تاج من عند مبرمج ثم سمرا ثم زورديك
احلى حاجه فيه انه تاج في السريع
مع انى معتقدش ان اجابته حتكون في السريع
اسفه على التأخير بس كنت حابه اكتبه بمزاج
يلا نبدأ
بسم الله
-----
هل كنت طالب شاطر فى المدرسة ؟
فوق المتوسط بسنه
انما مكنتش بصراحه من الناس الموييسه و اطلع في الترتيب والحجات دي
مرتين بس طلعت في الترتيب
مره في 3 ابتدائي وطلعت التالته على المدرسه في اخر السنه
ومره في 3 اعدادى بس كان امتحانات شهر وصدفه
احم احم
ايه كانت احب مادة و اكره مادة ليك فى المدرسة و الكلية؟
امممممممممم اكتر المواد الى كنت بعشقها
المواد العلميه
كمياء ..عشقي
فزياء..متعه
احياء كمان رغم انها مكانتش تخصصي في ثانويه عامه
وكمان كتير من العلوم الى بعشقها بعيدا عن مجال دراستى
عامه العلوم بحس انها حاجه عايشه جوايا وبتنفسها
حيــاه كامله
مش مجرد حاجه بندرسها ونمتحن فيها
وفاكره انى كنت لغايه 3 اعدادى
وخصوصا في المراحل الاعداديه
كنت بدخل الامتحان واجيب الدرجه النهائيه او شبه النهائيه من غير ما اعرف شكل الكتاب
من جوه
تماااامااا ... كنت بتصفح الكتب كنوع من انواع المتعه من بعد ما السنه تخلص
يعنى على الشرح وبس
اممممممممممم الرياضيات الى بناخدها بشكل منفصل عن التطبيق الفزيائي
بتعامل معاها من باب شر لابد منه
زي التكااااااااامل كده بكره جدااااااااااااا
اما الى بندرسها بتطبيقتها زي الميكانيكا مثلا بموووووووت فيها
لو قعدت اتكلم عن العلوم مش حنخلص النهارده
ننتقل للمود الى كنت بكرها
على رأسهم
العربييييييييي ... فاكره بعد ما خلصت امتحان 3 ثانوى بتاع العربي
مشيت اتنطط في الشارع هيييييييييييه مش حـ اخد عربي
وكان خوفي بجد انى مدخلش كليه علميه انى اخد عربي تانى
مكنش عندى ادنى استعداد لده
وطبعا التاريخ والدراسات والحجات الى فيها حفظ دى
انما كنت بحب التاريخ كقصه والعربي في التذوق مش كـ حاجه امتحن فيها
مش حتكلم عن مواد الكليه لانها حتكون متخصصه شويه
ينهار ابيض كــــــــــــل ده كلام
كفايه كده على السؤال ده
كنت عايز تتطلع ايه وأنت صغير ؟
هاااااااتو ورقه فلوسكاب
وقلم مليان حبر وتعالوا ورايا
دكتوره ...حكلم كل البنات الضغننين والي اعتقد ان كان سببه اسقاط المجتمع
ممرضه: وده غير الدكتوره ...معرفش بس كانت عندى روح التطبيب وكنت احب اعالج اى حد
متعور مثلا واطهر بقا والشغل ده
مهندسه ... زي والدي واتذكر انى كنت بـاحط ادامى ظهر نتيجه على كرسي واسندها على الحيطه
بحيث تكون زي تربيظه الرسم كده
وارسم عليها بالمسطره
رائده فضــاء ...كنت متعلقه بموضوع السما ده من صغري
عـــالمه ((دي غير الرقاصه))... عمري ما كنت حددت المجال بشكل واضح انما كان نفسي اعمل حاجه مفيده لبلدى
ودينى واسمى يخلد ويبقا في نظريه مي لكذا واقرف الطلبه كل شويه
زي نيوتن الى مش عاتق ولا ماده علميه بناخدها
وسعات كتير بقولها هنا في بيتنا كـ نوع من الهزار
انا واخويا
elkatatny's low
:D
كان نفسي اتعلم رقص استعراضى زي الحجات بتاعت فرقه رضا كده ... بعشق حركتهم المنتظمه مع نغمات الموسيقى
حاله
ربنا يرحم بابا ويجازيه خير انه منعنى من ده ... مين عالم كان زمانى فين دلوقتى
!!
