العنب...العنب...العنب

كنت قد نويت ان لا اكتب شيء حتى انتهاء العشر الاواخر من رمضان ولكن ما حدث لي كان مفجعا
الي حصل انى وبدون اى نوع من انواع الشعور لقيت نفسي بغنى واقول
!!!العنب... العنب... العنب
وفجأه قولت ايه الى انا بقوله ده !!
رغم انى لم اتهور واسمعها يوما
لكن اكتشفت شيء غريب انى لو كنت بتعمد اسمعها ..مكنتش حسمعها بالكميه الى بسمعها بيها دلوقتى
السيارات في الشوارع ...الافراح... حفلات التنجيد الممله والمستفذه والمزعجه... افتتاح المحلات ... والناس في البيوت...وتصوروا زمايلى في كليه الهندسه!! بيسمعوها في موبايلاتهم واقولهم ايه الى بتسموه ده يقولولى دى جميله!!... وحتى في يوم اليتيم !! وحفلات انتهاء الموسم الصيفي
الى هذا الحد انحدر الذوق العام .... يعنى للدرجه دي الكم الرهيب ده من الناس بيسمعوا الكلام ده !!
والله لو كانت اغنيه تعليميه للاطفال عن فوائد العنب ك فاكهه مكنتش نطقتوكنت حطيت لسانى في بقي لكن ..
دي اغنيه (مع العتذار لكلمه اغنيه) بتتكلم عن المخدرات والخمر كما فهمت من العنب عندما ذكر بعد اللمواخذه حشيش
وفي ظل اعجاب الناس بها حاولت ان اتناولها بشكل مختلف
يمكن افهم حاجه
تنقسم الاغنيه الى كلمات ولحن وصوت
وطبقت الثلاث اجزاء على هذه اللمواخذه بردو اغنيه
لاجد انها لا كلام ولا لحن ولا حتى صوت ...
وسألنى عنها نوفا سؤال في منتهى القوه وقال :يقول المطرب الرفيع المستوى فيها "هو الي ملبسها هو" وقال لى "يا ترى مين هو"؟؟؟
الى عارف اجابه السؤال يا ريت يقولى
ونطت في ذهنى الافتكاسه الاخيره لاخى استورم "انا يتيم" لاقول لنفسي كلنا ايتام يا استورم فلم يخلق الله احد نسخه من الاخرحتى هذا المطرب مع الاعتذار للطرب
هو يتيم ولكن يتيم عن يتيم يفرق...!!!!
.
.
الهدف: الي بيسمعها..فكر في الى بتسمعه
والناس الي زيي كده ...اندهشوا معايا وحاولوا تلفتوا نظر الناس الي حوليكم ان ده لا كلام ولا لحن ولا صوت يتسمع

والي ناوي يغنى حاجه زيها اقوله متظلمش نعم ربنا معاك

وفكــــــــــــــــــــــــــــــــــــــر

واسفه ان كنت اضعت وقتكم ووقتى في كتابه موضوع كنت اؤمن بأن تجاهله افضل من الكلام عنه ولكن لم استطع السيطره على نفسي حينما وجدتها تفرض نفسها علي وعلى الجميع
لنقول جميعا ....

العنب ..العنب ..العنب
!!!