استقاله اكشن تانى مره

النهارده استقلت رسميا
دي تعتبر ثانى محاوله انى اسيب الهندسه بقا
يارب يارب ان شاء الله تظبط

تفاصيل صغيره

و نسير معا بلا هدف ساعه عصر حتى يأتينا الليل
اتكيء على كتفيك .. وابتسم للأمان ..
لن اكون بحاجه الى بحر ونجوم
فقط عينيك ستكفينى تأملا

رسالتنا .. اين نحن ..؟

هو احنا حملنا الرساله فعلا ؟
شيلناها على اكتافنا فعلا ؟

الرسول قبل وفاته قال .. ألا هل بلغت ... اللهم فاشهد .. هل بلغنا عنه ولو آيه؟

في كام مليون ميعرفوش عنه حاجه ولا عن ( رسالته ) ؟
في كام مليون ميعرفوش انه كان على الارض من هو في عظمه محمد ..
اللي عرف يعرف زميله في الانسانيه هى دي الأصول..
.

يارب افتح لنا طريق الاستخدام في عقولنا قبل دنيانا .. و في عقيدتنا وقلوبنا و نفوسنا و اجسادنا كي نقدر و نصبر على السباحه في ملكوتك بلا خوف .. وارزقنا شغف معرفه اسرار الملكوت و تبيانها اثناء الرحله .. متعنا يا الله في الدنيا بمعرفه سر وجودنا و بمعرفه ثغره كل من فينا التى تكمن فيها مهمته .. و اكتب لنا جنه اتقان العمل و الامتلاء بمعناه
و الرضا عنك و الحمد لك يا الله

أن تراه دون ان تـراه

وليس الصعب في ان تحلُم , وليس الصعب في ان تُحقق حلمك 

  ولكن تكمن القصه .. -قصه العظام 

-الذين مروا من هُنا ولم يزالوا هُنا 

في ان تُصدقه فعلا 

وان تملك روح الطفل الذي يستمر ويستمر ويستمر 

ان يتحقق الحلم في قلبك فتراه دون ان تـراه 

ان تحافظ على تلك الروح رغم كسرات الحياه 

فـلا ترى سواه .. " حــلمك "

أُحبـك حُبيـن

تقول رابعه العدويه 

" أُحــبك حـبين حب الهوى .., و حُبا لإنك اهل لذاك "

اويستقيم الحب بالهوى فقط 

ايكــون الحُب حبا من دون قناعه 

  من دون ايمان  ..؟

كــيف لك ان تعيش من دون ان تؤمن انه هو ..؟

 سمعت مقوله قديمه تقول

ان المرأه تعرف الله حين تؤمن برجل 

فتحبه 

لا استعجب كيف قدس الله ذلك الايمان و ذلك الحب
وحين تؤمن تجد من نفسك عبور للروح
ادراك للجوهر .. فتعرف معرفه لا يخطُئها قلبك ابدا ابدا 

.

.

آمنوا .. تسلموا 

آمنوا تحبوا 

آمنـوا .. تسعدوا

اسـمعوا " احبك حبين " لفرقه ابن عربي الصوفيه
https://soundcloud.com/iba-sy/dnsmorthxeeg

ذكراك

تسعه اعوام و انت ما زلت هُنا إلى جانبي 

في كل تفصيله صغيرك , لا اذكرك بل انت معي 

مدينه لك بكل شيء 

شكرا على كل حاجه 

اسأل الله ان يرزقك ثواب كل طيب افعله 

.

.

.

افتقد حضنك , افتقد طبطبه كفك على شعري 

بعدك كبرت ولم اعد دلوعه بابا 

:) 

بصمات متشافه

طباعه البصمات على الروح .. بيبقالها طلّه عمري ما غلطت فيها 

لو حد عدى على حد و ساب جواه 

شجن .., إلهام .., نور .., حب 

لمعه عين 

الطاقه دي بيبقالها طلّه في هالته 

بتديها لون 

بيزهزه بنور الأثر 

تقدر تقرأه 

حتى لو من ورا الكيبورد  و الشاشه 

بتبقا عارف إنه عدى من هنا 

.

.

.

