فوكيره

اعلام بديل في الشارع

2011-11-20T17:54:00.000-08:00

احنا تعبنا بجد ...
لو في حد مؤيد للثوره ومش عارف يروح التحرير ..,
نرجووووك اعمل اعلام بديل للناس
فهمهم انهم مش بلطجيه ..,
فهمهم ان حق الاعتصام ده مش جريمه .., فهمهم انهم ثوار ..,
فهمهم ان المخرب و البلطجى والمأجور عمره ابدا ما يصمد اكتر من 48 ساعه تحت الضرب ..,
ميعملش كده غير صاحب القضيه ..,
فهموهم انهم هناك بيضحوا علشان انا و انت وللادنا نعيش محترمين وعندنا كرامه ..,
فهموهم ان الثوره صعبه ولازم كلنا ندفع التمن ..,
فهموهم ان الشرطه مش بتسترجل غير ع الثوار و بس ..,
كانت فين كل القوه دى الخرطوش والمطاطى و الغاز قصاد البلطجيه ..,
فهموهم ان الولاد دول دمهم في رقابتنا كلنا ..,
و انهم لو روحوا وانكسروا الثوره خلصت ويبقا اجمل ما فيها اتقتل ..,
عرفوهم ان في ثوار فقدوا عنيهم في ال18 يوم وفقدوا العين التانيه امبارح ..,
ميعملش كده غير صاحب القضيه

كنتى عارفه من الاول

2011-11-08T17:28:00.000-08:00

من يوم ما فتحتى عنيكى ع الدنيا
وبدأت خلاياكى تخزن الاحزان
ومخك يميز الحكايات
كنتى عارفه ان حياتك هتكون متعبه

فاكره مدرس العربي في ابتدائي قالك ايه ..؟
طب ومدرسه الرسم بتاعت ثانوى ..؟
ودكاترتك و اصحابك
وانتى نفسي ياما قلتى لنفسك كتير ..,
.
.
.
ايوه لسه مش لاقياكي ..,
لكن ...
شـايفه طريقك قدامك مرسوم .., و عارفه انه صعب
بس مش عارفه تمشي في طريق غيره ..,

طب زعلانه ليه دلوقتى .., خايفه خيالك يحبسك ..؟
خايفه خوفك يمنعك تعيشي وانتى عمرك ما كرهتى حاجه آد الخوف ..؟

اوعى تخـافي تحلمي وانتى اللي بتعلمى الناس اصول الحلم
.
طب و هتعملى ايه يعنى ..؟
كنتى عارفه من الاول
فــ متوجعيش دماغي بقا

حزن ليله عيـد

2011-11-05T15:37:00.000-07:00

هـا هو عيد جديد

و انا وحيده ..,
بدونك .., بدون سند
بلا اب ولا اخ ولا حبيب
مؤلم ان تبكي ليله العيد ..,
مؤلمه هى الحياه حين تشهر جميع اسلحتها
الشرعيه كانت اوالمحرمه في وجهك
تخرج لك لسانها .., و تقول لك - اذا كان عاجبك -
تعتاد الألم وتخشى ان لا تتعرف على السعاده حين تلقاها
ولكن تبقى
طبطبه الله هى الملاذ و المأوى
تبقى متمسك بان الله يراك .., يعلم بحالك
و تنام على امل ان تضحك لك الدنيا يوما
واثقا في عدل الله

في ذكرى صبرا و شتيلا

2011-09-17T17:20:00.000-07:00

كان طفلا صغيرا .., يلعب نعم كباقي الاطفال
و لكن اذا نظرت في لمعه عيناه .., ترى حلم العوده
ترى روايات ملأت صدره وقلبه من الاب و الام ,الخال و العم
عن هذا الجميل الذى لم يساعده الوقت على ان يدرك حتى وجوده ..., وطنه " فسلطين "
ترى اصرار و قسوه امتزجت ببراءه طفولته
كيف لا و قد تربى على قصص الحرب ,المجازر .., و قصص اغتصاب الوطن وانتزاعه منه ثم طرده ليكون كما هو الان .., لاجئ ً