اممممممممم مضيفه طيران ... وقال كنت عارفه ان الحلم ده مش حيتحقق علشان لما اكبر حـ اكون محجبه
ومضيفه الطيران بتلبس مني جيب
ظابط: طفولتى كانت مستولده شويه
هههههههههههه
باحثه حفريات.... يعنى لما ننقب عن مميوات الفراعنه انا بقا ااقول دى من كام سنه ومن الاسره الكذا
علشان كانت عظمه الانف عندهم مش عارفه عامله ازاى
و احدد شكل الوفاه من شكل العظم والحجات دي
مره سألتنى مدرسه الرسم في 2 ثانوى انتى عايزه تطلعى ايه
بعد ما كلمتها عن موضوع العالمه ده ...قولتلها ان نفسي ميكونش في منى
يومها فاكره ملامح وشها و هى بتقولى كنت متوقعه انك حتقوليلى كده
!
دول الي جم على بالي
دلوقتى
كتييير مش كده
دول على مراحل عمرى المختلفه
دلوقتى عرفت ان مش كل حاجه نبقا بنحبها لازم نبقاها
بمعنى ان مش معنى انى بحب الفزياء ابقا متخصصه في الفزياء
او بحب السفر يبقا ابقا طيار
انما ممكن الانسان يكون حاجه واحده ويشبع فضوله وحبه ده بطرق مختلفه منها القراءه والتجربه
الان انظر لهم بشكل مختلف ...ابحث عن الاشياء المشتركه
واحاول تكمله خطوط طريقي
المرسوم في خيالى
وبس خلاص
5 comments:
الحمد لله أنك افتكرتى التاج أخيراً وخصوصا أن فيه تاج جاى فى السكة
ههههههههههههههههه
جميل أوى أن الفيزياء متعة بالنسبة ليكى لكن إزاى بتحبى الفيزياء ومش بتحبى الرياضيات وكمان التكامل , دى الفيزياء من غير التكامل تبقى مواد إجتماعية
العربى فعلأ بيعلموه بطريقة تغيظ لكن بجد العربى من أهم المواد على الأطلاق
جميل يا جوسي .. و المزاج واااضح في أدائك التاااج ..
مبرمج حر:انا مكنتش نسيت التاج ..بس علشان موضوع المزاج ده
عجبنى التعبير بتاع بتبقا مواد اجتماعيه وانت معاك حق
الرياضيات هى لغه الفزياء ..الفزياء لوحدها من غير معادله تقول ان دى نظريه صحيحه تبقا عاجزه وناقصها حاجه
انا حديك مثل بـ اينشتين :الراجل ده كان رهييب في الفزياء ويجى عند الريضيات ..يتنح وعلى حسب ما قرأت انه كان بيستعين بعلماء رياضه علشان يساعدوه علشان الفزياء تتكلم
الرياضيات الى بعرف تطبيقها الفزيائي ..مفيهاش مشكله
انما الرياضيات المجرده بالنسبلى طلاسم
لما تحل التكامل تبص للمسأله ده تكامل تجزيء ولا ده تكامل دوال مثلثيه ولا ولا ..وطرق حل ملهاش عندى معنى غير ان المسأله تطلع صح
انا عارفه ان معناه اعمق من كده لكن المعنى ده انا معرفتوش سواء المشكله منى او من الى درسلي
العربي ...مهم انك تتعلم لغه
اثناء سنين الدراسه طلعت عنينا فيه وبردو متعلمناش لغه
بالنسبالبى
تحياتى
-------------
روزا الشقيه: ايوه حلو التحليل اشتغل اهو
:D:D:D
هههههههههه
سعدت جدا بقراءتي للتاج ده
واتعلمت منه برده
تحياتي
هموسه:اتعلمت منه بردو
دى جمله تفرق معايا اميااال
تحياتى
---------------------
مبرمج : ثانكس يا فندم على التاج بس
استنى عليا شويه
انا كده فاضلى تاج واحكم العالم
Post a Comment