.
لمــا يحصل معاك موقف ويتكرر كتير
من نـاس كتير مختلفه والمشترك بينهم انت
والموقف ده يسببلك ألم في كل مره بيحصلك
يبقا الألم و التكرار عايزين يوصلولك رساله مهمه
انت في حاجه محتاج تتعلمها علـشان ده يبطل يحصلك
وتبطل تحس بالألم ده
لمـا دوره ينتهى وانت تتعلم
وعلشان كده ده محتــاج وقفه مهمه
تعمل فيها حاجتين ...الاولى تدور على الرساله ورا اللي بيحصلك
وتلاقيها وتتعلم منها
و الثانيه
تكسر فيها نظامك اللي بتحبه
و تبنيه من جديد ... بالمعطيات الجديده ...
عـلشان تبدأ تواصل من تاني
الحيــاه
.
.
ربي لك الحمد كما ينبغي لجلال وجهك وعظيم سلطانك
11 comments:
Plz check ur inbox on FB ya mai
:)
والحاجتين دول محتاجسن حد اولا عنده ذكاء واحساس باللي بيجرى حواليه يعني مش مجرد كتلة متحركة عمالة تحتك ببني آدمين وخلاص
لا لازم يكون حد دماغه صاحية وحاضر
وثانيا يكون عنده إرادة وعزيمة وإصرار انه يغير حاجات اتعود عليها لمنها بتسببه ألم
واحتمال كبير جدا ان الحاجة دي تكون مش غلط بس البني آدمين والحياة هي اللي اتغيرت
تعرفي ان الكلمتين اللي قلتيهم دول لو أدركناهم كويس تتحل مشاكل كتير اوي وتتقلب كل محنة ف حياتنا لمنحة
تفتكري ممكن ده يحصل واقعيا؟
بجد تفكير سليم جدا عجبنى اوى منطقيتك فى انك تتناولى الموقف .. مش هحسد اهو هقعد ساكت :)
على فكرة المنطقية فى اتخاذ القرارات بتضيع البرد :)
عجبني شكل المراقبة للأمور من حواليكي .. و عجبني تحليلك الموضوعي لمجربات الأمور بحيادية ..
متفقة معاكي بإن إعادة تظبيط بعض الأمور محتاجة وقفة .. منعاً للشعور بألم من نفس الباب كل مرة ..
و أكيد بعد التظبيط الانطلاق بالشكل الجديد و تجربته ...
لكن ..
حسيت بعدم راحة في البوست .. أو ضيق ..
إن شاء تكون فترة الوقوف دي فترة صغيرة مش كبيرة .. و ترجعي بعدها بكامل نشاطك و ابتسامتك .. ( يا مي الجميلة(
....
في انتظار انطلاقك من جديد .. وبكامل طاقتك ...
تقبلي مروري ..
عندك حق لابد من التعلم من الأخطاء ونقف عندها وقفة سليمة
شكرا لكى
وتقبلى مرورى
البعض صدقينى تتكرر المواقف فى حياته آلاف المرات ويعجز عن ربطها حتى ببعضها او التعلم منها او منحها فرصة التأمل والتفكر والتعليم من دروسها..اعرف كثيرون كذلك ..وهؤلاء لشدة ما هم مغيبون عن التفكير فى كل شيئ يصيبونى بالتعجب حقا واستغرب هذه السطحيه الشديده فى العيش وتخطى عمق الأشياء والسعى لتعلم الدرس من مجمل كل ما نمر به ونعيشه.
حقيقة تتحدثين فعلا عن شيئ مهم الحياه بدون وقفه واعاده حسابات ومراجعة لا معنى لوجودنا فيها
الله على الفكرة
بس مين يقدر عليها؟
الام وامال :
مهي مش غلط بالظبط بس هي ظروف حياه جديده ...
يا محمود الواقع الحقيقي ان كل محنه هي منحه
بمنطقيه بسيطه اكييد ربنا مبعتهلناش علشان يضايقنا
بس زي كما انت بتقول لشكله اننا نحول لوقع بتاعها ده
لواقع شخصى وده ممكن اه لكنه مش سهل ابدا
:) تحياتى
----------
شيكو:
يااااااااا رب بس اكون قد القرار
او بمعنى اصح قد تفعيله في حياتى لان
ده اصعب من القرار نفسه
:)
---------
روزا :
اللي وصلك صح اووي
لاني كنت لسه متضايقه وانا بكتب البوست
دلوقتى اخدت القرار ... بس بفكر بقا في
اسراتيجيه لتنفيذ القرار ده فيما بعد لو اتعرضت له تان
ادعييلي ...:)
-------------
medo:
تقبل تحياتى على مرورك
:)
-----------
لولا :
اولا اتشرفت بزيارتك
وزياره مدونتك ..عجبنى سكتها اوي وتعبيرات بالذات فيها
اما بالنسبه للبوست ... فهى بالظبط كده
عمر ما الموقف حيبطل يتكرر لو انا متعلمتش منه
علشان كده اللي تعرفيهم واعرفهم بيتكرر الموقف معاهم الاف المرات
ربنا يعينا بس على استخلاص ولو جزء من حكمه في اقدارنا
ويرزقنا الرضا والحمد
تحياتى :)
نورتينى
-------------
blue-wave:
كل واحد بيستعين بربنا انه يخلى دماغه صاحيه ومركزه وشغاله
:)
دعواتك
تحياتى
فوكيرة
ماشاء الله وصلتى اللى عاوزة تقوليه بطريقه سهله وجميله
كل سنه وانتى بخير
وياريت تزورى مدونتى ونتناقش فى حل لمشكله النظافه فى بورسعيد
مع تحياتى
تفكير عقلاني من الدرجة الاولي بس تنفيذه صعب ويحتاج حاجات كتير
جميل اوي البوست ده يا فوكيرة ومتتخيليش انا متوحدة مع كل حرف ازاي ...... وفعلا ممكن نفس الظروف بنفس الاحداث بنفس النتيجة تتكرر معاكي..........عشان ربنا عايز يوصلك فكرة موصلتكيش من المرة الاولى او يأكدها ليكي...... وساعتها تقدري تقولي بجد هو ده الخير اللي ربنا كاتبهولي....حتى لو كانت النتيجة اني هعمل مارشديل وارجع والف من الدوران التاني ....المهم اني اتعلم بجد... واعرف دايما ان ربنا رايدلي الخير... واوصل لقلب الحكمة من ذلك
معلش طولت في الرد عليكي..... بس كنت بسمع نفسي في الاول واقر بانك عملتي وقفة مع النفس حلوة اوي لاعادة ترتيب الاوراق............ واللي يجي بعدها الفتح والانطلاق للافضل باذن الله ليكي
Post a Comment