في ذلك اليوم الذى لم يكن يعلم انه سيكون عصيبا
16-9-1982

سلم على والده .., نظر لامه حينها خائفا

فربتت على كتفه وهمست في اذنيه بـ ان والده بطل وان هذا هو قدر الرجال
الحرب من اجل الوطن .., و بانه حمل على عاتقه حلم تطهير الوطن .., من اجل ان نعود جميعا .., لننعم بحضن فلسطين وفي ظل شجر الزيتون

اطمئن قليلا وابتسم.., قبله والده
واحتضنه بشده بين ذراعيه
ثم ذهب الولد الى الفراش وهو يفكـر في ما قالته امه
.
.
.
بفزع استيقظ الولد من نومه
على صوت صراخ .., رصاص
وقنابل
و ثوان قليله لم يتمكن فيها حتى من الركض او الهروب

كان شهيدا ..,

اصبح في لحظات كـما قصت امه عليه طويلا ولكن
دون ان يصبح مثل والده " مُقاتل " ..,

تقول الروايه ان عدد الشهداء في مخيم صبرا وشتيلا قد فاق الثلاثه
آلاف شهيد ..,
و ليس فقط بل انها كانت من ابشع المجازر التى عرفها
التـاريخ .., كان فيها ليس قتلا و فقط بل اغتصاب و تمثيل بالجثث
كانت انتقاما شرسا و عنصريه واضحه و كـره معهود

لنتذكر ونعرف من هو العدو دائما وابدا

ولتعلم مصر الثوره .., ان هذي مسئوليتنا .., حلم النهضه ليس فقط من اجل مصر
وانما
للوطن العربي كله و على رأسه ابنه مصر المغتصبه الشريفه
فلسطين
وان بعد الثوره لم يعد لطم الخدود ابدا كافيا
فلتكوني يا مصر .., لـيكون العرب

ولتعلم اسرائيل جيدا بـ اننا
لن ننسى .., اذا نسى الحجر لمسه الندى
قد ننسى .., اذا نسى النبات كيف ينمو قد ننسى .., هذا انا و في نهايه الطريق انت
____________________
شاركوا اطفال فلسطين
http://www.youtube.com/watch?v=IJsOZoHNmno&feature=share
طفل فلسطيني صغير يقاوم إعتقال الإحتلال لوالده
www.youtube.com
http://www.nilenews.tv/ - الثلاثاء 3 أغسطس 2010 الإعتداءات الإسرائيلية : طفل فلسطيني صغير يقاوم إعتقال الإحتلال لوالده كما يظهر براعة إستخدام الميديا في إظها...

الخبز و الحريه معا يا كل من يحكمنا .., والله دي ثوره بجد يا ناس

2011-05-25T15:16:00.000-07:00

الخبز و الحريه معا يا كل من يحكمنا .., الثوره المصريه تستحق .., عارفه اننا يمكن لسه مش عارفين نتكلم مع بعض من غير ما نزعق لبعض .., و عارفه اننا مش عارفين لسه نتوحد حتى حوالين مطالب

و عارفه ان الاخلاق في مصر لسه محتاجه ثوره تانيه .., و عارفه وعارفه وعارفه ..,

لكــن عارفه كمان .., ان نظام كان بيخرب عقول ناس لمده 30 سنه .., بيمنع اى اصلاح من انه يتم .., اللي بيحلم بيضيقوها عليه يا بيطفشوه يا بيشوهوه .., شعب خلوه ميشوفش كادر واحد قدامه .., شعب خلوه يتحاصر و يحس ان مفيش غيرهم اصلا يحكمهم.., شعب اعتزل السياسه و الاخبار .., وبقا عايز يهلس و بس ...,
شعب حصل فيه كل ده .., وانتفض .., قام وقال لا .., وقدم لمصر اكتر من 800 شهيـد.., ده شعب يستحق انه يعيش في عدل وكرامه ..,

