السلطانيه التالته .... هيييييييه هيييييييه

انا اخيراا جيت اجاوب التاج التالت وبيه اكون خلصت حسابي

ودفعت الضرايب على رأى مبرمج

امممممم قبل ما اجاوب بعتذر عن التاخير في الرد او في التدوين

وكمان ان كانت الفوكيره السابقه اعطت اى طاقه سلبيه لاي حد

لانه ده مكنش مقصود بالمره

بسم الله الرحمن الرحيم نبدأ

اسم مدونتك ؟

فوكيره

السؤال ده ذكى جداا زي اسئله ابن الجيران في مدونه مع نفسي

لماذا اخترته.. ماذا تقصد به ؟

اممممم

هو تصغير كلمه

فكره ... بس بالتشكيل الممل

في الحقيقه اسم المدونه مر بمراحل كتيير لغايه ما جه الاسم ده في بالى وقررت انه يكون

وانا بختار كان نفسي في اسم

متوافق مع هدف مدونتى وهو بشكل اساسي الفكر

والحث على التفكير

في اى حاجه وفي كل وقت .... يعنى انا بحترم العقل وامكانياته بشكل رهيييب ودايما اى حاجه بتحصل

بتشغل دماغى وبكون منها فكره

وفي سبب كمان انى في البدايه كنت حابه تكون المدونه عن افكارى وفقط بعيدا عن الفضفضه او المشاعر او اليوميات

او او

والسبب انه في رقابه على البنت انها تكون كتاب مفتوح او الناس تقراءها بسهوله

مش حتكلم عن وجهه نظري في الموضوع ده -

-دلوقتى

يعنى ...

لكن انا مقدرتش اعمل ده بشكل كبير

واتكونت عندى فكره

ان كل حاجه بتحصلي بتكون جزء من افكارى

سواء مكون ليها او ناتج عنها او او

لكن بشكل كبير المدونه خاصه بمحيط الافكار والتفكير

لهذا كان الاسم ..... فوكيره

هل فكرت في إغلاق المدونة.. والسبب ؟

لا لسه محصلش ... بس المدونه بقت جزء من حياتى بجد

يا رب ما يكتب عليا يعنى

صورتك فى المدونة ..رمزيتها ؟

امممممممممم الصوره دي

صوره بووه

الي كانت في شركه المرعبين المحدوده ...انا بحبها جداااا بحسها برئيه اوووى وشقيه

وجميله .... والوصف الدقيق لها انها طفله

وعلى فكره دى صورتى في اى مكان بكون فيه على النت مش بس المدونه

والغريب الى حصل ان في ناس لما شافونى قالولى انها شبهى معرفش ده اسقاط

او بجد

طبيعة كتابتك فى المدونة بشكل عام ..سياسة ..قصة ..عبث ..كلام فاضى ؟

ببساطه .... هى افكارى عن كـل شيء واى شيء

لماذا تدون أصلا ؟

اممممم التدوين مهم بجد ... بنتعلم منه لما نرجع نقرأ الى كتبناه

بتعرف نفسك اكتر لما تكتب وتكتب وتكتب وترجع تقرأ وتفهم وتحلل الى كتبته

ده غير انك بتصفي ذهنك من حجات كتير بتدور فيه

وكمان بصفي الى جواك لو كان مشاعر انت حاسس بيها

وبجد نقطه مهمه جدااا ان اولادك حيعرفوا يقرأوا حياتك وافكارك

ويتابعوا تطور عقلك ونضوجك

وسعات كتير بكتب ليهم عبارات في اجندتى

علشان لما يقرأوها بعدين

بس انا عرفت كل ده دلوقتى مش من قبل ما اعمل المدونه

كانوا كتير نصحونى اكتب الى الجوايا

والى بفكر فيه

وبدأت اكتب قبل ما اعمل المدونه بمده قصيره جداا تقريبا شهر

ومكنتش متوقعه النتيجه الى وصلت ليها وكتبتها فوق دي

أحلى جملة قيلت لك فى وصف مدونتك ؟

اى كلمه تتضمن معنى

انها دمااغ ... بفرح بيها بشده

واستغربت لما قرأت عن البراءه او الرقه او اى شيء من هذا القبيل لانى لم اتخيل انه ظهر في ما اسطر

انما جمله معينه مفيش بالقوه الى تخليها حاضره في ذهنى بشكل مباشر

التعليقات بالنسبة لك ..أهميتها ؟

مهمه جدااا جدااا

لانها عندى معناها انه الي قرأ كلامى اثار في دماغه فكره

فحب يكتبهالى

وشخصيا بفضل النوع ده من الردود

الى بيدور في محيط المناقشه

الى بتثري الموضوع ... ويحبذا لو كان في وجهات نظر مختلفه نتعلم من بعض

وتكون فوكيره بجد

وهنا بنكون اهميه التعليقات الحقيقه بجانب التواصل

وانى عرفت كتير عن عالم المدونين بسببها

أحلى بوست كتبته ..ضع اللينك ..ثم اذكر لماذا ؟

انا مش حابه ارد بدوبلماسيه

ورغم ان الاختيار صعب في اقرب تدوينه لى او احسنهم من وجهه نظري

لانهم قريبين منى اوى لانهم افكارى

ولانهم مختلفين في مجالات مختلفه وصعب المقارنه بينهم

انما في تدوينه اسمها اقسى تجاربي احلى تجاربي

وتدوينه العام الجديد بتاعت 2007

والتدوينه الى كتبت فيها الى اتعلمته من صحابي

وانا حاسه انى فرخه كمان .. كانت من جوايا اوووى

علشان اجيب اليينك حلف كتير لو يهمك تعرف لف انت بقا

(ايموشن بيطلع لسانه)

