طـائر نـورس

بتبقا بجد متعه لما تركب المعديه

و متكونش متـأخر ... وتدور على ابطأ معديه في الكنال ... بورسعيد 3... للي مش من هنا دي بجد ابطأ معديه في التـاريخ

وابطأ منها واحده بس... بورفؤاد 7 ... قديمه اووي ومش بنشوفها كتير هنا

المهم... تـركب وتنقي لنفسك مكان بيـطل على الميه على طول

وتستمتع بأبطأ رحله كناليه في التـاريخ

يستحسن انك تكون لوحدك ... وتبدأ

التــــأمل

بجد من اكتر الاوقات الي ذهنى بيكون صـافي فيها

المعديه ... صومعه التأمل والراحه النفسيه وصفـاء الذهن

والتــفكـير

يــــــــــــــاه بجد متعه ... بتتـعلق بيها اكتر يوم عن يوم

النورس ... السفن الي سعات بيكون ليها اشكال غريبه ... البحـاره العمال

الي راكبينها و ملامحهم مختلفه عننا من كـل شكل ولون ...وتفكيرك فيهم يا ترى المركب دي من اي بلد ورايحه فين ومعموله علشان نقل ايه ..؟

الاولاد الي بيتمرنوا تجديف او سباحه ... و اليخوت الي تعقد والي راكبينها...و السفن السياحيه المُبهره... النـاس في النوادي الي بتطل عالكنال

و الدولفين لو حظك حلو ...وقناديل البحر عايمه... الاوناش و انعكاس النور عليها وقت الغروب ... السمـا و الهوا المُنعش ... و النجوم في الليل ... الشيء المشترك بين كل سكان بورفؤاد

وحجات تانيه كتير بعشق تفاصيلها

المهم

في الوقت ده من السنه
طيور النـورس بتملأ الكنـال ...

وكتيـر من اهل البلد دي تملي يعملوا حسـابهم ... كل واحد وهو نازل وعارف انه حيركب المعديه يجيب معاه شويه

عيش ... ويقطعهم قطع صغننه ... ولما المعديه تمشي ... يجي جنب الميه ويرمي العيش للنوارس

يـــــــــــــــاه

وتتلم النوارس كلها و تنقض على فطـارها او غداها ... و تحس انك لو مديت ايدك حتمسكها

و تبقا خايف منها و فرحان بيها ...

خايف من قربها الشديد و تكتلها و حدتها وفرحان لان بجد شكلها يفرح ...

مشهد يستفز اي كاميرا انها تجري وتلقطه

وفي اخر مره كنت في رحلتلى الكناليه ... و لحسن الحظ كنت فيها لوحدي زي ما بحب

كـان في مجموعه نوارس.. وراجل كبير في السن بيأكلهم... والكل بيتابع المشهد وهو ما بين سعيد وخايف

ومستني يشوف حيعملوا ايه المره دي ..؟

و الراجل بالصدفه حدف العيش لفوووق.. مرماهوش في الميه على طول

بصينا كلـنا ...لقينا طـــائـر نــورس ..انطلق واخد العيش وهو طـاير في الهوا ...

قبل مينزل المـيه

كـل الي بيتابعوا المشهد ضحكوا مره واحده وهما متفاجئين

والجميل ان الـراجـل عجبته الفكره

وقال للطـائر "الله " وهو مبتسم

وبقا يمسك قطعه قطعه ... يرميها في السما و طــائــرالـنـورس

مع حركه ايده متابع... وهووب يطيير و ياكلها

و متفلتش منه واحده

بعد ما درب نفسه عليها كام مره

و انا بتأمل المشهد ... سرحت في عيون النـورس ده

يـــــــــــاه ... قد ايه مــركز .. قد ايه بيتــحدى ... قد ايه مُصـــر ...قد ايه نظـرته ذكــيه...قد ايـه واضــح ...قد ايه هو غير كل النوارس الي بتستنى الي يقع منه

في الميه ويـاكلوه ... صحيح في مجموعه نوارس عجبتهم الفكره وقلدوه

بس بجد ده كان فيه شيء مختلف ...

قـد ايه اثرت فيا عنيه العميقه الي فيها كلام ... قد ايه شحنـت قلبي بطاقه

وعقلي بـأفكار ...

