي اوى العبه
انت بتشتغل امتى يا محمد : بشتغل من بعد المغرب لحد امبارح
ساكن فين : ساكن في كشك قريب من هنا
بص يا محمد احنا عاوزين ناخدك و نلعبك بلاي استيشن و تعمل كل اللي انت عاوزه
قولوا لبابا علشان يوافق ينفع تكلموه .., هنكلمهولك يا محمد .., كتبنا له ورقه فيها تليفوناتنا وقولناله احنا بنكون فين
الولد لوحده قالنا : هو انتم بتوع الثوره :):):) .., قولناله آه
انت عارف الثوره دي قامت ليه ..؟ قالنا ليه ..؟
قولناله : علشان انت لما تكبر تعيش كويس و تاكل كويس و تلبس اللى انت عاوزه و يبقا عندك بلاي استيشن زي ده في بيتك وتلعب بيه مع ولادك
الولد : انتوا علشان كده بتقولوا .., ارحل يا مشير ده الشعب فقير ..؟
ايوه يا محمد
و الله احنا حاولنا نروح معاه ساعتها البيت بس كان الوقت اتأخر
و المكان في منطقه صعبه شويه
كان عاوز يروح ينده لنا اخته نكلمها بس كنا خلاص هنروح
جبنا له حجات و كتبنا له ورقه فيها تليفوناتنا وكلمه لاهله
و سألناه عن اهله قال انهم بيزعقوا له علشان يسمع الكلام
سألناه بابا بيقولك ذاكر و قت المذاكره
قال انا في اولى ابتدائي
و بابا بيزعق لى علشان اذاكر
حمدنا الله و قولناله لو اختك مرضيتش تكلمنا تعالنا تانى و احنا هنروح لها معاك
طلبنا من صاحب الكافيه انه يلعبه جوه بس للاسف كان في الولد التانى بيلعب فمرضيوش

الولد خاف نكون بنقوله كلام وخلاص قولناله ده وعد يا محمد اننا هناخدك تلعب لاي استيشن لحد ما تقول انت كفايه خلاص زهقت
--
الثوره نجحت لانها في نفوس الفقراء :)

-------------
هنقح النوت بعدين