مش عاجبك الى بيحصل حواليك .. من حكومه .. من تزوير .. من غلا في الاسعار .. من الظلم .. من حتى دكتور في
الجامعه مستفذ
من اى حاجه ... بتحصل في بلدنا
..
في حــياتنا
.
.
طب تعالا
امسك الكاميرا
ظبط العدسه
على حياتك
ايووه صح كده
يلاااااااا اعمل زووووووووووووووم
وتعالى سوا نتفرج
انت ...طالب في الكليه ... وفي وقت انتخابات اتحاد الطلبه
جريت ولفيت ومشيت تعمل دعايا لاصحابك المرشحين
وده لانهم اصحابك
اصــــاحبك
مش لاى سبب تانى
دخلت واديت صوتك ليهم كااام مره
اربعه ولا خمسه ويمكن اكتر
طب ليه بقا بتزعل ... لما ناس تهلل لمرشح ميستاهلش وسايبين الى يستهال
ليه بتزعل لما يحصل تــزوير
.
.
اعمل زووم على حياتك .. وابدأ بنفسك
...
طلعت السكشن ... لقيت المُعيد الخنييق اياه ... بصيت بخباثه
وقولت
بقولك ايه يا ابو حميد .. انا حلف تحت شويه .. ولو اخد الغياب ابقا اكتب اسمى
يرد ابو حميد ويقول ... انت تأمر يا باشا
ترد انت وتقول ... ربنا يخليك لينا يا ابو الجدعنه
.. جدعنه...!! جدعنه ايه يا ابو جدعنه
دى مش جدعنه ده كذب وتزوير وغش
زيه زي ....... بلاش نقول زي مين
يلا اعمل زووووووووووووم
وابدأ بنفسك
...
..
.
انت... دكتور في الكليه ... وقاعد تشرح ومنطلق
ورفع ايده طالب ذكي
وقالك
يا دكتور ... انا مش موافق حضرتك في الجزء ده .. علشان كذا وكذا وكذا
ترد انت وتبصله بغل وغييظ ... انت مين انت علشان تقول كده
اسمك ايه يا ولد
ويتـقرر ان يشيل الولد الماده علشان اتجرأ و عارض وجهه نظرك
سعادتك
و تروح البيت ... تقرأ في جرنال معارضه وتلاقي ان الجهاز الامنى اعتقل فلان الفلانى علشان قال الكلام الفلانى
في الجريده الفلانـيه
وفجــأه يظهر عليك الغضب ... وتقول : الله يلعنهم .. امال فين حريه الصحافه والتعبير عن الرأى
رأى ايه يا ابو رأى ... وهو حضرتك لما شيلت الواد الماده ... كانت فين حريه التعبير الى بتتكلم عنها
...
..
.
انت ... موظف غلبان .. بمرتب صغير .. بتحب واحده خطبتها ونفسك تتجوزها اووى
و قدمت على شقه في عماره اهى لسه بيبنوها
و قالولك تستلم كمان 6 شهور ...
وبعد 6 شهور ... ماسك انت سماعه التليفون وبتكلم خطيبتك
وانت في الشغل
وهى بتقولك ان التسليم اتأجل كمان 6 شهور لان المقاول مخلصش في الميعاد
واثناء انفعالك وغضبك .. وانت بتزعق
:وبتقول
ايــه التسيب ده ... يعنى بعد ما ظبطنا حياتنا على الميعاد ده ... لسه حنأجل تاااانى
حسبي الله ونعم الوكيل
وفي وسط انفعالك
..دخل عليك مواطن غلبان ...بيقول: من فضلك عايز اخلص اجراءات الوراثه دى
اعمل ايــه ..؟
قولتلها لحظه واحده يا حبيبتى ...وبصيته بقرف وقولت: فوت علينا بكره يا سيد
!!
سيد...!! سيد مين حضرتك ... مهو الى اخر تسليم العمارهاياها
كام واحد على بعض زيك كده
قصروا في شغلهم فكانت هى دى النتيجه
اعمل زووووووووووووووم
وابدأ بنفسك
..
.
ابدأ بنفسك من وانت صغير .. وربي ولادك على القواعد الجديده
مهو انت يا صغير ... بكره تكبر
وتبقا سفير ولا وزير ولا مدير
و لو كنت عودت نفسك لما بدأت بيها
متقصرش .. متزورش .. متكذبش .. و متطنش
و و و
لما انت تكبر ..وتمسك زمام الامور
هى دى حتكون حياتنا بالقواعد الجديده
.
.
وسعاتها حنتغير
اخرج بره دايرتك
وامسك الكاميرا
واعمل
زووووووووووووم
وابدأ بنفسك
كلمه دايما بقولها وبحبها
"لو مش احنا احنا مكانش حيبقا هما هما "
ببساطه شديده
اى حاجه بتشوفها غلط وتعترض عليها
حتلاقي في حياتك نموذج مُصغر ليها
اعمل زووم.. ودور عليه
وابدأ بنفسك.. وغيره
.
.