كـان نفسي يكون معايا كاميرا ...علشان اسجل النظره دي

بـس اكتفيت يومها بكاميره ذكرياتى

وقررت اسجل الذكرى دي هنـا

وحترامي ..للطـائر ده

انـا سعيده اووى ان ربنا اختارني اكون من الناس الي شافوا المشهد ده

اكيـد له في مســار حياتى

اشـاره ودليل

------

---

-

الصوره للمصور البورسعيدي الي دايما عيونه تلقط تفاصيل البلد دي

وليد مُنتصـر

http://waleedmontasser.blogspot.com/

!!!... ايـــــه ده

!!!...انـــــــا كــــــــبـرت ولا ايـــه

...,...,...

.

.

.

عيد وكده ...

من قبل العـيد بكتير ... نستعد ... نجيب الي تحت البلاطه

وننـزل نلف ونلف ونشتري هدوم العيد

كـل حاجه جديده هدوم خروج وشرابات ولمؤاخذه جزم ومفيش حاجه تعجبك و متشتريهاش

..و ضروري بجـامه العيد

امال ايه...؟

وتهل ليله العيد ... و الكل بالدوور.. ياخد الشاور التمام ... ويلبس بجــامه العيد ...

ويجي ينام يلاقي نفسه مش عارف ينام

فرحـان ...ومتوتر وبـيرتعش..ومش عارف ليه خايف الصبح يطلع

وافكار في دماغه بتدور ... حقابل صحابي امتى ... يووه مش حنعرف نخرج اول يوم

يا ترى الواد ابن خالتى الصغنن كبر ولا لسه

حنسافر على طول بعد الصلاه ولا ايه النظام

يـا ترى مين اول حد حنفتح له الباب

طب ومين اول حد حيفتح لنا البـاب

يوووه ... حنطلع سلالم كتير اوى بس ميضورش اصلهم بجد وحشوني

....,....,....

وبين زحمه افكاره ورعشته الي مش فاهمها ... يمكن يخطف له نص ساعه او سـاعه قبل الصلاه

يصحى من نومه متـأخر ... ويجري في البيت علشان يلبس ويلحق الصلاه

وتملى يتوضى و ينسى في لهوجه التأخير يصلى الفجر ....

..يروح جـــري على السـاحه

وتملي يحب يتأمل الوشوش

ويتغـاظ من الي بيرغي وسـايب التكبير

وفي وسط التكبير يقوول اخ نسيت اصلي الفجر ...

يقطع تكبيره ويصلي ..ويرجع يكبر تانى

و في وسط التكبير... ابتسامه لصديق و لحبيب ولقريب

و نقوم نصلى العيد و يفرح بـصوت رجلين الناس على الارض وهي نازله للسجود ...

صوت بيفرحه ويرهبه

وبعد الصلاه... تبدأ التهانى ... كـل سنه وانتم طيبين

اصحابه من الكليه على المدرسه على اصحاب تانيين كتير مش قادر يحدد منين ...

ويـروح يلاقي الجزارين منتشرين في البلد و الاضحيات خـايفه

وصوتها مرعـوب

ويغمض عينه لما يلاقي واحده بتندبح

ومعدته تقلب لما يشوف الــدم

ويشم ريحه اللحمه الضاني الي عمره مـا حبها

بس بردو بيبقا فرحان بالعيد ... و احساسه غريب مش قادره يحدده

يـكمل يومه بخروج وزيارات وتلفزيون مفتوح فيه من مسرحيه لفيلم قديم من بتاع الكفـار

وعديه تًمـلى يعدها و يشوف وصلت لكـام وحيعمل بيها ايه

طبعا لعبه العيد شيء اساسي.. ومن بعدها يشوف حيعمل ايه ...

لعب وجري ومرح ... وهدوم جديده .. واحساس مش فاهمه

و شيكولاته بالفول السوداني يشتري منها كتيير

...لانه بيحبها

وتـفكـير

اممممم

وحشتنى اوووى الايام دي بتفاصيلها ...

