((لــو مش احنـا احنـا مكانش حيبقـا هما هما ))
اه والله العظيم بـجد
حقيقـــه وحفضل اقولها طـول عمري اول و تـاني وتـالت
عـارفه اني اتكلمت علنها هنا قبل كده
بس تــاني
((لــو مش احنـا احنـا مكانش حيبقـا هما هما ))
((لــو مش احنـا احنـا مكانش حيبقـا هما هما ))
ان كـان الي بيحصل فينا من حــكـامـنا العـرب و لا الي بيعمله الاسرائليين في اخواتنا
ولا امريكـا ولا ولا
ده بسبب عمايلنا الســوده وعمايلهم كمـان
بجد احنا حـالنا بقا يقرف ...
عمــر مــا المشاهد الي فوق دي مـا حتنصلح ... الا لما نبدأ كـل واحد فينا بنفسه ... يلتزم بمبادئه هو على الاقل.. بقناعاته... واخـــلاقه
و يطبقها صح
ممـكن نغلط اه.. ده طبيعي ... بس بلاش نخلق اعـذار
خلينا نحاول كل واحد فينا مع نفسه يكون احسنكفـاياها بقا الارض ... تعبت بقالها كـــام سنه
بتصــرخ بالــعربــي ...
نفسي مـره
اصدق قول الشاعر
اصدق قول الشاعر
ان ...الارض بتتكلم عربي
--
انا حاولت اختار صوره واحده للبوست بس الي
حاصل متنوع اكتر من اني اختصره في صوره
اكبر حتى من اني اختصره في صراع اسرائيل
وفلسطيـن زي ما غالب في الصور...اكبر من انه يكون بسبب الحرب وبس
الجروح بقت كتير
جـوه وبره وفوق وتحت وعلى الجناب
--
انا مش حقعد حزينه في بيتنا
بس ححاول وبحاول احزن على حالنا بطريقه غير البكا
ححاول وبحاول بجديه اكون احسن
علشان اكون جزء من التغير
تــاني ...
((لو مش احـنا احنـا مكانش حيبقا هـما همـا ))
وانا معنديش استعداد استمر على احنا
الي احنا فيها دي ... والله المستعان
--
7 comments:
لو احنا مش احنا
مكنش
هايبقى هما هما
ومفيش جمل بيرضى يتركب غير لما يعوز انة يتركب
قربنا اوى نبقى زى الجمال
بس الجمال تحس فيها عزة كدة
انما احنا
...........
مظنش
معلش رسالة بايخة
من واحد نفسة يغير
السلام عليكم
اولاً بدون ى مجاملات بلوجرية احب احييكى على البوست الرائع ده
واحب كمان اشكرك على تعليقك وزيارتك ليا
بيتهيألى انا شوفتك قبل كده فى الاجتماع بتاع الاوبرا اللى عملناه انا وياسمين وانجى سمراء النيل
على العموم تحياتى الغالية ليكى ولاخوكى
انا مش عارفه احنا ليه ساكتين؟
كلنا مش عاجبنا وكلنا مش بنعمل حاجه
سواء كان جوه او بره
انتي صح, احنا فعلا لازم نغير من نفسنا عشان كل اللي حولينا يتغير
واحد مش فاهم حاجه :
وادينا فيها اهو ... حنا بس نعمل الي علينا
يا واحد فاهم كل حاجه ..
:) تحياتى
---------
راسبوتين :
هو انا بروح الاوبرا من ورايا ولا ايه
لا مش انا
نتشرف بأذن الله في يوم الايام ..
تحياتى :)
---------
اسراء الاميره :
وصلت الرساله
كويس اوى يا اسراء
تحياتى
عندق حق يا مي
صعب قوي يطلع عمر بن الخطاب من شعب اتربي علي الخوف
يطلع صلاح الدين من شعب اتعلم يجري ورا مصلحته هو وبس
ولو احنا كنا كيان اصلا سواء كيان سلبي او ايجابي كان اتعملنا حساب
احنا عاملين زي دكتور جيكل ومستر هايد
في الصبح بنتظاهر ضد حصار الاطفال
وبالليل نتاجر بحاجتهم للطعام
فعلا لو الشعب ده ماتغيرش من جوه مش هيتغير
صلاح الراعى من صلاح الرعية
الراعى هيتحاسب على حكمه لنا واحنا كمان هنتحاسب على سكوتنا على اللى بيعملوه يعنى كلانا مشترك فى ذنب اى كارثة بتحصل لاخواتنا فى اى منطقة سواء فلسطين او العراق وحتى الشيشان
حصان بري : هي دي
من جــوه ... حتى لو الي فوق ميئوس منهم
يبقا الي من جوه ده مسيره في اليوم حيكون مكان السلطه وساعتها
حيبقا غيـر
يــارب ...
تحياتى يا دوك ...
--------
هند :
معاكي ان الخطـأ مشترك
بس احنا نبدأ بنفسنا ...
ونربي ولادنا كويس
ولما نمسك ... الوضح حيتغير كليا
تحياتى
Post a Comment