من حوالى قرن من الزمـان ... كنت ضمن الناس الي طلب منهم
احمد ..( مبرمج حـر) يحلوا التـاج ده
ومن يوم ما قـرأت اسمه جاوبته عندي ...
وبيتهيألى معدش ينفع اأجل وجوده على المدونه اكــتر من كده ....
التـاج كان عباره عن انك تكتب ايه الحجات الي في حياتك ... بالنسبالك اكسير تفاؤل
-----
لـما تتكلم مع الدفعه الجديـده ... وتتصاحب عليهم .. وتحكيلهم عن الحياه الجامعيه -
وتبص اوى في عيونهم وتلاقي محورهـا انت... تحس انه وجودك في الحياه مهم .. وله معنى
ده اكــسير تفاؤل
لمـا تدعى ربنا اوى علشان حاجه عايزها .. وتلاقيها بتتأخر .. فتبقى بتدعى وانت زعلان ..
وتحصل حاجه تقولك .. ان الحاجه دي مكانتش خيـر ليك .. تترسم على وشك ملامح الكسوف
وتحـمد ربنا وتقوله شكرا يـا رب... انت كنت عارف اكتر مني
ده اكــسير تفاؤل
لما تدعى ربنا بحاجه انت عايزها بردو .. وتلاقيها بتحصل قدامك وبقت حقيقه .. يــااااه
بتفرح ساعتها انه ربنا بجلاله سمعك وحقق لك الي انت عايزه .. وتفرح بده اكتر من فرحتك بتحقيق مرادك نفسه
في الفرحـه النقيه دي ... اكــسير تفاؤل
لما يكون في مشروع خيري .. وتلاقي النـاس بتجري .. الف مين يشارك
تفتكر قول الرسول عليه الصلاه والسلام ... " الخير في وفي امتى الى يوم الدين " صدقت يا رسول الله ...
اهو ده اكســـــــــــــــير تفاؤل
لـما تبص حواليك وتلاقي ان في فحياتك .. اصدقـاء مخلصين .. جدعان اوى .. بيحبوك اوى
لانك انت انت وبـس ..
ده اكسـير تفاؤل
لـما تتأمل الدنيا من حـواليك وتشوف الـبــــــــحــر و السما
الورود .. الاوان والبلاد والبشـر ... يقين جواك يقولك سبحـانك يا رب يا خالق كـل ده
الحــمد لله انك موجود ... الحـمد لله اني بعبدك انت ...
اهو وجود ربنا ده ... اكــبر اكسير تفاؤل
لـما تكون واثق اوى اوى في حكمه ربـنا وقوانينه في الارض حتى
من غير ما تشوف .. ومن يقينك ده تلاقي ربنا اهو بيوريك انت يا ضغيف حكمته
ده اكسير تفاؤل
لــما تبص للسماء والنجوم وتحس انك عارف دروبها وحواريها ... وتلاقيها ثابته معاك في اى عالم او مكان غريب ..
ده اكـسير تفاؤل
لـما في يومك تعمل حجات كـتير اوى .. وتبقا تعبااااااان
وفي اخر اليوم تقول الحمد لله .. وتنام وتحس المعنى الحقيقي
لراحه الضمير ... في احساسك ده اكسير تفاؤل
لما يكون في حياتك العدد ده من اكسيرات التفاؤل .. وتبقا عارفها ومدركها وحاسسها ... ده في حد ذاته
اكسير تفاؤل
لـما تقابل ناس لسه عندها ضمـير ... اكسير تفاؤل
لما تقابل ناس لسه دماغها حلوه وبتفكـر ... اكسير تفاؤل
لما تتعرف على نـاس لسه مؤدبه ومحترمه وعندها اخلاق ... اكسير تفاؤل
لمـا تقابل الي لسه حلمه عزه الاسلام والمسلمين و حيـاه احسن لكل بنى ادم ... اكسير تفاؤل
لـما تكلم او تسمع ... حد مش على دينك او جنسيك .. مختلف عنك و تلاقيه بيحكم على الامور بموضوعيه ... اكسير تفاؤل
لـما انت تلاقي نفسك نجحت في انك تحكم على حاجه بموضوعيه ... اكسير تفاؤل
لـــما تلاقي نفسك من الناس الى قادرين يشوفوا اكـسير التفاؤل في حياتهم . وفي غيرك مـش عـــايز يشوفه ... اكسير تفاؤل
لـــما تترمى في حـضن امك ... اكسـير تفاؤل
الصــلاه والقران.. اكسير تفاؤل
الشــــتاء اكسير تفاؤل ... وخصوصا قعده البحـــر المنعشه في الشتا
اكـــسير تفاؤل
دراستك .. شغلك .. عنيك .. ايدك ..لسانك .. عقلك ... في وجود كـل دول وغيرهم ... اكسير تفاؤل
الفرح والحزن ...التعب والراحه ... الانشغال و جزء من الفضا ... اكــسير تفاؤل
اكــبر اكسير تفاؤل .. لمـا تكتشف في نهايه التاج ان الحــاجه وعكسها في الدنيا دي بالنسبالك اكسيـر تفاؤل
بس المهم انت بتفكـر فيها ازاى ..بتستقبلها ازاى ... والاكثـر اهميه انـه ربنـا دايما موجـود ...