وحشتنى في عيد ملبــوخ

قبله امتحانات وبعده امتحانات

مفيهوش هدوم عيد ... ولا بجامه جديده

لا عنده وقت يشتري ... ولا عنده موضه عدله

ينقي منها حـاجه (( يلبسها )) ولو لقاها ... ايووه

الحاجه الي ينفع ((يلبسها ))حيلاقي تمنها في جيبه مفـيش

واهو عيد حيعدي والسـلام وحشانى ايامه اووي مع انـي فيه

يلا

كــل سنه وانتم طيبين

وينعاد عليكم زي ما بتحبوه

بتفاصيله الخاصه عندكم

وادعولى في سجودكم ربنـا يعدي امتحاناتى علي خير ... لحسن اتضح اني بدرس هندسه تقيله حبتين ...

19 سنه ... يـــآه

19 سنه ... وحاسه ان عقلي بقـا يكبر في السنه خمس سنين ويمكن اكـتر

19 سنه ... وحاسه ان قلبي بقا يكبر بس في الخمس سنين سنه ويمكن اقل

...

كـل سنه وانتى طيبه ... يـا انا يا صحبتي

...

آآآآه ... على فكره .. انا بجد بجد بحبك اوي ... وبمزاجي اخـترتك ليـا تكوني صديقه ..

حـاولي تحافظي على الجميل الي جواكى

حاولى تكوني اقرب لربنا

حـاولى تصلحي عيوبك

وتكـونى لنفسك وليا احسن

.

.

.

كــل سنه وانتي طيبه وكويسه :)

بجد وحشتنى

شـكرا لانك انت

شكرا لانك عشت حياتك زي ما عشتها

شكرا لانك عرفت اصحاب بجد اصحاب اوفيا

بيسألوا عليا دايما لانك كنت بتحبهم وهما لـسه بيحبوك اوى

شكرا لانك كنت بتحب النـاس و بتقضى مصالحكم

شكرا لانك كنت ذكى ,عملى ودايما دماغك بتشتغل

شكرا لانك كنت طيب ..

شكرا لانك كنت بتحب السفر والتصوير

شكرا لانك كنت بتحبنا بجد

شكرا لانك كنت بتتحمل اووى

شكرا لانك كنت بتحب مامتك اووى .. وعيلتك اوى ...

شكرا لانك عمرك ما في يوم نسيت مناسبه لحد فينا

شكرا لانك دايما كنت بتسأل وقت لما الي بتسأل عليه يكون محتاجك تسأل وقتها

شكرا لانك كنت بتعمل في صمت ..ده خلاني اعرف كتيير اووى عنك من حكاوى كتير وانت مش بينا

شكـرا لانك علمتنى افكر من غير ما تقولى فكري

شكرا لانك علمتنى اتعلم من غير ما تقولى اتعلمى

شكـرا لانك اخترت امي ... بالذات امى ..علشان تكون امى

شكرا لانك كنت بتحب تحفظ جزء من ذكرياتك ...

فـاكره من صغري ... لما كنت بفتح الدرفه بتاعتك انا اواخويا او حد فينا ... كنت بقضى سعات قدامها من غير شبع ...

افتح ..اقرأ ... واشوف .. اضحك ..افتش ... واعرف شويه ذكريات

اتفرج على الصور ... اقرأ الاوتوجراف ... واقرأ الاشعـار والجوابات

واتفرج على نظامك في كشكول المحاضرات ... واتعقد

و اقلـب تانى وثالت والاقي كراسه الحضانه بتاعتى جزء من ذكرياتك ... عاينها ومحافظ عليها

وكـأنك بتعلمنى ... اشيل لاولادي ذكرى ومعنى و حكايه مني

ودلــوقــتى

انا لسه بعمل كده ... وبعيش معاك و ارسم في خيالى قصص كتـير اوى

واتعلم .. واعرف حجات كتير جديده ...

رغم ان الدرفه دي مش كبيره ... بس هى في حياتى بجد كنز ...بشوف حواليها دلوقتى نـور

وبشم فيها ريـحه زمن... عرفـاها... وبتفكرنى بيك ...

