نفسي اقعد تحـت
خــــــــــــــــــالص ... في اعماق محيط
اتفرج.. وابتسم للسمك
المنور في ظلام المحيط
اعمل مخده من الرمل
احطها تحت راسي
وانام عليها
واتغطى ..بالميه
الزرقاا اووى
..
الناعمه اوى
..
السقعانه المنعشه
والحنونه
....
اتصاحب على السمك المنور
ويلف حوليا وانا نايمه على ظهري
و حاطه رجل على رجل
وفي حاله استرخـاء
تـــام
...
اقولهم يلا نعمل سبااق
واا قوم
واعوووم واعووم وهما ورايا
ونتفادى الحجر
ويسبقونى واسبقهم
واضحك بصوت عالى
واقولهم غلبتونى يا منوريين
...
و تظهر في عينى نظره لؤم
واقولهم تسبقوونى تاانى
!؟.....
واجرى منهم عوووم
....ياااهووو
و اضحك بخبث و اقولهم
كسبتكم المره دي
...بقولكم ايه
يلا نرجع تانى ...؟
...
نرجع واحنا بنلعب و نسابق بعض
ونضحك ونزق بعض ونهرج
...
اعدل مخدتى الرمل وانام عليها
وهما جنبي
واقعد احكيلهم عن دنيا البشر بحلوها ومرها
وأشوف ردود وشوشهم
...
وهما ســاكتيين
ومستغربين
مره حزنانين ومره فرحانين
مره متشوقين ومره زهقانين
..و انـــــــــــام
وانا بحكى وهما في حضنى
بيسمعوا
وفي حلمى احلم بيهم وبيومنا الجميل
ومحسش بالصبح لما ضوء الشمس
...يطــــــلــع
و
ميــوصلش لاعماق المحيط
.
.
.
11 comments:
مي ي ي..اصحي يا مي ي ي ي..يلا يا ماما عشان تتغدي
يقطع افلام الكارتون اللي سهرانه عليها طول النهار
يا مي ي ي ي ي ي ي ي ي
اللللله جميلة الكلمات
بس مش عايزك في حياتك تبصي لجانب و تنسي التاني
قاع المحيط ده بيكون ضلمة
مفيهوض بقعة نور واحدة
و كله قروش
يعني غدر و خيانة
مش تشاؤم
بس جانب تاني واقع
كلماتك رقيقة جدا و جميلة
تحياتي
:)
فكرة حلوة والله
حيث الهدوء والسكينة وراحة البال
ممكن اروح معاكي لو سمحتي
:)
جميل اووووووووي يا مي
بجد حلو جو ناعم وهادي وشقي في نفس الوقت وعلى الرغم من انه في قاع المحيط
لكنه بيحسسك بان احساسك في السما
......وحتى لو الياه ضوءها موصلش اكيد هنحس بيه
kojak_2
حلو أوي يا مي .. أنا حسيت بالماية على وشي و انا بقرأ كلماتك .. و كنت سامعة صوت الماية و إنتي بتتسابقي مع السمك .. و سمك صوتك مختلط مع صوت الماية .. بجد حلو أوي ..
انى اتنفس تحت المااااااااء
انى اغرق..اغرق ..اغرق
عجبتنى الصوره قوى لدرجة انى ماباطلعش من تحت الدوش دلوقتى
على فكره انا
عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه
فعلا يالا قومى اصحى ميعاد شرب ماية البحر قصدى اللبن
ههههههههههههه
والسلام............
الكونت عيسى : يا هادم اللذات و مفرق الجماعات
يعنى كان لازم تصحيينى يا اخى
مااااااااااشي يا عيسى
------------------------
علاء: معاك حق ان الواحد
يبص لكل الجوانب
ولكن هى محاوله منى للاسترخاء في اعماق المحيط
محاوله خياليه
فمادام خيال بخيلال
بقا
بلااااها قروش
:)
تحياتى
---------------
كاسبر: حكلملك السمك
يستضيفك يوم
-ابسط بقاا
حلو اوى حضرتك سايبه الدنيا واللى فيهاو قاعده تلعبى مع السمك لا وفين فى قاع المحيط عشان تبهدلى هدومك طينه من الارض
طب اللعبى على الشط يا بنتى انتى غاويه تتعبينى
ايه حركات العيال دى
--------
بس بوست منعش ويصحصح
مع انى مش بحب السمك
بس حلو منك
ايه بس الحلاوة دي كلها, ده انا رحت في عالم تاني خالص مع التخيل الجميل ده
مدونتك تحفة يا فوكيرة
سلام مؤقت
كوجاك : انا حبيت ردك اووى
حسيت فيه بنعومه اعماق البحر والسما
الى متشابهين ومختلفين
تحياتى
------------
روزااا: انا فرحانه انه احساسي وصلك
وصوته وصلك
اهى محاوله استرخاء
تحياتى
-------------
ونكى: جمييييييل اهو ده تأثير ايجابي للبوست
ومبروك يا فندم النجاح ويا رب يكون تجمع جميل
--------------
the eagles:
فينك يا فندم من زماان
.. عاجبك كده يا عيسى الى عملته ده
:(
--------------
بندقه : مش بتحبي السمك
ليه يا بندقه ده عشقي الاولى والاخير
وبعدين متقلقيش على هدومى كله بيطلع في
الغسيل
تحياتى
--------------------
shah:
اهلا بييك هناا
قدرتك على التخيل هى الى نقلتك للعالم ده
شكرا لكلامك
و كرر الزياره
تحياتى
Post a Comment