----
انا مـش بحب احدد حد بعينه يجـاوب التاج ... بس بجـد انا نفسي اى حد يقرأ التـاج ده يجاوبه
لسببين ....
1- اننا نتشارك مساحات التفاؤل في حياه بعـض ... ممكن حد يلفت نظرك لحاجه انت مكنتش شايفها
فتزيد عندك المساحه دي ... يعنى نستفيد من اختلافنا
2- انـك كـل لما تكون متضايق اوى ومخنوق ... وتفتح الصفحه بتاعتك وتقرأ اكسير التفاؤل الخـاص بيك او بغيرك
احساسم حيختلف ومودك حيتغير ..(متجربه ) على فكره
لو انت حد قرأ ومعندوش مدونه ... ممكن تجاوب التاج في اى ورقه عندك وتعينه في درج المكتب وتستفيد بالسبب رقم 2
اه على فكـره كوني اشاركم البوست ده وانتوا تقـرأوه
ده اكــسير تفاؤل
:)
21 comments:
انا بس نفسى افهم بعد كده ليه احس بالاحباط ؟
مممممم فوتى عليا فرصة الاحباط ... انى قريت البوست ده بجد اكسير تفاؤل ... شكرا يا فوكيرة
يااااااااااه , التاج دة بقاله قرون فعلاً .. انا مصدقتش وانا شايفوه فى الريدير .. دة عمر كامل
((:
وكونك تفتكرى التاج بعد السنين دى كلها .. دة أكسير تفاؤل
ولما اقرأ التاج دة عندك أو عندى أو عند كل الاعزاء اللي جابوا عليه اكسير تفاؤل
ربنا يخلي "معظم" حياتك تفاؤل .. والفترة اللي مايبقاش فيها تفاؤل تبقى عشان تحسسك يعنى ايه تفاؤل
سلام
:)
اكــبر اكسير تفاؤل .. لمـا تكتشف في نهايه التاج ان الحــاجه وعكسها في الدنيا دي بالنسبالك اكسيـر تفاؤل
بس المهم انت بتفكـر فيها ازاى ..بتستقبلها ازاى ... والاكثـر اهميه انـه ربنـا دايما موجـود
---------
وصلني المعنى ده بالظبط وانا بقرأ
وصلني قبل ما تقوليه
حسيت ان التفكير بالطريقة دي يخلي الحياة كلها تفاؤل
بالظبط زي ما قلتي يا فوكيرة
المهم احنا ازاي بنستقبل الاشياء والأحداث
شكرا اوي على البوست الجميل ده
---------
على فكرة انا عدلت التصويت اللي كنت عامله في المدونة
وشكرا على الملحوظة
w el post de ekser tafa2ol kawy gedan gedan
begad gr8
rabna yekatr mn akaser eltafa2ol be7iatk :)
thx
قولي كل ملاحظاتك يا فوكيرة ولا يهمك
ده شيء بيسعدني جداا وبهتم بيه جداا جداا
انا مستني
زيارتك مدونتك بالنسبة ليا إكسير التفاؤل كله ..
جميل يا مي .. وصلني فيه هدوئك النفسي .. و صوت البحر .. و رسم النجوم ..
بجد انا مؤمنة بالبرمجة و زي ما قولتي بالظبط مجرد القراءة أو الكتابة عن مساحة التفاؤل في حياتنا شكل من أشكال التفاؤل ..
تقبلي مروري ..
ماشاء الله يا فوكيره عندك حاجات كتير تدعو للتفاؤل
السلام عليكم
...........