وبفتكر لما كنت جنبها بتعلم انواع المفكات والمسامير و اللمبات

و حجات كتير بسيطه بس لازم

كل واحد يعرفها لانها مهمه في حياته ... فـاكره قد ايه كنت بستمتع بده بجد

يــاااه

فاكره حجات كتير اوى ... المدرسه.. لما كنت تيجى دايما تصورنى في اول ايامها في الطابور

و في حفلات المدرسه ... يوم الامتحان الصبح لما كنت تنزل تشتريلى اى حاجه بحبها ... وتوصلنى و على وشك ابتسامه عرفاها ... انا

ولما اخلص ترجع تاخدنى ... و لما اقولك عملت كويس ... كنت بحس فرحتك ...

و لما اقولك عملت وحش ... تقولى قدر الله وما شـاء فعل انسي و فكـري في الي جاي

و طبطبه ايدك على شعري و انا بذاكر ومعاها ابتسامه عرفاها على وشك ... كانت دايما حافز...وكنت بحس

فيها حنان واصلنى اوى

فـاكره ملامح وشك وقت لما اخدت اول مقلب في حياتى في صديقه ليا

وكنت بحكيلك ...بدموع متأثره

فــاكره ... وفـاكره ... وفــاكره

حجات تانيه كـتير كتـير

حفضل احكي عنها كتير

وححكى عنك لاولادى

.

.

شكرا لانك كنت ومازلت في حياتى اثـر

ورغم الاثر ده انت بردو

بجد وحشتنى ..

اسـتمتعوا بوجودهم في حياتكم اوى

ولو مش موجودين ... احمدوا ربـنا من جوه قلوبكم اوى اوى اوى

سيـبوا اثر و تاريخ طيب ... يفتكركم اولادكم بيه .. خلي اخلاقكم وسيرتكم .. تخليهم يفخروا ان حد فيكم

كان في يوم اب او ام ليه

.

.

.

لـطالما تَـمنت هي ان تكون صبياً

في لحظـات تعرفها هي.. ترى البحـــر في عيونها .. تشتاق له ..يظهر في لمح البصر في مخيلتها

في لحظات وسـاعات الشتـاء الدافيء

تراهـا وهي تركض على رمـاله تحت قطرات المطر .. فتتملكها لحظات اكثر جنوناً

فتخلع عنها حذائها .. وتركض بين امواجه لتركُلها بقدمها .. لتملأ من البحر.. الشتـاء امطارا على امطاره

تعود لتتساقط على جبينها

حينها ... تَمنت ان تكون صبيا فيكون لهـا الفرصه ان تعيش تلك اللحظات

في الحقيقه بعد ان عاشتها في الخيال

::::

ولحـظات اخرى .. تسير في الطريق ربـما الى المنزل .. ويراها قلبها وهي تركض و تركض

ويـزيح الهـواء خصلات شعرها خلف ظهرها .. تـأخذ قفذه حلزونيه وتطير في الهواء

لتــعود الى الارض

فتركل حصى الشـارع بقدمها .. بكـل قوتها .. وهي

تضحك من اعماق قلبها ..بـأعلى صوت يهز اركانها

تبتسم حينها ... وتقول... آه لو كنت صبيا

لكنت عشت تلك اللحظات في الحقيقه بعد الخيـال

::::

على فراشها تجلس لتتـأمل

قبل نومها كـعادتها ..

لترسم في مخيلتها ..قصصا واحلاما و احداث

و تتذكر معـها كـل ما مضى في يومها ..

...

وفي ذلك اليوم

تسطحت على ظهرها ...ونظرت الى سقف حجرتها .. واخذت ترسم هناك

بين ثنايا الظـلام

امـيراً لها ... رأته وهو يتحرك بملامح تجهل بدقه مضمونها ..

وفجــــأه

قالت في نفسها.. ماذا لو رأيته حقا

ماذا لو ايقنت انه هو ..؟

...تُرى ماذا سـأفعل حينها .. هل سيُراوده نفس الشعور... ام ربما لن يراها حتى

امممم ... فمـاذا لو لم يراها

حينها ابتسمت وقالت.. ربما لن افعل شيئا

وتمنت حينها ان تكون صبيا

فهـو ان رأى ملكته وادرك وجودها

... فلن يتردد ان يُتـوجها في الحـال ملكه لكيانه

:::

في الصبـاح ..اخذت تقص على افراد مجتمعها كيف ومتى ..تمنت ان تكون صبيا للحظات ..

