مهـو اصل كل واحد وخصوصا الجيل الي قبلينا ده
نفسه ابنه يطلع زيه ... زيه على اساس طريقه يكون ممهد بالخبره والعلاقات ...
طب واشمعنى هو يعنى ... !!
الدكتور عايز ابنه يكون دكتور
المهندس عايز ابنه يكون مهندس
...دكاتره الجامعه و الصنايعيه كمان
مـــا عادا الممثلين ... يقولك اصلي بعد ما شفت متاعب المهنه ... منفسيش ابنى
...يتعذب فيها
واهو كويس الحمد لله ان الراجل مطلعش ممثل
وان المهنه متاعبها مش كتير اوى ... يعنى
...فـ اشمعنى هو يعنى
...المشكله بقــا
انه يطلع ابن الوز عــوام
ومشكله بردو لو طلع ابن الــوز
...مش عــــوام
ممممم ... طب ونحل المشكله دي ازاى دلوقتى ...؟
-----------
(تحديث...(البوست عن التوريث والاعتراض عليه من القله المُندسه
13 comments:
عروووستى
:D
الحل اننا كلنا نرمى نفسنا فى النيل
ساعتها يبقى يقابلونى بقى ويشوفو هيعيشو ازاى من غير شعب ينكدو عليه وياخدو منه ضرايب
هع هع هع هع
تخيلى كده اول يوم يمسك فيه ميلاقيش شعب
هيبقى شكله وحشششششششششششششششششش
:D
وهو انتي صدقتي الممثلين لما بيقولوا كده لأ طبعا ده كلام في الهوا فرقعة إعلامية للمحاريس عيالهم
بس في ظل الوضع والكوسة والمحسوبية اللي بلدنا فيها طبيعي إن كل أب نفسه انه ابنه يورث مكانه في الشغل علشان على الأقل يشتغل مش يخلص تعليم ويقعد في البيت يتعلم تــريكو
كلام جميل
وكلنا بنقول كلام
ونعمل العكس
وكل حاجة عندنا بتتورث اشمعنا الفن
تحياتى
فى الحقيقة المستقبل بيقول مفيش
عوام لان الوز ادبح علشان انفلونزا الطيور
كل انسان فى مكان مهم اكيد يهمه ان ابنه يكون يا فى نفس المركز يا فى مركز ميقلش
و كل الممثلين بيقول كده بس من جوه بيتمنوا ان ولادهم يكونوا ممثلين و نجوم شباك
حتى كبير ممثلين مصر :) عايز ابنه يمثل هو كمان :)
طويل العمر يطول عمره ( الفنان ) و
المهم ان حق مشروع انك تتمنى ان ابنك يبقى زيك او احسن منك
بس الوسيلة لكده تكون ايه
للأسف اغلب اللى بقوا ابن الوز عوام
كان على حساب غرق ناس احق منهم بالمكان
احنا فى زمن ابن الوز عوام بس لازم يكون لابس عوامة لانه بطبعه مش عوام
بس السؤال : ممكن اعرف سبب البوست ؟
اصلى حاسس ان الموضوع مرتبط بموقف شفتى فيه عوام ابن وز :)
صح ؟
المهم انى عايز ابنى يكون احسن منى
و يبدا حياته بدرى عنى
بس ميطلعش شبهى الا فى الثوابت
و ذاكرى
وسلام :)
zordeak:
هههههههههههههههههههه
ده يبقا حته مقلب
فكرتنى بالاتنين الصعايده الى بيلعبوا
الي تخبطه العربيه مرتين
يطلع بره ...
:))))
---------------------------
تسنيم :
مهو ده الى انا بتكلم فيه
الي فينا عايز ابنه
يورثه
ميقلسش على كبيرنا وابن كبيرنا
انا ضد الازدواجيه .. بكل اشكلها
الا هي مش اسمها ازدواجيه بردو
--------------------------
كلام على بلاطه :
ممممم ده لو اعتبرنا ان السياسه
فن ولعب وهندسه
:)
تحياتى
---------------------------
بحري :
والله يا فندم بالنسبه للسؤال
محصلش اكتر من انى
سمعت ابن الوز الي معرفش اذا كان عوام ولا لأ
بيتكلم في التلفزيون
و يبقا ان اقول لسيادتكم
يــا (جمال ) تعليقك يا فندم
ياباي علي القله المندسه
كفاية حقد ياجماعه
الأباء عموما بيحبو أولادهم يكونو أحسن منهم يامي
والراجل عشان مش لاقي أحسن من رئيس جمهوريه قام رضي بقليله
وياريته عاجبكم
انتو شعب مفيس حاجه بتعجبه كده أبدا
يوووووووووووه
هو انت مش عارفة
ماهو لما الممثلين بيقولوا كدة بيبقى جزء من الدور
مش حقيقي يا بنتي
كله نفسه يبقى كله زيه
انا نفسي نفسي نفسي ابقى زيي
هو ايه الهبل اللي باقوله ده؟؟
تهييش بعيد عنك
قلبي معاكم في الامتحانات اللعينة
اسراء:
رضي بقلييييييييييييله
اهو هوووووو دهو
حسبي ربي
------------------
علىىىىىىىىىىىىىىىىىىىىىىىىىىىىىىىىىى:
ياااااااااااااااااااااه من زماااان اوى
اوى مجيتش هنا وعلقت ...
الي بتقوله مش تهييس ولا حاجه ...
يا ريتنا نفكر صح ... ونبقا نفسنا نبقا
زيك
يووووه
قصدى زينا ...
كل سنه وانت طيب يا فنان
....
ادعيلنا ..
انا شايف ان الموضوع بسيط جداا
الحاج عندة عزبة وفيها انفار يسيبها للانفار ولا يديها لابنة؟؟
ELGaZaLy:
لو حد فينا ... كان ادا العزبه لابنه ...
كلنا عارفين ان المفروض الي ياخد اى حاجه ...يبقا الي يستحقها وبس
وكلنا عارفين ان البلد مش ورث حد ...
لكــن لو كنا مكانه كنا حنعمل ايه ...؟
معرفش ...
مع الاعتراف ان الخطأ ملوش مبرر
تحياتى
هو فى حد من الممثلين دول بيسكت الا اما يخلى حد من عياله يمثل ولا يخرج ولا يطلعه معاه فى مناسبه او بلا مناسبة
احنا عندنا حمى توريث فى البلد دى باين
جيــداء : هي حمى التوريث ...
انا ضد مبدأ التوريث
لكن ضد الكيل بمكياليين ...
اذا كان في حد عايز يورث ابنه اى حاجه مش من حقه
يبقا يحط لسانه في بقه ... وميتكلمش بعد العي حيحصل
;)
تحياتى ... سعيده بزيارتك يا جيداء
وبعدين مع الفله المندسه الي مش مريحه نفسها دي .. :D:D
مكنتش متخيل ان سنه 2008 كان فيه قله مندسه برضه ..
Post a Comment