يوم مع الذكريات

اليوم والحمد لله زي ما كنت مجهزه للاجازه

التقيت مع اصدقاء مدرستى

صحيح مكناش كلنا

لكن كنت سعيده انى شوفتهم وبعرف اخبارهم

سعيده بأننا على تواصل مع بعض لسه

لسه فاكرين العشره الطيبه

لسه حابين نعرف اخبار بعض ونشوف بعض ونهزر ونضحك زي زمان

يــــــــــــــــــــــــاه قد ايه كان يوم ممتع

لما قعدت معاهم حسيت قد ايه الناس دى وحشتنى و الايام دى وحشتى

وعرفت انه بجد يوم واحد في كل اجازه مش كفايه

على ذكريات 12 سنه بحالهم

من الطفوله مرورا بالمراهقه وحتى بدايه النضوج

انا من اول ما عملت المدونه وسميتها فوكيره

سميتها كده لانى حابه اقول فيها افكارى مش علشان اكتب يوميات او مذكرات

وانا النهارده بكتبلكم هنا علشان الفوكيره دي

مين من اصحابكم بقالكم كتير مشفتهمش

مش حاسين قد ايه وحشوكم

فاكرين ذكرياتكم مع بعض

حابين تتطمنوا على بعض وتعرفوا اخبار بعض

اعملوا زي ما عملت وقوموا ارفعوا سماعه التليفون

بســــــــــــــــــــــــــــــــــــــرعه

وظبطوا مع بعض خروجه متروحوش فيها سينما لا اقعدوا في مكان

واحكوا  مع بعض  واتكلموا كتيير

وافتكروا الذكريات

وصدقونى مش حتندموا ابدااا

وابقوا قولولي عملتوا ايه 
-----------------------------------
اه لو أرجع أجري وأجري وتجري ورايا يا قلبي ضفيرة..فجري يشقشق ومن الأول يغزل ضي الحلم أميرة
رشا عبد الرازق
بنت عاديه جدا



 

من 2006 الى 2007 ولسه

اتذكر في بدايه العالم الماضى وخاصه في ليله رأسه

اتذكر التصريحات والتوقعات بان عام 2006 لن يأتى اسوأ منه على الاطلاق

وفي عامنا الجديد تغيرت نظرتى مع تطور افكاري

فكانت توقعاتى تُشير بأن العام الجديد سوف يكون اشد قسوه وسواد وظُلمه

فهو اسود بطعم شديد المرار

في وسطه ضوء شديد البياض... لا انه ليس ضوء الثوره المعروفه او حرب السلاح

فزمننا هذا لا اراه زمن عرابى اوصلاح الدين

هو ضوء ثوره وحرب وانتصار ولكنه من نوع اخر

ضوء يفتت ظُلمه طريق السنين

اهم اسلحتنا فيه هو التعـلُم بالتوازى مع الانتاج

وكلاهما بـأتقان

...حتى الان

هذه هي حربي وهذا هو سلاحي

الذى اتمنى واسعى ان يدخل الغالبيه معى نفس الحرب بنفس السلاح ولكن برؤاهم الخاصه في كل مجال

اتمنى انتزاع كل من حولي من مستنقع العنب والبلح والطماطم و و

لاضعهم ويضعوا انفسهم معى على الطريق المنير الذى ادركته

انا الان اسعى لاعداد العده وتجهيز الجيوش التى ترتقى لهذا الهدف اولا فتدركه ثم تنتشر في شرايين اُمتنا

ومن ثم يتزايد عدد الجيوش المعده لنبدأ الهجوم

نــعــم

......انا الان استعد لثورتى ومعركتى وانتصاري

بتوفيق الله ونبل الهدف والكثير

والان

فمـــا هي اسلحتكم وكيف تُـعدوها..؟

---------------------------------

على الهامش

ونُقسم سنبقى لأننا... وأرضنا... والحق... أكثرية

لولووووووووووووووووووووولي انتهى

انتهى موسم الامتحانات اخيرا
مع مذاكره مواد اكذب لو قلت مش بحبها.. اسخف ما فيها اني مضطره اذاكرها على مزاجهم مش مزاجي انا
مع امتحانات مليانه افتكاسات من دكاتره مش عارفه تفتكس
وبالطبع افتكاس  مننا احنا كمان  الطلبه  علشان  نحافظ  دايما
على الابداع
ورغم كل شيء تبقى السعاده بلقى الاصدقاء بمشاريع الخروج والسفر والسينما واهم ما فيها اني حشوف اصدقائي
واولها كان امبارح  شوفت اصدقاء كتييير من اعضاء منتدى بورسعيد اون لاين
ناس غاليين عليا بجد
حقيقي كانت سهره روووعه  بعد طول انتظار

زي ما باركت لزمايلى واصحابى ..مبروووووووك على الدنيا كلها
انتهاء امتحانات(ي)
وبس خلاص
:)
.

 

بســرعه وفي السريع

بعد صراع طويل مع البلوجر لتسجيل الدخول

بسرعه وفي السريع

مدونتى وحشتنى جدااا

فوكيرات كتير في دماغى عايزه اقولها عن السنه الجديده

وعن (اصطباحه ) صدام

.....ولكن

ايه المانع الكبير

"الامـــــــــــــــــــــــــــــــــــــــــــــــــــــــتحـــــــــــانات"

ادعولي تخلص على خير

وارجع اكتب فوكيرات عن الي فات والي ابدا مش حيموت ...

علشان نبتدى حدث بحدث من جديد

.

.

يــــــــــــــــــــا رب

ينعاد عليكن...

حنعيد ...حنعيد ...العيد عيدنا وحنعيد

نتفسح نتفرج ...نجري ونلعب نتنطط

طول ما بلدنا

!!!!......بخيـــــــــــــــــــــــــــر

حنعيد

.

.