إمتى بصمتك تعدي على روحى 

تسيب طلّه يشوفها كل الناس 

:) 

في نفسي

بحثت عنك بين رحاله , عالم , ثائر 

كاتب و فنان .., مصور وروائي 

فلم اجدك 

بحثت في كل من يلقبهم البشر بالمبدعين 

فلم اجدك 

فقررت ان ابحث في نفسي علّي أراك فيها 

.

.

.

فتكون و أكون بك 

وبعدين يعنى

لـحد إمتى هــتبشري بالتغيير 

الحلم , الحب و الثوره 

وانتى بتحسبي كل خطوه بالـمشوار ..؟

حياتك محتاجه مغامره وخطه وخطوه , خطوه أكـبر , خطــوه اوســع , اجرأ ..

اكــسري السجن وطيري بجنحاتك 

عيشي المـلحمه .. 

فــاكره يوم زمان قولتى لنفسك 

" اســتسلمــي و احلمي بكون جديد ومختلف " *

دلوقتى آن آوانه ..

آن تغامري و تخلقــيه 

* اغنيه لعلي الحجار

بــسيطه متستبسطهــاش

اما تصحى من النوم و تلاقي نفسك لسه عايش ..،

يبقا ربنا لسه عايزك تعمل حاجه في الدنيا و مهمتك منتهتش و عندك فرصه تظبط درجتك في الإختبار يعنى وقت اضافي ، شوف هو عاوزك تعمل ايه و أعمله

الحمد لله الذي عافانى في جسدي ، ورد على روحي و أذن لي بذكره " 

"
 

حُلم غلّاب

عبور الروح

الله يختار .. شهيد يسقط وينتهى كل شيء إلا من حزن اقاربه 

و آخر يسقط فيعلوا .., ويبدأ مع صعوده كل شيء 

في العيون تنظر .. تخترق بنظرتك الروح .. تزعم انك تعلم ما بداخل النفس ..

لمعه عين تحكي لك قصه حياه كانت في سبيله وحده 

ربما لم تكن يوما فكره متبلوره يُظر لها 

و إنما إيمان ..,إيمان في عمق القلب لا يُنتزع 

لا يشترط عمر او نشأه اجتماعيه .. 

ويبقى ان ما تعلمه انه فقط كذلك 

#عن الشهيد الحي 

تظهر الجماهير خلفه وتغيب دون أن يغيّر ذلك من أمره شيئا

يوم 30 يونيو مقدرتش استنى اما اروح علشان اكتب ان في وسط الجموع في ناس تشوفها تبتسم و ناس تشوفها تاخدهم بالحضن .. و صوره الشهداء كانت بُصله ليهم
المقاله دي شرحت بتفصيل دقيق حاله بشر عاشوها وراء ابتسامه
بجد مقاله تاريخيه هحتفظ بيها عندى
.
.
المعركه دي كانت الاصعب على النفس و الوعى و الضمير و الاتساق مع الذات
و كان في نظره العين مواساه و كلام و حكى و فهم
و بُكى ..
و حجات معشهاش ناس كتير
--------------
على قديمو 

عمر طاهر 

عند الاتحادية ومن مكان ما كان ينبعث صوت أغنية وردة «حلوة بلادى»، كان هناك تجمع يبدو أنه جديد على عالم الثورة يجلس على الرصيف معظم من فيه يمسح دموعه من التأثر، وعلى بعد خطوة منهم شاب ثلاثينى ينظر إليهم ويهز رأسه بنصف ابتسامة.

لا تأخذك الظنون بهذا الثلاثينى معتقدا أنه يسخر من مشاعر وطنية، هذا الثلاثينى أبكته الغنوة قبل ذلك بكثير لكنه لم يعد لديه المزيد من الدموع بعد كل الغاز الذى استنشقه فى كل ميادين مصر، هذا الثلاثينى وأقرانه أستطيع طوال الوقت أن أميّزهم من بين الحشود مهما عظم عددها، المخلص للقضية مهما تشعبت، المتمسك بالجمر منذ عامين ونصف العام فى انتظار أن يطلع عليه يوم 26 يناير.

التقيت واحدا من العينة نفسها عند دخول الاتحادية، صافحتُه «إيه النظام؟»، فابتسم قائلا «على قديمو»، يقصد على نهج الشخص القديم الذى التقيته قبل ذلك كثيرا فى «قصر العينى» و«محمد محمود» وصينية الميدان و«مجلس الوزراء».

