اليوم والحمد لله زي ما كنت مجهزه للاجازه
التقيت مع اصدقاء مدرستى
صحيح مكناش كلنا
لكن كنت سعيده انى شوفتهم وبعرف اخبارهم
سعيده بأننا على تواصل مع بعض لسه
لسه فاكرين العشره الطيبه
لسه حابين نعرف اخبار بعض ونشوف بعض ونهزر ونضحك زي زمان
يــــــــــــــــــــــــاه قد ايه كان يوم ممتع
لما قعدت معاهم حسيت قد ايه الناس دى وحشتنى و الايام دى وحشتى
وعرفت انه بجد يوم واحد في كل اجازه مش كفايه
على ذكريات 12 سنه بحالهم
من الطفوله مرورا بالمراهقه وحتى بدايه النضوج
انا من اول ما عملت المدونه وسميتها فوكيره
سميتها كده لانى حابه اقول فيها افكارى مش علشان اكتب يوميات او مذكرات
وانا النهارده بكتبلكم هنا علشان الفوكيره دي
مين من اصحابكم بقالكم كتير مشفتهمش
مش حاسين قد ايه وحشوكم
فاكرين ذكرياتكم مع بعض
حابين تتطمنوا على بعض وتعرفوا اخبار بعض
اعملوا زي ما عملت وقوموا ارفعوا سماعه التليفون
بســــــــــــــــــــــــــــــــــــــرعه
وظبطوا مع بعض خروجه متروحوش فيها سينما لا اقعدوا في مكان
واحكوا مع بعض واتكلموا كتيير
وافتكروا الذكريات
وصدقونى مش حتندموا ابدااا
وابقوا قولولي عملتوا ايه
-----------------------------------
اه لو أرجع أجري وأجري وتجري ورايا يا قلبي ضفيرة..فجري يشقشق ومن الأول يغزل ضي الحلم أميرة
رشا عبد الرازق
بنت عاديه جدا
التقيت مع اصدقاء مدرستى
صحيح مكناش كلنا
لكن كنت سعيده انى شوفتهم وبعرف اخبارهم
سعيده بأننا على تواصل مع بعض لسه
لسه فاكرين العشره الطيبه
لسه حابين نعرف اخبار بعض ونشوف بعض ونهزر ونضحك زي زمان
يــــــــــــــــــــــــاه قد ايه كان يوم ممتع
لما قعدت معاهم حسيت قد ايه الناس دى وحشتنى و الايام دى وحشتى
وعرفت انه بجد يوم واحد في كل اجازه مش كفايه
على ذكريات 12 سنه بحالهم
من الطفوله مرورا بالمراهقه وحتى بدايه النضوج
انا من اول ما عملت المدونه وسميتها فوكيره
سميتها كده لانى حابه اقول فيها افكارى مش علشان اكتب يوميات او مذكرات
وانا النهارده بكتبلكم هنا علشان الفوكيره دي
مين من اصحابكم بقالكم كتير مشفتهمش
مش حاسين قد ايه وحشوكم
فاكرين ذكرياتكم مع بعض
حابين تتطمنوا على بعض وتعرفوا اخبار بعض
اعملوا زي ما عملت وقوموا ارفعوا سماعه التليفون
بســــــــــــــــــــــــــــــــــــــرعه
وظبطوا مع بعض خروجه متروحوش فيها سينما لا اقعدوا في مكان
واحكوا مع بعض واتكلموا كتيير
وافتكروا الذكريات
وصدقونى مش حتندموا ابدااا
وابقوا قولولي عملتوا ايه
-----------------------------------
اه لو أرجع أجري وأجري وتجري ورايا يا قلبي ضفيرة..فجري يشقشق ومن الأول يغزل ضي الحلم أميرة
رشا عبد الرازق
بنت عاديه جدا
4 comments:
بقالي بتاع تلت اربع ايام ماخرجتش
وعملا بنصيحتك الذهبية
حاقوم اكلم اي حد من العيال
ونروح نشيش الليلادي فأي كافية
:D
scorpio: سعيده بزيارتك ده اولا
ثانيا سعيده انك شوفت اصحابك وده ثانيا
متأكده انك مندمتش او مش حتندم
انما موضوع الشيشه ده ف انا بريئه منه
مليش دعوه يا عم
:D
تحياتى
استعاده الذكريات الجميله
ممكن يكون حلو.. لو كان عندك الصداقات المتينه اللى سابت جواكى اثر حلو
لكن انا مافتكرش ان كان ليا صداقات متينه غير لما عرفتكوا على البلوجز
انتوا اصحابى الحقيقيين
وغيركم سراب
ونكى
انتى عارفه كل الناس الى شفتهم دول صداقتى بيهم مكانتش متينه ولا حاجه
ويمكن كان في ناس منهم كان بينا مشاكل بس هى اللعب عيال دى
يمكن انا حظى مختلف علشان كنت في مدرسه
من ال kg لغايه الثانوى
واتعوضت الصداقه المتينه بطول العشره
مش عارفه
وعلى اى حال
احنا ليكى دايما حنكون اصدقاء
تحياتى
Post a Comment