أفضل مدونة قرأتها ..يمكن اختيار عدة مدونات ؟

اممممممممم في على اليمين مدونات سميتها مدونات دمااغ

دى افضل المدونات الى قراتها فيها والعدد قابل للزياده كل يوم

لكن لو حقول مدونه بعينها

حاقول حواديت روزاليا لاسباب كتيييرمحتاجه تدوينه بحالها علشان اعددها

منها اختيارها للصور

و

shadows of an exotic mind

دول لازم افتح اشوف فيهم ايه وسعات بفتحهم قبل مدونتى

وفي مبرمج رغم انى مش بعلق هناك كتير .. ده بسبب انى لما بدخل بحس ان عندى واجب متأخر

لانه ما شاء الله بيدون كل يوم تقريبا

وسمرا بتاخدنى في عالم تانى

ونجمه في السما ده نتيجه انى من احد المولعين بالفلك

و يعنى بجد

المدونات الى على اليمين دى متكتبش عليها مدونات دمااغ من قليل ... بالنسبالي

مع اختلافهم في درجات الدماغيه

أفضل بوست قرأته ..يمكن اختيار اكتر من لينك ؟

امممممممممم بردو كتيييييير جدااا

انما حـ اقول الى جه على بالي دلوقتى

(في عند روزا تدوينه ( يعنى

رهيبه

وواحده كمان اسمها فعل فاضح في حوار مشروع

و كمان في اعراب الجمله

وكتير عندها

عند اكزوتك في تدوينه كان كتبها من زماان دايما بفتكرها

كان بيحكى فيها عن تخيل لمسرحيه وهو مع المتفرجين قعد يعمل ضجه

الناس افتكروه بيخرب انما هو كان همه مصلحتهم ينبههم على الى بيحصل في المسرحيه

وفصولها

انا مش فاكره اسمها بصراحه

ومش لاقيه الينك بتاعها عنده

وفي واحده عنوانها انا غلط ... انت صح

وفي عدت

وكتييييير هناك كمان بس دول الى جم على بالى دلوقتى

اممم في كمان عند زيرو في ان شاء الله ... مارد كامن

وعند مبرمج في تدوينه

اسمها يـا حبيبتى

وعند كايند في انا افكر اذن انا موجود

تدوينه المنطق

وكتيييير كمان لان بجد مش دول بس

هل خسرت صديق بسبب كتابة هنا ؟

لا الحمد لله

لسه

حد قل ادبه فى التعليق ..ايه رد فعلك ؟

لا مفيش لغايه دلوقتى الحمد

لله

انما في ردود بتكون مستفذه ...اهمها لما اكون مثلا بتكلم جد جداا و حد يكون رده فيه هزار بسطحيه

لان في هزار بيكون عميق وله معنى وهو ده المناسب في المواضيع الجد من وجهه نظرى

لو حنهزر فيها

اما عن رد فعلى ... فبرد عادى واوضح وجهه نظرى

يعنى لكل مقام مقال

أسوأ مدونة ..الاجابة اجبارية ..يمكن اختيار عدة مدونات ..هما كتير اصلا ؟

اممممممم اسوأ مدونه هى الى فيها مش هو

بمعنى ان حد يكتب ويعيش مش نفسه

حتسألونى هو فيه كده حقولكم اه فيه

كمان

في مدونات انا مش حقول عليها اسوأ لان سعات كتييير جدااا بيكون فيها افكار حلوه

انما مش بحب فيها ده

وهو بادج

بتاع ان المدونه ممكن يكون فيها شتيمه او قله ادب .... وغالبا بتكون سياسيه

والى بيغيظنى في ده

انه الى بيطالب بالحريه والديمقراطيه وحريه التعبير

لازم الاول يكون ادها علشان يستاهلها لان مش اى حد بيستاهلها

الاول يتعلم ازاى يختلف ويعبر عن رأيه بشكل محترم وبعدين يقول سيبونى اعبر واقول

وفي حجات غريبه مفتكرهاش لانى مزرتهاش اكتر من مره

أسوأ بوست..؟

انا عارفاهم بس مش حقول ... غلاسه بقا زي السؤال كده بالظبط

أسوأ مدون ..مهو هتجاوب هتجاوب ؟

لا دي لغايه دلوقتى معنديش ليها اجابه بالشكل المطلق على عكس السؤال الى فات

انا حاسه انى كتبت كتييييييير جداااااااا

اتمنى اى حد عندى يجاوب التاج ده لانه مهم بجد

بتكون عايز بعده تقول نورت المحكمه يا سرحان