هناك حفنة من الثوار «على قديمو»، يقوى إيمانك بما تفعله عندما تجد واحدا منهم إلى جوارك فى المربع الذى تقف به، دقَّت على رأسه طبول المجتمع والأحداث كثيرا لكنه لم يتغير أو ينسحب، هو القاسم المشترك بين المصريين كلهم مهما اختلفوا، مَن يقفون فى رابعة العدوية يتفقون معه فى حتمية عدم عودة رموز النظام السابق، ومَن يقفون فى الاتحادية يتفقون معه فى ضرورة رحيل النظام الحالى، وهو أيضا ضحية مشتركة، يمتعض منه رواد الاتحادية لتحفظه على عودة حكم العسكر، ويمتعض منه رواد رابعة العدوية لتحفظه على شرعية الرئيس الحالى، وهو أيضا أمل كل المصريين، أهل الاتحادية يحتشدون خلفه اليوم لدعمه فى عزل النظام، بالضبط مثلما احتشد أهل رابعة خلفه فى يوم الجمل لدعمه فى عزل نظام آخر.

تظهر الجماهير خلفه وتغيب دون أن يغيّر ذلك من أمره شيئا، تحمَّل كل اتهامات التمويل والتخوين والفلولية والبلطجة مدعومة بوابل الغاز والخرطوش والرصاص الحى والحجارة والسحل والإهانة، لكنه فى النهاية يبتلع كل ما فات ويحضر فى الموعد والمكان المناسبين متيقظا للحق وإن كانت به مرارة ما.

معظم الثوار اللى «على قديمو» لا أحفظ أسماءهم جيدا، لأنهم غير منتشرين على الشاشات وصفحات الجرائد، ومعظمهم لا يعتلى الأكتاف ساعة الهتاف، ينتبذون أماكن قصيَّة فى الميادين طوال الوقت ويظهرون عند اشتعال الأحداث للدفاع عمن حولهم، ليسوا مهتمين بشؤون السياسة لكنهم يفهمون فى الثورة أكثر من أى شخص تعرفه، لم يحتشدوا فى طوابير المطالبين بتعويضات مصابى الثورة على الرغم من أن أجسادهم لا تخلو من إصابة واحدة على الأقل لا يأتى بسيرتها إلا إذا انفتح بالصدفة حوار عن ذكريات الخرطوش أو فتح الدماغ مثلا. لا يبنى خصومته مع أحد بناء على خلاف سياسى، ولكنه يبنيها بناء على خلاف إنسانى. خصومه المنافقون والجبناء والمرتزقة والكذابون وناكثو العهود. ينطبق عليه قول الخال الأبنودى «أيادى مصرية سمرا ليها فى التمييز»، وهم أيضا القائل فيهم «باكتب بدمى حياة تانية لأوطانى.. وبابتسم.. بابتسم من سعادتى ولّا أحزانى؟».. راجع الابتسامة اللى فى أول المقال.

http://tahrirnews.com/columns/view.aspx?cdate=02072013&id=159c1bb4-e5de-4596-9490-a9647f68931d#.UdPz2kL6KFs.facebook

ودى انا :)
https://www.facebook.com/mai.elkatatny.1/posts/10152979207900578

في وسط الجموع تلاقي اعداد متناثره ،بتبص لبعضها وتضحك وتسلم و تحضن بعضها :-) صوره محمد راشد عامله دفا ، و العجيب ان في ترييلا مع المظاهره

عنعنات 2

عن الثوره و الغضب و الحــب
عن الحلم
عن التكامل بين الكلمات دى في الحياه
عن التحدى الشخصى و المنافسه اللى مجربتهاش قبل كده
عن يقين جواك .. ان ربنا معاك لوحدك
عن يقين جواك بإنك كويس ويجي منك
و عن

هتعرفني .. انا عارفاك "
سنين قبلك و انا راسماك في حلمي خيال
روحين تايهين .. مالينا حنين
مشوفناش بعض , لكن طفنا لبكره آمال
هـ اقابلك إمتى بس وفين . سنين فاتت سنين جايين
لكن عارفه اكيد موجود انا حساك
تقابلنى تكملنى , بنصي اللى بعيد عنى
بحلم جديد يكون مولود , اكيد هلقاك "

شعر احمد شلبي - اغنيه لسلمى صباحي

جيلنا حبيبي

إحنا جيل الشقيري و حمزه نمره ، بطلوا تبصوا عالعواجيز ، بصوا على كوادر جيلنا في كل مجال هتشوفوا وطن تاني جاي قدامحياتنا هتكون مختلفه #يقين .. جيلنا فيه كتله حرجه رائعه .. تانى وتالت ورابع .. ده بقا واضح وضوح شمس النهار .