البعض تقبلها و الكثير من الفتيات شاركوها لحـظاتها

فهم تماما مثلها

بـقلبها الصغيرالذى يعشق كـل البشر

وبعضهم الاخر .. رأى ان ما شعرت به هو مجرد سخافات .. غـير ناضجه ربما

فـأخذوا يعدوا في ما تتمتع به الفتاه من مميزات

فقـالت هي ... "انا لا ارفـض واقــعي وانما هي فقط لحظـات

"...وددت ان اعيشها .. وكان مخرجها هو تلك الامنيه

امـا عن الواقع ...فهي دائما ما تدعوا الله ان يرزقها بهذا الامير الذي سيتوجها ملكه كـيانه ..

وحين تتملكها الرغبه في الانطلاق .. الضحك... والركض تحت امطار الشتـاء

وبين امواج البحر

حين تتملكها الرغبه في السـهرخارج جدران منزلها مع صديقاتها او السـفر المتواصل

تبتسم حين تلمس قدمها ارض الواقع .. وتخـاطب ربها

بعـاميتها وتقول

يا رب لو نسيت فـكرني في الجنه"

اني اتمنيت اعيش اللحظه دي ... عايزه منك مساحات واسـعه احلى واحلى من دي

وبـحر ليا انا لوحدي استمتع بيه ..عايزه اعيش كـل لحظه

" معرفتش اعيشها في الدنيا واحلى منها كمان

...

...تنهض من تأملاتها وتحمد ربها وتقول

"هكـذا اعيش تلك اللحظات دون الحـاجه الى ان اكون صبيا "

سنــه تدوين

ممم..

سنـه تدوين

قبلها بجد مش عارفه كنـت عايشه ازاى

ازاى عايشه من غير ما اسجل لحظاتي

ازاى عايشه من غير مـا اكتب كُل صراع بيدور في دماغى

ازاى عايشه من غير .. كراسه وقلم .. على مخدتى ..

مـعقول كان في حياتى وقت مسجلتوش لاولادي

معقول كان في حياتى وقت مكنتش بهرب فيه للقلم من سجن عقلي لافكاري

لانـي عارفه ان في كتـير من اصداقائي من غير المدونين بيتابعوا هنا

بجد من قلبي وعقلي نفسي اوقولكم

دونوا

دونـوا .. وسيبوا ذكريات لاولادكم

سيبولهم افكاركم

عرفوهم مراحل تطور عـقولكم

.

.

دونـوا .. خرجوا افكـاركم من بين قطبان سجن عقولكم

افتحولها البـاب و خلوها تشوف النور ... خلوها تقول انا هنا

وعندي كتـير

و لما تدونوها .. ارجعوا كل فتره واقرأوها .. وصدقونى حتتعلموا

حـتتعلموا كتير اوى عن نفسكم ...

.

.

دونـوا وحتسيبوا في الدُنيـا اثر مكتوب .. و اثر محفور في قلوب النـاس الي قرأت افكاركم

مشاعركم و احاسيسكم

.

.

دونـوا .. بصدق ومن قلوبكم .. خرجوا افكـاركم

..

محدش يقول انا عمري ما مسكت قلم

قبل المدونه دي مـكنـتش ايدي تعرف للقلم طريق

دلوقتى بقيت اكتب في كل حته .. كراسه ,قصاقيص ورق ,تكست ,وحتى مسدجات في درافت الموبايل

مش مهم الصياغه اواللغه على قد ما الافكار و الاحساس مُهمين

.

.

دونوا.. لان الانسان من غير تدوين على الورق و في النفوس

انـسان عـاش من غير تــاريخ

..