شعب يستحق ان يتعمل له حساب .., شعب من حقه ياخد فرصته .., شعــب يستحق الخبز و الحـــريه معا ..,

احنا اما بنقول عاوزين نروح التحرير .., بنتحمل عبء السفر .., بنتحمل مصاريف واحنا اصلا مفلسين .., بنتحمل مشواار مفاااوضات يرفع ضغط اى كائن بشري مع اهالينا

بنتحمل مسئوليه القرار .., بنقرأ الاخبار و بندعى ربنا ينور بصائرنا علشان نشوف صح ..,
بنتحمل المغامره والمخاطره ومواجه اى شيء مجهول ..,

تفتكروا هنتحمل كل ده ليه ..؟؟ .., ممكن مثلا نكون فااضيين مش لاقين حاجه نعملها ..؟؟ !

ولا لاننا شايفين ان هى دى مصلحه مصر

انا لسه معرفش المفااوضاات ايااها اللي بتفرع الضغط دي هتودينى لفين .., ويوم الجمعه هكون سافرت ولا لا ..,

بس انا عارفه ان اى حد مقتنع ان الثوره مستمره .., و ان الثوره لازم تكمل .., لاازم ينزل .., لازم يبزل كل طااقته علشان ينزل ..,

انا عارفه .., انى لازم انزل علشان

- علشان في ناس عماله تاخد خمستشاارااات واحنا طيبين بنفرح .., وبعدين منعرفش بيحصل معاهم اييه .., وعماالين يااخدوا براااااءه .., !!

- عــلشان مفيش محاكمات بتهمه الفساد السياسي ..., علشان في نااس ظلمتنا و تعبتنا .., آه سكوتنا كان جزء من المشكله .., بس احنا اتكلمنا خلاااص وصرخنا بأعلى صووت .., من حقنا بقا نحل المشكله

- علشان المحااكمات دي تبقا " عــــــلنيه " .., من حق مصر كلها تشووف وتسمع اللي بيحصل مع اللي ظلموهم واستعبدوهم وسرقووهم .., و حتى لما قالولهم لا .., مش عاااوزين يسيبووهم ده اييه الفُجر ده ..؟؟ اييه ده ..؟ علشان اييه ..؟

- علشان عارفه ومؤمنه ان شعار الثوره دى " الشعب يريد " وان الشعب لو اراد هيتفذ ارادته .., مفيش حاجه اسمها مبارك و حاشيته مش هيتحااكموا علشان مش هينفع .., في حاجه اسمها " احنا عاوزين ايه " احنا الشعب و المفرووض نريييييييييييد

- علشان يوم 25 يناير كان يوم " قصدنا بيه نعكنن فيه على بتوع الشرطه في عيدهم " اللي زلونا وقرفونا و تعبونا و ماحترموش آدميه المصريين .., و لان لحد دلوقتى محدش منهم اتحاكم غير امين شرطه و حتى حبيب محبوس تربح..., لا وايه..., قله الادب كمان رجعت تاني ..,

- علشان حبيب محبوس بتربح و كسب غير مشروع وآل ايييييه .., عيله مبارك براااءه .., يالهوووى اما هما براءه امال انا اييه ..؟؟

- علشان جهاز الزفت الوطنى ده .., عايزين عليه اشراف قضااااااااائي وحقووقي زي البلاد المحترمه بقاااااااا

- علشان لسه في نااس بتتشتم علشان مظاهره وبيتقاال لها " انزل على ركبك يا ابن كذااا "
والشباب بيدخل محاكمات عسكريه والمخلوع وحاشيته يقولولنا القضااء و الحفاظ ع الثوره بيضاء

- علشان الاعلام المصري لسه مش محترم .., مش محترم اطلاااااقااا .., احترموا الثوره واحترموا دم الشهداااااء .., مينفعش تبقوا بتذيعوا افلام وهلس ..., المفروض تذيعوا برنامج توعيه كاامل ومحترم .., المفروض تبطلوا نفااااااااااق

