ابنى الجميل وصديقي الوفي وحبيب عيوني
شيفاك بعيونى دلوقتى شاب ناجح وجميل
ومع كل سنه بنقضيها سوا بحبك اكتر وبتزيد صدقتنا عمق
انا ليه شيفاك بقيت تخجل من كلمه امي
يومها سمعتك وانت بتقول عنى لاصحابك " الحاجه" و قد ايه انا سعيده بشرف اللقب ده
لكن مش منك
انت فاكر انك كبرت على الكلمه دي
فقدت انت متعتها رغم انى لسه بستمتع بكل حرف في كلمه ابنى
يا صغيري ويا كبيري
يا صديقى ويا حبيبي
الم نكن انا وانت اصدقاء ..الم اكن دوما موضع اسرارك
الم اكن احد مراجعك ... نتناقش ونتحاور ..اقول لك رأيي واسيبلك باحترامى لعقلك القرار
انا بس محتاجه منك الحنان ..الوفــاء وهذا العرفان
انا امك من قبل ان نصبح اصدقاء
انا امك من يوم ماكنت لسه عايش جوايا
بتتغذى من دمي
بتتغذى من دمي
وبحس بكل حركه ونفس منك جوايا
انا امك من قبل ما اشوف باباك
انا امك منذ ان كنت في علم الغيب عند ربي
انا امك من وانا بكتب السطور دي
انا امك
وبعد ما اكون امك بعيون الواقع
تتكسف انت من الكلمه دي
تمتع يا ابنى الجميل بتلك الكلمه ومتتكسفش منها
فحتما حيجي اليوم الي يتحرم فيه حد فينا من حنان الكلمه
دي
سواء كان الناطق او المستمتع
---------------------------
ملحوظه
حاله الطواريء القصوى لسه شغاله
ولكنها لم تمنعنى من حقي وواجبي في التدوين
12 comments:
لابد من الحنان
ولا بد من البحث عنه
أجمل حاجة فى مدونتك أنك بتدونى لأولادك
ربنا يكرمك يارب
ان شاء الله ربنا هيوفقك فى معمعة الامتحانات
I tagged you
تدوينه حنان
بجد الحنان بتحسيه بكل كلمه فيها
ربنا يكرمك يا رب
ويوفقك فى امتحاناتك
تحياتى
بوست ناضج جداً .. بوست عمره 35 سنة تقريباً .. العمر فعلاً حالة ..
بجد أبدعتي ..
ربنا يوفقك في امتحاناتك إنتي و سوبرنوفا .. و ما يحرمناش من بوستااااتك ..
البوست ده يمكن يكون كان قاسى عليا اوى
لانه لمسنى اوى اوى من جوه
خاصة انى حرمت من تلك الكلمة الرائعة أمى
و مهما كان ناس كتير بتحبك و مهما وجدت ناس تقولهم
ماما زى الحموات او زوجات الاعمام
بس مفيش حد هيكون زى مامتى :(
المهم نرجع لموضوع البوست
جميل اوى التدوين للمستقبل
و الاجمل الاعداد ليه
بس مش عارف رأى مختلف شويه
يمكن شايف ان الام من حقها تسمع الكلمة
علطول و لازم الابن يقولهالها
بس لازم تراعى ان ابنها فى مرحلة المراهقة
عايز يحس انه كبير وسط الناس
لان المجتمع اتعود انه يعتبر الشخص عيل انه بيقول ماما
تراعى النقطة دى و بتفرق مع الشخص نفسه
فى حياتى كلها بقول على ماما مامتى و كده
اما بابا فى البيت بابا بابتى باباى
بس فى الشارع المستر او الحاج
مش عارف بحس انى بحترمه اكتر لما انده بما يعتاد الناس عليه فى الشارع
مجرد رأي
وسلام :)
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , لمعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر هذا البوست الجاهز يوم الجمعة الموافق 18/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...
البوست بعنوان
أن تكون أبو الفـتوح شوشة
حملة الإفراج عن شيخ المجـاهدين :
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...
أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...
أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...
أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...
الروابط :
مدونة انسى تعلن بدء حملة الافراج عن شيخ المجاهدين
http://ensaa.blogspot.com/2007/05/blog-post_17.html
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm
لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
http://freeaboalftouh.blogspot.com/
عن جهاد شيخ المجاهدين المصريين في فلسطين pdf ملف
http://www.fm-m.com/2003/aug2003/pdf/51.pdf
رابط تقرير جريدة الدستور عن شيخ المجاهدين بتاريخ 13/5/2007
http://www2.0zz0.com/2007/05/17/21/81829036.jpg
يتربي في عزك
وعلى فكره السبب في عدم قول كلمه ماما
بتكون من الماما دي نفسها
علشان بتلاقيه يقولها يا حجه وتتكسف تقوله قولي يا ماما
وكسوف على كسوف
بيخلوا الموضوع مفيهوش لذة قول كلمة ماما
أنا معاك يا نوفا في الرأي ده .. إن المشكلة من ماما إللي جابت الابن إللي مش بيقول ماما ..
يامساء الورد
بقى كده ؟؟
امتحانات وتدوين وبقيتى ماما وكمان مش هاين عليكى تيجى تمسي عليا؟؟؟
لولا انى حاسه بالزنقه المنيله اللى انتى فيها كنت زعلت بجد
ربنا معاكى
تحياتى لأبنك اللى لسه ماجاش
:P
ايه الاحساس ده يا مى ؟؟ وصلك ازاى ما شاء الله
انتى وصلتى خلاص وادركتى تجارب الحياة القادمة
عموما البوست حساس جدا ويلمس اى واحد وانا تقريبا كتبت حاجة شبيهه نسبيا بس كانت ( بابا ) طبعا هههههههه
بجد الاحساس سهل قوى وصل لكل واحد .. بس مش اللى هيدرك الكلام ويقدر يعمل بيه ؟؟
تحياتى وربنا يوفقك فى الامتحانات انتى وزوحل الاهلاوى
محمد مفيد : اكييد
تحياتى
---------------
مبرمج حر:
انا حاسه بوجودهم
والتاج حالا حجاوبه اهو
---------------
ريموو: جميل انك لمستى الحنان ده
تحياتى
---------------
روزا صديقتى : الامتحانات واثرها الانسان في الفتره دى بيكون عنده درجه متضخمه من الاحساس
(ايموشن مكسوف)
تحياتى
يا نوووووووون
---------------
بحري:انا اسفه لو كان كلامى ضايقك
باي شكل من الاشكال الغير مقصوده
ده اولا
البوست بالظبط بيتكلم عن الحاله الى انت بتتكلم عنها دى عن ان الولد يجى عليه مرحله ويتكسف يقولها على سبيل ان ده دليل على انه عيل
بس ده مش صح
دى هى الى بتربيتها عملت منه راجل
ولا ايه
اما بالنسبه لوالدك في نظرى اكبر احترام ليه انك تناديه بصلتك الحقيقيه بيه ومتكونش زيك زي الناس
واكبر فخر ليه انه يحس بفخرك بكلمه بابا وبأنه والدك
تحياتى
صاحب البوابه : اشكر مرورك
--------------------
زحل الفلكى : معاك حق
وقبل م يعملها
حيكون قرأ البوست ده
تحياااتى يااا خااالو
-------------------
روزاليا : انا كمان موفقاكم
------------------
ونكى : انا كنت بعدى عليكى بس مكنتش بلحق اعلق وكنت بكتفي بالقراءه
بس اهو لاجازه جت وكله حيبقا تمام
---------------
على حسن : تحياتى لمن وصله الاحساس
Post a Comment