و لاصدقائي المدونين الي بيتابعوني وبتابعهم

انا سـعيده من قلبي .. اني بنتمى لعالمكم .. لاُسرتكم

رغم اني لسـه بعتبر نفسي دخيله عليه

لـكن

اثرتم فيا .. و كـتير منكم خلانى احس وافكـر

فاكره لكم كلمات بحرفها .. فاكره لكم افـكار عندي اتغيرت

وفاكـره لكم ضحكه .. واحساس

وفاـكره لكم كـل اثر

افـضلوا دونوا واملوا الدُنيـا افكار .. احساس .. وتجارب

واحنـا نقرا نحس .. ونفكر

وحتى لو اختلفنا

من اختلافنا نتعلم

شكـرا يا كـل من تركتم في نفسي اثر

شـكرا يا كُل حد قدملي نصيحه او دعـوه من قلبه

في وقت فرح او ضيق

شكـرا لانكم شاركتونى افكارى

وسمحتولى اشاكركم افكاركم ..احاسيسكم

تجاربكم وذكرياتكم

.

.

وشـكرا يا رب .. لانك دلتني على طريق التدوين

شكــرا لانك خلقتني

وخلقت القلـم

.

.

يـا ترى

يـا ترى

لو كنت انا حد غيري

مش انا

وكنت قابلتنى

يــا ترى

كنت حـ احبني ...

ولا لأ ....؟؟

كنت حبقا صحبتي ...

ولا لأ ....؟؟

.

.

.

رمضــان كريم ....

رمضــــــــان كريم
وربــنا كريم اوى اوى اوى

يـــــــــارب يا كريم اجعله بالخير علينا جميعا

...

كـل سنه وانتم طيبين وكويسين

تِك.....تِك.....تِك

لحظـــات .... بين القطرات المُتــلاحقه

أُنــصــت فيها لصوت

السكــــوت

.

.

.

how come ...!

he said: "try 2 turn off ur mind ... "

and he forgot that ...
..
..
..

till the end of time

...

it will be always

...

the hardest
request....

over my abilities

..
in my life ...

in my whooooole life...

.

.

.

اعمل زوووم وابدأ بنفسك

مش عاجبك الى بيحصل حواليك .. من حكومه .. من تزوير .. من غلا في الاسعار .. من الظلم .. من حتى دكتور في

الجامعه مستفذ

من اى حاجه ... بتحصل في بلدنا

..

في حــياتنا

.

.

طب تعالا

امسك الكاميرا

ظبط العدسه

على حياتك

ايووه صح كده

يلاااااااا اعمل زووووووووووووووم

وتعالى سوا نتفرج

انت ...طالب في الكليه ... وفي وقت انتخابات اتحاد الطلبه

جريت ولفيت ومشيت تعمل دعايا لاصحابك المرشحين

وده لانهم اصحابك

اصــــاحبك

مش لاى سبب تانى

دخلت واديت صوتك ليهم كااام مره

اربعه ولا خمسه ويمكن اكتر

طب ليه بقا بتزعل ... لما ناس تهلل لمرشح ميستاهلش وسايبين الى يستهال

ليه بتزعل لما يحصل تــزوير

.

.

اعمل زووم على حياتك .. وابدأ بنفسك

...

طلعت السكشن ... لقيت المُعيد الخنييق اياه ... بصيت بخباثه

وقولت

بقولك ايه يا ابو حميد .. انا حلف تحت شويه .. ولو اخد الغياب ابقا اكتب اسمى

يرد ابو حميد ويقول ... انت تأمر يا باشا

ترد انت وتقول ... ربنا يخليك لينا يا ابو الجدعنه

.. جدعنه...!! جدعنه ايه يا ابو جدعنه

دى مش جدعنه ده كذب وتزوير وغش

زيه زي ....... بلاش نقول زي مين

يلا اعمل زووووووووووووم

وابدأ بنفسك

...

..

.

انت... دكتور في الكليه ... وقاعد تشرح ومنطلق

ورفع ايده طالب ذكي

وقالك

يا دكتور ... انا مش موافق حضرتك في الجزء ده .. علشان كذا وكذا وكذا

ترد انت وتبصله بغل وغييظ ... انت مين انت علشان تقول كده

اسمك ايه يا ولد

ويتـقرر ان يشيل الولد الماده علشان اتجرأ و عارض وجهه نظرك

سعادتك

و تروح البيت ... تقرأ في جرنال معارضه وتلاقي ان الجهاز الامنى اعتقل فلان الفلانى علشان قال الكلام الفلانى

في الجريده الفلانـيه

وفجــأه يظهر عليك الغضب ... وتقول : الله يلعنهم .. امال فين حريه الصحافه والتعبير عن الرأى

رأى ايه يا ابو رأى ... وهو حضرتك لما شيلت الواد الماده ... كانت فين حريه التعبير الى بتتكلم عنها

...