- عـــلشان في ريحه واحسااااس في الجوو شبه بتاع زمااان .., بتاع المخبرين و الرقابه الغير مبرره .., الجووو اللي يحسسك انك مخنووووووووق و البلد مش بلدك ده ..,

- علشان المصاارحه والشفافيه هي الحــل

- - علشان العدل و الحق والحريه ..., هيخلينا نشتغل وهيخلى اى حد يفكر يسرق او يظلم يعتبر من قدوته الكبييييير و اللي حصل له
.
.
.
الجمعه دي انا شايفه انى لازم انزل علشان كل اللي فوق ده .., و اللي جاي

- علشان زي ما كنت بقول ايام مبارك .., اللي يدى تنازلات للشعب علشان هما ماسيكن له كرباج مش علشان هو ده الحق والعدل .., مينفعش يفضل ع الكرسي .., اسفه وموجوعه وقلبي بيوجعنى وانا بقول ان بجد ((((لو كل اللي فوق ده محصلش ))))انا هضطر اطلب الطلاق يا مجلس و اقول عاوزه مجلس رئاسي
و عااارفه انه لسه ملوش آليه و لسه ملوش توافق وطني بشكل كبير

هبنيها زي ما هتثورج.., ومتحمله المسئوليه ..., بشتغل و بفهم وبذاكر وبحاول اخد بأيد غيري وافهمه .., بحلم لبلدي و بدعي ربنا يعينا على كل ده .., مـــــش هنكر حاجه على حد .., كلنا بنحب مــصر وكلنا هنقف جنبها بأي وسيله

مـــش هفرط في حريتى بعد ما لقيتها .., مش هفرط في دم المصريين اللي ماتوا لان ده مش من حقي ..,مش هفرط في
حــق ولاااااااااااااادي انهم يعيشوا بنى ادمين .

يـا ابنه مصر المُكبله

2011-05-12T07:36:00.000-07:00

فلسطين ..,

الحلم القديم ..,

حلم الصبا .. والدعاء " اللهم ارزقنا الشهاده على اعتاب المسجد الاقصى " .., ياااا صلااح الدين انتظرناك طويلا

يا حـــريه ..,

فلسطين

حبيبتنا .., نتحدث عن الكرامه ,العزه ,النهضه والتقدم .., و تبقين انتِ دائما ألماً في القلب

تبقين حلمنا الضائع .., النقطه المظلمه التي لا يكتمل الضياء الا بهـا.

الا تشعر بالانكسار طالما كانت هي بعيده عن ضمـه صدورنا ..؟

لا تكتمل حريتنا الا بكِ .., كتبت عليك القيود بذنوبنا .., نخطيء ووحدك انت تتحملين العذابات

حبيبتى .., غصه اشعر بها كلما تخيلت الشهداء القادمين .., و اضفتهم على من سبقوهم .., ولكن

لا رجووع .., حتى وان ذهب فدائك الكثيرون .., فـ انت حقا تستحقين .., ومن غيرك يستحق ..؟

فليكونوا هم الشراره الجديده ..,

لابد ان تنتفضي .., و ليكن ما يكون .., انتفضي ونحن قادمون .., انتفضي ونحن داعمون

ادعموا الانتفاضه الفلســطــينيه

بالمساعدات الماديه ,

بالدعـاء ,بالصيام , بالتهجد ,بالطــاااعه , بالايمان , بصلاه الفجـر ,بالمحافظه على الحريه والكرامه.., بحمل القضيه , بـ بناء العقيده

و بالــــحرب

فلسطين .., يا ابنه مـصر المُكبله ..,

حتماً سيجيء الوقت ..,

وتعودين بـأيدينا الى احضاننا ..,

http://www.youtube.com/watch?v=8ajDgudMC18&feature=share

النشيد الوطنى الفلسطيني

احفظوه .., رددوه .., تغنوا به .., تخيلوها حُره .., انظروا الى انفسكم وانتم تقيمون الصلاه في الاقصى الحُر