15 comments:
يااااه بجد حلو اوى كلامك دا بجد
لو كل حد فكر للحظه قبل ما يعمل الخطوه دى انه هتتردله ازاى
اعتقد انه هيتصرف صح اووووووووى قبل ما يقدم على الخطوه
عارفه حسيت انه لو فضلنا نقول الحالات المماثله دى هنكتب لبكره وبعده كمان
بجد حلو اوى دا يا مى ميرسى ليكى بجد
ويا رب فعلا كل حد فينا يقدر يعمل زووووم على حياته بس بصدق اووووووووى
ميرسى بجد اوى اوى اوى ليكى
:)
برافو عليكي
بوست ممتاز
موضوع مهم وجرئ وكان لازم نتكلم فيه من زمان وياريت كل واحد يزوم علي نفسه شويه هنصلح كتير
في الجوووول يا مي في الجوووول ..
طبعا عندك حق
.........
فعلا يا فوكيرة احنا المفروض نبدا بنفسنا الاول
فكرة البوست حلوة
نورينا بزيارتك
زيزي
بجد
لازم نبدا بأنفسنا
ونحط نفسنا مكان اللي متضايقين منه
وبرضه مكان اللي ضايقناه
واحنا بجد حنقدر نفهم
تحياتي
جميل قوى البوست دة
وحلوة اولى جمله
لو مش احنا احنا مكانش حيبقا هما هما
تعبير جميل عن واقعنا المرير ولاد ان كل واحد يبدا بنفسه فعلا عشان نغير المجيمع البايظ دة
والسلام..........
مبلاش نعمل زووم
ونبص علي الموضوع نظرة اوسع واعم واشمل
ونربط كل المواضيع برباط رفيع قوي ممكن يتقطع
معظم اللي بيتعمل في حياتنا اما مجاملة
او سوء استخدام سلطة
ونكيل بمكيالين
رغم ان البوست حلو مش عارف ليه اتضايقت لما قريتيه
جايز عشان انا بصيت نظرة بانورامية واسعة قوي ع اللي بيحصل
تفتكري العيب في راس الهرم ولا في قاعدته يا مي؟؟
ربنا يهدينا لما يحب ويرضى
ربنا يبارك فيكي يا فوكيرة كلامك صح ويارب نقدر نخليه واقع عملي
وكلامك فركني بالآيه الكريمة
أعوذ يالله من الشيطان الرجيم
( أتأمرون الناس بالبر وتنسون أنفسكم )
وفيه كمان آية ربنا سبحانه وتعالى بيخاطب فيها كل واحد بيقول حاجة وبيعمل عكسها
أعوذ بالله من الشيطان الرجيم
( يا أيها الذين آمنوا لم تقولون ما لا تفعلون * كبر مقتا عند الله أن تقولو ما لا تفعلون )
شكرا ليكي يا مي على الموضوع الجميل
تحياتي يا فوكيره بوست حلو بجد
كنت كتبت بوست بعنوان شعب بوشين
http://wild0horse.blogspot.com/2007/04/blog-post_23.html
وهعلق باخر جزء فيه:
شعب فقد معني كلمه مبدأ
اتسرق فاستحل السرقه
واتهرس من اللي فوقه فاستقوي علي اللي تحته
شعب مكبوت بتقاليد مش مقتنع بيها بس مضطر يجاريها قدام الناس
ويختلي بنفسه يرميها ورا ضهره
شعب بيحاول يبان متدين قدام الناس مش قدام اللي خلقه
ياتري هيجي يوم ونتغير؟
صراحه مش باين
ماحطتش حل يومها
بس لو زي ماقلتي كل واحد بدأ بنفسه يبقي اكيد هنتغير
تحياتي وبوست بجد جميل يا فوكيره
لازم الواحد يصلح نفسه قبل ما يفكر في غيره وإحنا نفضنا نفسنا وفكرنا في غيرنا ولكن هذا ألإضل من شخص أخر شغل بنفسه وإصلاحها لدرجه أنه نسي العالم ألي حوليه حتي ممكن لا يربي أبناءه علي ما تعلمه هو فهذه السلبيه الشنيعه تكون مستفزه جدا بالنسبه ليا ولا تدانيها في الإتفزاز لي إلا حاله التركيز علي عيوب الأخرين ونسيان أخطائنا
مدونتك جميله
صدقتى
احييك
واتمنى فعلا ان اكون ايجابى بالشكل الذى ذكرتيه
السلام عليكم
بجد انا مبسوط ان فى حد بفكر فى موضوع ابدأبنفسك وعرض الموضوع بالاسلوب ده لسه فى شباب بتحب مصر وياريت نحاول نركز على السلبيات ونقدم اقتراحات لحلها ومع بعض هنقدم كل المفيد على فكره انا عندى مجموعه بريدية على الجوجل اسمها ابدأ بنفسك وده الرابط بتاعها لو عايزين تشتركوا وتنشرو المفيد
http://groups.google.com/group/yourselfstart?hl=ar
عمرو امير
وده ايميل للتواصل
shepo_2007@hotmail.com
(ايموشن بيصفق)
رائع رائع رائع .. !!!
يمكن لو كانت الناس عملت بالكلام الي في البوست دي مكناش وصلنا للي كنا فيه ..
كان زمانا في مكانه تليق بينا بدل ما ضيعنا 4 سنين بندفن فيهم مصر ..
اعتقد انه جه وقت تنفيذ الكلام ده .. لان مصر محتاجة مننا ده دلوقت عشان ترجع عروسه تاني .. :)
Post a Comment