..

.

انت ... موظف غلبان .. بمرتب صغير .. بتحب واحده خطبتها ونفسك تتجوزها اووى

و قدمت على شقه في عماره اهى لسه بيبنوها

و قالولك تستلم كمان 6 شهور ...

وبعد 6 شهور ... ماسك انت سماعه التليفون وبتكلم خطيبتك

وانت في الشغل

وهى بتقولك ان التسليم اتأجل كمان 6 شهور لان المقاول مخلصش في الميعاد

واثناء انفعالك وغضبك .. وانت بتزعق

:وبتقول

ايــه التسيب ده ... يعنى بعد ما ظبطنا حياتنا على الميعاد ده ... لسه حنأجل تاااانى

حسبي الله ونعم الوكيل

وفي وسط انفعالك

..دخل عليك مواطن غلبان ...بيقول: من فضلك عايز اخلص اجراءات الوراثه دى

اعمل ايــه ..؟

قولتلها لحظه واحده يا حبيبتى ...وبصيته بقرف وقولت: فوت علينا بكره يا سيد

!!

سيد...!! سيد مين حضرتك ... مهو الى اخر تسليم العمارهاياها

كام واحد على بعض زيك كده

قصروا في شغلهم فكانت هى دى النتيجه

اعمل زووووووووووووووم

وابدأ بنفسك

..

.

ابدأ بنفسك من وانت صغير .. وربي ولادك على القواعد الجديده

مهو انت يا صغير ... بكره تكبر

وتبقا سفير ولا وزير ولا مدير

و لو كنت عودت نفسك لما بدأت بيها

متقصرش .. متزورش .. متكذبش .. و متطنش

و و و

لما انت تكبر ..وتمسك زمام الامور

هى دى حتكون حياتنا بالقواعد الجديده

.

.

وسعاتها حنتغير

اخرج بره دايرتك

وامسك الكاميرا

واعمل

زووووووووووووم

وابدأ بنفسك

كلمه دايما بقولها وبحبها

"لو مش احنا احنا مكانش حيبقا هما هما "

ببساطه شديده

اى حاجه بتشوفها غلط وتعترض عليها

حتلاقي في حياتك نموذج مُصغر ليها

اعمل زووم.. ودور عليه

وابدأ بنفسك.. وغيره

.

.

النهارده ده ... اه والله

النهارده انا شوفت ده
شوفت وش القمر ده
شوفته بعينى
شوفته وهو بيضحكلى
حسيت اوووى اووى اننا اصحاب
وقلتله بقلبي وحشتنى
شووفته هو وصحباته النجمات
بيلمعوا ومنورين

قعدت اتفسح وافتش وادور..اشوف كتله

منهم هنا و واحده تانيه مكسوفه هناك

وكـأني بعوم في زراق السما

بتفسح ..وبجري.. وبلعب.. وبتأمل.. وبسبح

وبدخل جووووووووه

وبرتعش

..

.

وبشووف المشترى الـ مدور

زي ما توقعته تمام

اخ كبير عاقل ورزين

واربع اقمار حسيتهم ولاده الصغيرين

ماشيين وراه في استقامه واحده

بـأدب

وكبريـاء

وخشــوع

.

.

وتـانى برجع وارتعش

وبلمس بـأيدي كل حفره موجوده في وش القمر

..

حسيتها في ايدى بودره نـاعمه وسقعانه

جميله وبتحبنى

..