تــحرر

2011-04-25T17:34:00.001-07:00

واجه اوجـاعك .., احترم لحظات ضعفك ..,تحرر من دموعك المحبوسه جواك و وجعاك..,لتبدأ من جديد
" وجع ساعه ولا كل ساعه " ..., :)

ملنااااش غيرك

2011-04-01T18:13:00.000-07:00

يارب انت ورتنى حجات كتير وعلامات ..., علشان مزعلش لو الثوره مكملتش .., عارفه ان في ناس من الثوار مش بيصلوا
وفي منهم وانا اولهم بنعمل اخطاء كتير

عارفه وشوفت ان الجهل كتيير اووى .., واننا حتى لسه مش عارفين نتقبل بعض اوى

عارفه ان في ناس باعت القضيه

وفي غيرهم الثوره عندهم مش اولويه .., وفي اللي ماشي مشغل الكاسيت بصوت عالى ومسقع دماغه

واللي خارج يعمل شوبنج وبيقول نعم للاستقرار ..., واللي خارجه مع اصحابها وفي البيس

عارفه ان قليلين اووى اللي شايلين همها ومقدرين ان دى فرصه انت اديتهالنا ومش هتتعوض تاانى بسهوله

بس ياااارب انت عارف اننا مش قد الكسره دي ..., يارب انت عاارف اننا متحملين المسئوليه بجد

يارب احنا كنا بنشتغل ونعمل توعيه ونتظاهر .., وخايفين ع البلد بجد من جوانا اوووي
يااارب انا عارفه اننا يمكن مش كتير كفايه

وعارفه انه يمكن الآوان مجاش وانت رايد لنا خيير احسن
انا سلمت امري ليك يارب وعارفه انك هتجبر بخاطرنا وهتطبط علينا
عااارفه انك بتختبر صبرنا وجديتنا وبتطلع احسن ما فينا ..,

واثقه انك شايفنا وسامعنا وعارف كل صدق في قلوبنا ..,

واثقه فيك اوووي ياارب
يااارب انت قاااااااااااادر اووى واحنا ضعفااء اووى من غيرك ..,
ياااااااااارب اقسم ياارب انى هفضل شايله المسئوليه ومش هنسى ..,
وانت عالم يارب ان جبر خاطرنا هيدب فينا طاقه هتطلع مصر 10 سنين قدام

يا حي يا قيوم .., برحمتك استغيث .., اصلح لي شأني كله

ولااااااااا تكلنا الى انفسنا طرفه عين

بيك انت يااارب مش باي حد تانى .., هنكمل وهننتصر

رسالتى الى د محمد بديع المرشد العام لجماعه الاخوان المسلمين

2011-03-22T18:27:00.000-07:00

سيدي المرشد .., تحيه طيبه وبعد

..,

في حقيقه الامر كنت دائما وابدا ادافع عن حريه التعبير عن الرأي .., اعرف انك لا تعرفني ولكن باستطاعتى ان اعطيك عنواني واسمي .., وانت تعلم كيف لك ان تسأل شباب الاخوان في محيطي عني ..,

كيف اني لم اقبل ظلما يقع عليهم قط .., صحيح اني لم ارفعه عنهم ولكني حاولت

كيف اني كنت اشيد بهم اذا فعلوا شيئا جيدا واشاكسهم اذا فعلوا عكس ذلك ..,

واقول لهم

– اتلموا بقا لو عملوا حاجه مش هتأثر ايجابي بس هتضرهم وخلاص –

بعد هذه المقدمه الطوويله اتمنى ان ابدأ معك بأن تقرأ كلامي على انه حيادي تماما .., بعيد عن اي تحامل عليكم بسبب الدعايا السلبيه من قبل النظام السابق عنكم