و بالله و لله يرجع كل شيء التوكل على الله , طلب التوفيق , الدعاء , الدعاء , الدعاء , اليقين بالله من الخيارات المتاحه لنا في الحياه , يمكننا طناشها , الاستعانه بها , أو ان تكون ركن رئيسي في كل خياراتنا و اختبارات الحياه ..
#عوامل_النجاح ..

.
.
.

اجيال تحلم يوما بعُلا الـ أوطان .. و شباب يحمل أملا لبنى الانسان
نبنى المجد لنرقى .. وليقوى البُنيان , كن بالناس رحيما مُد يد الإحسان . كن عونا للناس دوما

الشهيد الحيّ

الشهيد الحي، هتلاقي عينه صادقه بتبص جوه روحك، واثق ، شايف الدنيا ببعد تاني اعمق ،
الشهيد الحي إحنا ،
الشهيد الحي بيمشي عكس الاتجاه لو كان غلط، جواه عارف ان الحق دايما صوته اعلى حتى لو كان لوحده،وعارف انه هنا عشان كده ، في لحظات الوجع صوت قلبه موصول بربنا ، باصص بره حدود الزمان و المكان ،الشهيد الحي إحنا .
.

اللهم ارزقنا الشهاده في سبيلك ،سبيل ما نؤمن به

lose weight اخسر وزنك تكسب صحتك

“اننا لا ننتهى ابدا من صنع انفسنا ؛
أشعر هذه الأيام بأننى اواجه نفسى مثل نحَّات يقف أمام صخرة
يجب ان يحذف منها كل ما هو غير جوهرى”
― Juan José Millás

.
.
شويه علام ربنا لينا في الدُنيا مُهم

الآمان ..
الآمان إن ربنا موجود هنا جنبك .. اما تحسه هتلاقي الحاجه وعكسها بالنسبالك
جميله .. هتلاقي إن كلمه لعله خير ليها معنى
انت مُدركه مش كلمه جوفاء بتقولها من قله الحيله علشان تصبر بيها روحك التعبانه
الآمان ..
الآمان إن ربنا موجود هنا جنبك .. هيخليك في لحظات الاضطراب و في وسط
ما الدنيا متلخبطه و بتنزل لتحت اوى
شايف فرصه ربنا هيعلمك فيها بعدها .. و إنه كان لابد من انكسار سطحى
مجاش جنب الروح و حتى لو كانت ضربه شديده و جه الانكسار في الروح
ده معناه ان في نقله كبيره واسعه وفارقه و مُلهمه
جايه قريب أهي .. افتح لها حضنك

.
.
حد قال اللى بتحلم بيه ده شيء نادر يحصل في الدنيا
انت قول ..
مم نادر , في الدنيا
الدنيا دي قصدك اللى هي بتاعت ربنا ..؟
انت عاوز تقول ان خير ربنا قليل
ولا عاوز تقول ان الدنيا اللى هي بتاعته هو ضيقه ..؟
بس دي دماغك انت الضيقه
:)على قدر أهل العزم تأتي العزائم