فكرنى طرفها بحفر الجبنه الرومى

في طعمها وشكلها

حسيت بالكيان الدائري رغم انى مش

شايفه كل دورانه المكتمل

كنت دايما بشوفه كامل

بس النهارده احساسه اختلف
...
احساسي بالكون اختلف
اكتر ما اختلف
.
.
احساسي بوجودى اختلف
اكتر ما اختلف
.
.
احساسي حتى بالسجود
اختلف
اكتر ما اختلف
.
.
بكتب جمل
قد ايه حسيت بضعفها .. و كسرها .. وعجزها
وغباءها ..وجمودها .. وانكسارها ..وقله حيلتها
كل صيغ المبالغه في الكون
مش حتقول
الى فيهم
يـــــــــــــــــــــــــــــــــــــــــــاه يا اصحابي
انا ماشيه على الارض وحاسه بيكم حواليا
شيفاكم .. لما بغمض عينى بشوفكم
بفتكر وش القمر
بخطووطه اللامعه

الظــاهره
الواضحه

البـارزه
المنوره
المبهره
الـ مخلوقه ..الـبديعه
.
.
رهــــــــــــــــــــــــــــــيب
سبحانك يا رب العالمين
سبحـــانك
سبحانك يا رب العالمين
سبحـــانك
يـــاه يا رب
...
لما تبص للسما وتحس انك عارفها
فاهمها ..حاسسها .. شايفها ..وماشي في طرقها وشوارعها
وبتحكيلها

وبتحبها
وبــــأعلى صوت
جواك سـامعه وحاسه بيزلزل كل خليه
حيه بتسبح في
جسمك
و بيقول سبحانك يا رب
بيقول سبحانك يا رب وانت بترتعش
وقلبك حاسس بنبضه في خلاياك
سبحانك يا رب قد ايه انت عظيم
وجمــــــيل
وحنون
ومُبدع
ورحيــم

وكريم
و جبــار

وقادر على كل شيء
..
.
يــاه ده احنا صغيرين اووى .. وضُعفا
اووى
وبنحبك اوى اوى اوى
..

اللهم لا اله الا انت وحدك لا شريك لك
اللهم انى احمدك واشكر فضلك يا رب
اللهم انى اشهد انك ربي
خــالق السما والكون
والقمر والنجوم
واحلى لحظه في حياتى
كانت او حتكون
..
اللهم اجعل كل هذا في ميزان حسناته
وجازيه عنا كل خيــر
يا
ربــي

shocked

it is really so hard to be shocked

in yourself

...

it is really deep hurts
inside

.

.

.

نيــــــــرووووووووووووووون

والنبي ناولونى

الولااعه ... عايز اولع روما بحالها

انا مستعجل عندى

اذاعه

انا مســـتــعجل عندى

اذاعه

خـــطــبــه" عظيمه" لازم اقولهااااااااا

...

حتــقول ايه يا نيرون سمعنا

متعنا بخطبك

متعنا

...

حزعق زي الغوووووووووووووووووووول

يااااااااا مااااااااماااااااااا

واجعر

وااقووووووووووووووووووووووووووووووووووول

...

..

تعاليلى يا بطه

وانا مالى هه

.

وشليلى الشنطه

وانا مالى هه

.

ونروحوا على طنطه

وانا مالى هه

هه

هه

هه

-- --

فاااكرين الاغنيه دي من

الاوبريت الى كان في فيلم اسماعيل ياسين وهو في عنبر العقلاء

انا بعشق الاوبريت ده

اخر مره ... كنت بتفرج عليك

ولجل الحظ

اتفرجت عليه وانا لسه

شايفه نييرون

!!

اه والله

قام الجزء ده علق معايا

عارفين نيرون ده مين

ده الى يحسسك انه قيمه وسيمه

وهييييييييييبه

وفظييع ومحصلش في كوكب الارض

ومحصلش في الكواكب المجاوره

ومحصلش

ولا حتى في المجره بتاعتنا

و الناس كمان تقعد

تعظم فيه و تفخم فيه

وفجــــــــأه

..

يبدأ المدعو نيرون في الكلام

..

وتلاقي نفسك بتلف حواليك

مين ... فين ...لييه اصلا

هس هس هوووووس

يا جدعان حد يسكته

وتبقا عايز تجيب اى حاجه

وتحطها في بقه زي الصوره

الى فوق دى

علشاان يســكت

خــــــــــــــــــــــــــــالــــــــــــــــــــــص

..

والمصيبه انه يبقا مستغرب ومش

فاهم

انت عايز تسكته ليه ..؟

لانه لسه

ببساطه

عـــايش الــدور

!!

...

اهمد بقاا يا نيروون بقااا

اهمد شوويه

مش كده يا اخي

---

يا رب محدش فينا يكون نيرون بتاع الفيلم