يا رب ديما فى تفاؤل
تحياتى
بجد انتى حسيستينى بالتفائل وربنا يجعل كل ايامك فى تفائل
شيكــو : اهلا بيك الاول في اول تعليق ليك هنا
يــا رب اكون بجد ضيعت عليك فرصه احباط
:)
شكرا على ايه بس يا فندم ...
يلا بسرعه عايزين نقرأ اكسير التفاؤل الخاص بيك
تحياتى
-----------
احــمد :
يااااااه
والله زماااان ... يعنى هو الواحد كان لازم يجاوب التاج علشان تنورنا بتعليقك من تانى
طب كنت قول كده من زماان
يا راجل
:))
وكوني اقرأ تعليق ليك هنا
بعد القرون دي
كلها
ده بردو اكسير تفاؤل
تحياتى يا استاذنا ...
-------
الام وامال :
انا سعيـــــده بجد
ان المعــنى ده وصــل ... ده اكبر معنى
كان نفسي يوصل من البوست
لانى حساه ومؤمنه بيه بدرجه
كبيره اووى اوووووى
عايزه اقرأ اكسـير التفاؤل الخـاص بيك
علشان نتشارك اكسيرات التفاؤل
تحياتى
:)
---------
oma:
ربنا يكتر من اكسيرات التفاؤل
في حياتنا كلنا يا اوما
نورتينى
---------
الام وامال :
انــا سعيده بجد
بتقبلك لوجهه نظري
شكـرا على اهتمامك بالرد ...
وقرات ردك عليا وفهمت وجهه نظرك
تحياتى واحترامى
بجد
:)
---------
روزاليا :
" وصلني فيه هدوئك النفسي .. و صوت البحر .. و رسم النجوم .. "
وعلشان حجاااات كتيير
اوووى انا بعشق دماغك ... تفكيرك
وطريقتك في التعبير
بتوصلك الكلمات الى انا حساها ورسايلي بدقه شديييده
وجودك في حياتى اكـــسير تفاؤل حقيقي
:)
----------
بندقه الشقيه :
كــلنا يا بندقه ... بس انتى امسكى الورقه والقلم فكري فيهم ودوري عليهم
وحتلاقيهم
لمـا تلاقيهم مستنياكى تكتبيهم واقرأهملك
في اكسير التفاؤل الخاص بيكى :)
---------
يــوسف المصري :
كــلنا يا يوسف يا رب
عايزه اقرأ اكسير التفاؤل الخاص بيك ..
---------
rona:
وان قراءتك للبوست حسسك بالتفاؤل
ده بالنسبالى اكسير تفاؤل
ها يلا ورينا بتاعك :)
:) وانا اللي جاي بحسن نيه
اهو ده بقي تدبيسه
بكره ان شاء الله بقي اعلق وارد عندي
انا دلوقتي مش شايف الكوبايه اصلا:)
تصبحي علي خيرررررررررررررر
السلام عليكم
و يارب تمر الامتحانات عليكى بسلام
التجمع اللى بيضمنا بقاله سنين
و اصحابى اللى بحبهم اوى
و قعدة البحر
و فرى زون
و احلامى اللى عايشها
و حاجات كتير اوى
و البوست ده
أكسير تفاؤل
مع الاقتباس و التعديل :
الصــلاه والقران.. اكسير تفاؤل
الشــــتاء اكسير تفاؤل ... وخصوصا قعده البحـــر المنعشه في الشتا
بس متاخدش معاك د/هانى او سعيد او نوفا او شيكو
العيال دول بيسقعوا علطول و بيبقوا عايزين يمشوا
اكـــسير تفاؤل
تحياتى :)
صحيح نسيت ذاكرى بذمه يا فوكيرة
عايزين تقدير
قدها و قدود
اللهم وفقها و وفق ابناء المسلمين
حصان بري: يا فندم تأنس وتنور
في اي وقت ...
وانت من اهله :))
------------
بحرى :
مممممممم قعده البـحر
بتوروحوا كتيير
انا بـــــحقد عليكم ..
