امتحانات ... امتحانات
وشيتات
وانتر فيو
وتسليم لوح من كل شكل ولون
وكورسات قصدى وللاسف كورسات
ونزول وطلوع
واحساس مختلط ما بين الرضا لانك بتذاكر وعدم الرضا لانك مموستش
من بدري
قرب اكتر من ربنا ومتعه ما بعدها متعه
انك تنام وتحس انك ذاكرت واشتغلت
علشان ربنا
وقلق و سعات استقرار
وكل تيرم اقول التيرم الجاااااااى حموس جاامد من اول التيرم
وارجع التيرم الى بعده اقول نفس الكلام
وندوووووور في الدواير
ربنا يعدينا من الايام دى على خير
بمتعتها قبل عذابها
وربنا يجعلها زي الورد الابيض علينا ونبعد عن ظله الاسود
وفي كل الاحوال ... احمدك واشكر فضلك يا رب على اى حاجه
تجيبهالى سواء ابيض او ابيض بردو وانا بشكلها افتكرتها اسود
عيني يا رب
ادعولى اوى جداا خااالص و ان شاء الله لما ارجع لينا مناقشات في البوست الى فات لانه مهم اوى بالنسبالى
وفي تاجات متأخره وحجات ومحتاجات
كتيير
ربنا يسهل
بس خلاص كده
11 comments:
ربنا معاكي ويقويكي
ربنا يوفقك ويكرمك يارب
ميويه
جوسى يا عسل
بدعيلك من قلبى والله
ربنا يوفقك ويكتبلك كل خير
وربنا معاكى ومش تغيبى عننا
وحشتينى من دلوقتى هو لسه كتير على الامتحانات
:)
ربنا معاكى يا جوسى
مش عايزه اتصل عشان مش اشغلك
بس مش هقدر هتلاقينى كل كام يوم كدا بغلس عليكى
المهم انك تقوليلى اقفلى باه عشان اذاكر
:)
ربنا معاكى وان شاء الله خير
قاعدة..متقوليش الترم اللي جاي حموس من بدري قولي الترم اللي جاي حعرف الم اللي ملمتوش في وقت اقل حتي لو بداتي متاخر
التعامل مع مواد مدني بالذات مش بالوقت بالمتابعة والحل الكتير بحيث متدخليش وفي حاجة جديدة عليكي
جايز انا حاسس بيكي اكتر لاني كنت في يوم مكانك وبذاكر نفس المواد وحاسس بنفس زنقة الوقت لما تحسي ان دماغك حتنفجر من كتر التركيز..
ربنا يوفقك يا مي..واي اي حاجة تحتاجيها متتكسفيش تقوليلي..انا اخوكي الكبير
وعلي فكرة بوست الميكروباص حلو قوي
شدي حيلك قوي وربنا يعينك
ربنا هيوفقك جاااااامد ان شاء الله ,
وهتلاقى النتيجة حلوة بأذن الله
........
ملحوظة:
كويس أنك لسة فاكرة ان ليا عندك 70 تاج
ربنا معاكي يا جوسي ويوفقك
شدي حيلك كل حاجه صعبه في الأول وبعدين السهل جاي ورا إن شاء الله
قلبي معاكي والله
زي ما أحمد قالك كنا في يوم في نفس المكان وحاسين بيكي جدااااااً
واللي أقدر أقوله
نتعب في الأول عشان نرتاح في الآخر
الله معك
يللا يا بنتى ما دايم إلا وجه الله
ومن قدم شيت بيداه التقاه
وهنيالك يا كاتب الشيت فى الامتحان
شدى حيلك يا بنتى وكلنا لها
مستنيينك
شدي حيلك بقى علشان تخلصي .. وحشتيني جداً .. ربنا يوفقك يارب ..
ربنا معاكى يا جوسى
مستنيين الرجوع
والمناقشات
:)
بالتوفيق
ثااااااااااانكس ليكم كلكم
واهى الامتحانات خلصت
وربنا يسهل في النتيجه بقاا
Post a Comment