انا يا سيدي المرشد في حاله عشق مع فكـر حسن البنا الاصل .., وازعم انني لو كنت عايشه في الاسماعيليه سنـه 27 كنت هكون اول امرأه انضمت وآمنت بالفكر الاصل

ولكـن يا سيدي ما حدث في مصـر عام 2011

كان حدثا مؤسفا سيتحدث عنه التـاريخ .., بعد الثوره اتفق الجميع على ان يكونوا ضمن ائتلافا لضمان " مكاسب الثوره و حمايتها " ولنستمر هكذا حتى يأتي وقت الانقسـام .., حتى تكون الانتخابات ويعود كل منا الى توجاته وايدلوجياته السياسيه الخاصه لنضمى جميعا مختلفين في الفكر ومتفقين في مصلحه الوطن ..,

اذن طالما الخيار على الارض يخص الثوره ومصلحه الوطن فيجب ان نعمل بمبدأ الشورى ثم الديمقراطيه والتي تقتضى بالسير وراء رأي الاغلبيه حتى يأتي وقت الخلاف السياسي

ولكنكم سيدي المرشد .., انقسمتم باكرا ..,

خرجتم عن الشوري بين القوى الوطنيه واكتفيتم بالشورى فيما

" بينكم " ..,

ودافعتم عن ما توصلت اليه الشورى – فيما بينكم –

بكل ما هو غالي

– ورخيص –

اذا حدثنى السيد عصام العريان عن انكم كنتم رد فعل للتوجيه الاعلامي لرأي اغلبيه القوى الوطنيه في اتفاقها لحمايه الثوره .., فلن اصدقه

والسبب الوحيد والاوحد هو ان عنواني سيدي هو ..,

درب التبانه - كوكب الارض – مصر

فـ انا المواطن الذي كان يمشي في الشارع ويستمع ويحاور شباب الاخوان ويرى ويقيم ما يفعلوه ويشااهد التلفزيون ايضا وبيقعد على تويتر

واقسم انني حينها لم اكن قد اتخذت قرارا بعد .., كـي اتحامل على من يخالفني الرأي

– هذا ان كانت هذه هي القاعده –

وتقييمي ان من خالفكم هو من كان رد الفعل ..,

لندع كلامي الفارغ على جنب .., ولننقاش ما قاله السيد عصام العريان .., كيف لجماعه بهذه القوه وهذا النضج والتاريخ

ان تكون رد فعل للخطأ ..؟ ! كيف تقع في الخطأ الذي وقع فيه الاخرون

لماذا لم تعلنوا رفضكم للتوجيه ..؟!

الذي يُمارسه الاخرون

– اخص عليهم –

ام هي صدفه ان شباب الاخوان – الغالبيه العظمى منهم – قاموا بالتوجيه في وقت واحد وامتنعوا نسبيا عنه بعد اعتذارك ايضا في آن واحد

سيدي المرشد ان كنت قد اعتذرت – وانا فرحت كثيرا باعتذاركم – في البدايه

فانني الآن لا اصدقه .., للاسف لا اصدقه

والسبب ..,

ان شباب الاخوان وبرغم اعتذاركم ما زالوا يدافعون بل هم مستميتيين في الدفاع عن

الخطـأ الاول .., بالاتجاه مبكرا الى الشورى في ما – بينكم – لا بين جميع القوى الوطنيه لنصره الثوره

والخطـأ الثاني .., وهو التوجيه على اعتبار انه تعبيرا عن الرأي

ملحوظه : خليتوا رقبتى قد السمسمه قدام الناس اللي كنت بدافع عنكم قدامهم

كنت انتظر بعد ان انتهى لفظ " المحظوره " ان ينتشر شباب الاخوان معنا لتوعيه الناس .., حتى وان خالفونا الرأي .., كنت انتظر ان يدافعوا عن حريه الرأى ويقولوا لاامه الجوامع معنا ..., - عيب يا شيخ متوجهش الناس – كنت انتظر الكثير وكان حسن ظني بكم افضل بكثير