على فكره حقدي ده اكسير تفاؤل
:)))
ممم اهو ذاكرت والامتحانات عدت على خير
امـــا عن موضوع الزمه ده
مقدرش افيدك اوى
:)))
انا جاى متاخر اوى
بس لازم اقول رائى
اوقات بيبقى عندى حاجات لما بعملها
بحس باكسير التفاؤل دة
لما لما اكون انا من جوايا عاوز احسن التفاؤل واعمل الحاجات دى
مش بحس بتفاؤل
فوكيرة
رائع ماكتبتى
وجبة دسمة من الامل والتفاؤل
اشكرك عليها
مدونتك رائعة
متعك الله بالحب والامل والتفاؤل والصحة والعافية
واتمنى التواصل معى عبر مدونتى
ودمتى متألقة
تحياتي فعلا لمبرمج حر او لصاحب فكرة التاج ده لزيز اوي ومختلف عن التاجات العادية بتاعة نوع فرضة سنانك ولون شرابك والاسئلة اللزيزة دي
بس ماشاء الله اللهم لا حسد البوست كبير ومساحات التفاؤول ربنا مبارك فيها وزايدها ويارب دايما
بالمناسبة انا قريت دلوقت موضوعك بتاع الحمار وسبحان الله انا عامل موضوع برضه عن الحمار بس بشكل مختلف
رايي انه في مصر الاحسن انك تكون حمار
روحي شوفيه جايز تغيري رايك
تحياتي
انابردة دايما بقول ان التفاؤل حلو
احلي حاجه ان اكسيرات التفاؤل عندك كلها طالعه من اللي حواليكي
صديق
محتاج
مجتمع
يمكن عيب في كتير انه بيدور علي الاكسير بتاعه جوه نفسه بس
وبالتالي بيتعب كتير ومابيلاقيهوش
اكسير جامد بجد يا مي
بمناسبه التفاؤل
ايه اخبار امتحاناتك يا باشا؟ :)
واحد مش فاهم حاجه :
ابو الدماغ العاليه كلها
:))
ممم الى فهمته ان المحرك الاساسي
عندك هو انت ... تحت سيطرتك انت
ده حلو
بس لو في وقت ضعف بيبقا صعب شويه ..
تحياتى يا فندم
-----------
طارق الغنام :
ايه ده كل الكلام ده لمدونتى
يادى الهنا يادى النور ...
سعيده بزيارتك الاولى
وكمان من بورسعيد ...
:)
تحياتى
----------
دكتور مستكنيص :
فكرنى بوستك .. ببوست كنت كتبته
قبل كده اسمه
انا حاسه انى فرخه ...
حتلاقيلي تعليق عندك ...
انا سعيده سعاده فوق ما تتخيلها لانك اول حد يطبق االبوست صح ويجاوبه
تحيااتى
يا دوك ... لايجابيتك
-----------
مصطفي : سعيده بزيارتك ..
مش كده بردو :))
تحياتى
------------
حــصان بري :
مرتين في بوست واحد احمدك يااااااا رب
:)
انت قولت كلمه حلوه اوى
بيدور على اكسير التفاؤل جوه نفسه و (بس)
لا كفايه تدور عليه جواك ...
ولا كفايه تدور عليه بين الناس
المهم والكفايه انك تكون دايما بتدور عليه
منك من الناس من المجتمع من الطبيعه
من وجود ربنا في المقام لاول
كده يعنى
التفاؤل ... طريقه تفكير يا محمد ..
فرحانه انه البوست عجبك
ربنا يملى حياتك تفاؤل
الامتحانات تمام يا فندم
خلصت وعقبال
الى جاى والواحد يتفك من الساقيه
ان شالله يا رب تكون انت احسن ..
تحياتى
أكسير التفاؤل .. :)
أول حاجة جت في بالي لما قريت الكلمه دي هي الفتره الي احنا عايشينها اليومين دول ..
اكسير التفاؤل بالنسبة ليا دلوقت هو ان في الوقت الي الكل من جوعه بيجري فيه على التورته وبيحاول ياخد اكبر حته منها .. فيه ناس واقفه محاوطاها مش هاممها جوع ولا حتى خوف من ان ميبقالهمش نصيب منها وبيعملوا كل الي يقدروا عليه عشان تتقسم التورتايه دي بالعدل ومحدش ياخد منها وهو ميستحقش ..
اكسير التفاؤل ان فيه ناس بتضحي بحاجات مهمه عشان حاجات اهم في الوقت الي فيه ناس بتضحي بيهم عشان حاجات متستاهلش .. ومع ذلك تلاقي فيهم اصرار يهد الجبل على التضحيه ..
اكسير التفاؤل ان لماالكل يقرر يقعد على ركبه من التعب ويسيبوك واقف لوحدك تكون قعدتهم دي دليل على قوتك وثباتك مش على ضعفهم ..
بوست اكتر من رائعه .. :)
Post a Comment