و انت فاكر انك هتفضل فاكر انه رزقه ضيق و هيعطيك ..؟
انت اصلا اللى  موارب كفك على القد و خايف تفتح دراعاتك ع الاخر لحسن متتملاش !
طول ما كفك موارب .. كل اللى هيملأ كفوف غيرك هيروح عليك هدر
يا عبيط
.
ومن هنا نعرف .. إنك في الحياه سعات لازم تتعلم حته حته .
و اما تيجى تعلم حد .. بردو علمه حته حته
لحد ما يبدأ يفتح إديه على الآخر .. علمه زياده وزياده
بالتدريج
" لما تيجى تعلم حد الصلاه من الاول .. ابدأ معاه بالفروض , بعد ما يحبها و يتشوق
احكي له عن السنن و عن وعن و عن "
ده تكنيك رائع لإن ربنا بيعلمنا كده
و دى حاجه قررت اكسبها و اخسر اسلوب التلقين بتاعى
التلقين بيحط حدود للفكر
لكن السؤال المفتوح
و المُهمه المفتوحه .. بتفتح لك مساحات جديده من عقل بشري قدامك طاقته مش محدوده
احترم العقل اللي خلقه ربنا ,, اسأله سؤال مفتوح و اعرف اكتر من اللى محتاجه
اديله مهمه مفتوحه و استمتع بإبداعات عقله
.
.
مفاتيح البشر من علام ربنا ..
الترغيب و الترهيب
ابدأ بالـ تحفيز و الشكر .. في الاصل احنا روحنا من روح الله
كتير هيستجيب .. زي ما في مثل شعبي بيقول
" كُله بالحنيه يفُك "
دي حــكمه شعر ابيض
اما اللى تعب نفسه و شيلها كتير زنوب و دنّاها
هيحتاج شويه النبره تعلى من غير ما تشيل قيمتك المضافه التحفيز و الشكر
هيبقا مش فاهمك .. هتبرجله
هيلاقي نفسه متضايق منك
وفي نفس الوقت مبسوط .. اعمل معاه إيه ده ..؟
هيفلفص كتير لكن في الآخر
اطمن
في آمان ربنا بيقول
" أَنْـزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَابِيًا وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِثْلُهُ كَذَلِكَ يَضْرِبُ اللَّهُ الْحَقَّ وَالْبَاطِلَ فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللَّهُ الأَمْثَالَ"

إسمع كده تانى
" 

فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الأَرْضِ "

يعنى ركز على إنك تمشي صح
ومتسكتش على الغلط
تفائل و حارب علشان الصح حرب الكيس الفطن .. اسمع اكتر ما تتكلم ادرس الموضوع و اعمل التصرف الصح
إعمل الصح بتاع المسلم الفاهم , واسع الحيله , ذكى و ميتاكلش بسهوله
انصر الحق بصفاتك دي انصره بشطاره و حرفيه  وخد ده نيه
.
.
وافتكر إن ما لا يدرك كله لا يترك كله , تقدر تفرق في المعادله كتير و انت جواها
طالما عنيك على ده ومراقب نفسك و ماشي على كتالوج ربنا
اللى هو كتالوج المنطق و الفطره و طهاره الروح اما يجيلها إلهام كده
.
.
.

جمل بين الاقواس و آيه القرءان و إلهام البوست ده كله من علام ربنا اللى في الدنيا اللى بيحطه في طريقك عن طريق ناس بتعرفها جديد .. و ده من مهندس اسمه محمد عبد الغفار مديري الجديد اللى فرق معايا في علام الحياه كتير

 

تخطفنى بلا خيارات

وتــأتى لتـحمل عني عبء اختيــارك ..
انجز بقا
.
.
.

و أعلم ان ماكان لك سوف يأتيك ، وإن ما توعدون لآت وما أنتم بمعجزين

وقالت

قالت لربنا
ان ده هيكون اخر انكسار
و كل اللي بعده حياه ع المظبوط .. فيها شطحات تختصر
اى وكل وقت فات ..
و تبقا طوق نجاه لناس كتير
و تشوف الدنيا بالاوانها الحلوه
في العسر و اليسر
و الصعب
 اللى بين البنين

علام ربنا

اما تكون زعلان و تبص حواليك تلاقي انك مش لاقي حد تشكي له او تتسند عليه
#افرح . ربنا بيفتح لك افاق جديده للقرب منه .. و بيعلمك ان أمانك معاه مش مع حد من الناس مهما كانوا قريبين ..
اما تتسند ع القريبين .. هتحس بعزوه و وتد و هترتاح شويه ..
بس اما تتسند على ربنا .. هتتفتح لك آفاق جديده وتد من نوع تانى عقلك ميقدرش بيجيب حدوده فين .. دايما هيفجأك و هيفرحك " بيده كل شيء و كل شيء عليه هين وهو على كل شيء قدير " .. " قمه القدره , قمه الالتزام معاك , قمه كل صفه بتحبها و بتحب تتعامل بيها , مالك الملك " .. الحمد لله على نعمه وجودك يارب .
.
.لحظه امتحان حقيقي للكلام ده ... كونه إيمان حقيقي او قله حيله

هتكون وقت ما يكون لك سند في الدنيا و تختار انك تروح لربنا و يفضل هو الأول و الاخر و الباقي بشر

.
.