في الانتخابات السابقه اعطيت مرشحيكم صوتى .., ولكني في الانتخابات القادمه سأفكر الف مره قبل ان افعل ذلك

لننحي كل هذا جانبا .., ولتجيبني على سؤال واحد وحيييد .., اخذا في الاعتبار اننا نطمح لقانون يجبر الرئيس ان يستقيل من الحزب الذي يمثله ليكون لكل المصريين

اذا شاء القدر و حكمتم مصر او كنتم جزءا من الحكم

هل سيستمر مبدأ الشورى – فيما بينكم – ام سيكون مبدأ شورى بين جميع القوى الوطنيه ..؟

11-2-2011 تاريخ جديد

2011-02-11T16:03:00.000-08:00

لاولادي
فقط علشان اسجل الحدث

11-2-2011
حوالي الساعه 6

ثورتنا .., ثوره شباب 25 يناير
اسقطت النظاام
وعلى رأسه مباارك

والحكااوي هتيجى بعدين

شهود عيان .., التحرير من القاهره

2011-02-07T10:22:00.000-08:00

واهو صديق جديد يتوجه الى التحرير .., وينقل لي الصوره .., ويحملنى امانه ان اعطي الناس اللي هناك حقها

واشارك في التصدي للحمله الاعلاميه " شديده الهبل " التى لا اعرف لها مبررات ..,

الصديق له انتماء نعم اجنده اخواني .., اقسم لي انه هناك علشان هو بس عايز يبقا هناك

ويكون جزء من شباب حرر مصر ..,حين سألته اقنعت والدتك ازاى

علشان اتعلم استراتيجيات جديده – يمكن تنفع عندى – قالى انا قولتلها انى قررت اعمل ده ..,

وردت عليا وقالتلى اخلص النيه علشان لو فقدتك تكون شهيد .., مع العلم ان الوالده على عكس ابنها

ملهاش اجندات ولا حتى اخوانيه .., قال لي ان الناس نقلت هناك حياه كامله واحد بيحلق للناس

, وواحد بيبيع كروت شحن .., واحد بيبيع عسليه وكاتب عليها كنتاكي بنص جنيه يا بلاش ..,

وكذلك بائع الكشري كتب على العلبه كنتاكى بـ 3 جنيه ..,الناس وهي بتنظف علشان اول مره

يحسوا ان البلد بلادهم بجد وان هما محافظوش عليها محدش هيحافظ

لجان حمايه ., .مستشفى ميدانى في اكثر من مكان ..,مشاهير يهتفون ولم تلتقطهم الكميرات بعد

,ركن للادباء والشعراء تخرج منه افتكاسات التظاهر ..,واللافتات اللي قاليه روح المصريين اوى ..,

روح المصريين اللي رجعت تانى ..,اجانب بيصوروهم وكأنهم مزار سياحيه

كل من حدثنى هاتفيا من هناك ..,من يوم 25 وحتى اليوم 7-2

ومع اختلافهم بحديث كان صديق 25 -باجنده- برادعيه ..,و صديق جمعه الغضب بلا اجندات و صديقه امس بلا اجندات

وصديق اليوم وقريبه -باجنده -اخواني! الكل على اختلافهم

حدثنى عن دفء وامان و وحده

الكل حدثنى عن طاقه روحانيه تحيط بالمكان وواثقين انها باقيه في الميدان

حدثنى عن ملحمه ذابت فيها كل الطوائف .., واختفت فيها الـ " أنا " الكل

حدثنى عن انه – كل الاخوان- اللي اعرفهم كانوا دايبين وسط الناس مع الفرق انهم بيكونوا منظمين اذا احتاج الامر

الكل حدثني عن انه شاف المسيحي مع المسلم مع الانتمائات السياسيه المختلفه دايبين في بعض ومتعرفش تفرقهم

حدثونى عن اُسر انتصرت على كل ما يسمى بخوف .., وانتصرت على كل ما هو – عقيم – وذهبت الى هناك بزوجاتهم واطفالهم

الكل

الكل حدثني عن مصر حلمنا بها جميعا .., صوره التحرير الآن هي مصر جديده تولد وواجبنا ننقل الصوره علشان تنتشر

وتبقا مصر كلها كده .., وترجع لسابق عهدها جميله وتستوعب كل اختلاف

الكل

حدثني عن احساس بالسعاده .., وملأني حديثهم بالطاقه والنور والتفاؤل ..,والكل اقسم لي ان الناس دي بالجو ده مستحيل تتحرك من هناك .., وعروفوا ازاي ينتصروا على سياسه النفس الطويل بروح مصريه كانت وحشانا اووى

انا مدينه لكم بكل اصلاح يتطور في مصر الآن .., مدينه لصمودكم

فصمودكم هو الضمان الوحيد على ان الحكومه ستصدق القول

لا لانها صادقه وانما علشان انتوا فوووق دمااغهم

ادعوا من قلبي ان يجعلنى جزء من الحدث وان اصنع بيدي تاريخ

وان اكون قريبا وسط التحرير .., لاكون انا ايضا شاهد عيان

----------

اصدقائي شهود العيان

دونوا ما شاهدتوه للتاريخ

ثمن الوطن

2011-02-06T14:38:00.000-08:00

عارفين انتم ايه ..؟
انتم حريه ,اصرار ,صدق ,اخلاص. و وطن
دمكم مراحش هدر .., مصر جاايه .., قويه ونظيفه وقادره
تمااام زي ما حلمتوا بيها
ياااااااااااااااااااارب .., انا مدينه ليهم
...اجعل متواهم الجنه ياارب

----

الشهيد قبل ما يموت قال لصاحبه .., هما معقول هيضربوا علينا نار ..؟
واما ضربوا .., جري بيه على المستشفى الميدانى .., بصله في عينه وهو بيموت وقاله
هو احنا صح ..؟؟

عين صاحبه اتملت دموع وقاله .., ايوه صح

ايووووه صح .., وعهد عليا دمك ابدا مش هيروح هدر

my way ...,

2010-12-19T17:40:00.000-08:00

ها انا الآن عجوز اجلس وقت المغيب في شرفه منزلي بالاسكندريه .., بعد رحله طويله زرت فيها باريس ,لندن ..,انتهاءا بالقاهره للمحاضره هناك .., في هدوء ارتشف قهوت-ك- .., اتابع الغروب ومن حولي احفادي يلعبون..,

من احدى المقاهي المجاوره يتسلل اليّ صوت فرانك سيناترا

And now the end is near

And so I face the final curtain

My friend, I'll say it clear

I'll state my case of which I'm certain

I've lived a life that's full

I've travelled each and every highway

and more, much more than this

I did it my way

اتذكـرك .., تدمع عيناي وتبتسم .., ابتسامه محمله بالذكريات .., احتضن نفسي بين ذراعيّ ..,

ادعوا لك من قلبي ..., لانك انت.., ولانك تستحق ..,

عشت رجلا .., ومت على فراش الحق.., " على طريقتك " كنت تجاهد في سبيل الله .., " على طريقتك " كنت تعمّر الارض ..,

معك .., كانت الحياه .., حياه تستحق ان تُعـاش

بوجودك .., كنت " انا " وكان وجودي ..,

اتتذكر الاحلام ..؟

حياتنا المختلفه .., اثارنا التى تتحدث عنا بعد الرحيل ...., والبيت

بيتنا ..,ها هنا ..,نلقى البحر في كل صباح ومساء ..,نتابع شروق الشمس وغروبها .., ذلك الغروب الذي لطالما عشقناه .., حين تغرق شمس النهار في البحر الذي تحتضنه الاسكندريه في حنان .., تترك حمرتها مختلطه بلون السماء.., وتُغرِق معها الهموم لتغسلنا من الداخل

اتذكُر هذا البيت .., هذه الاريكه .., هذا المصباح .., ليالي سهرك ..و ليالي دعائي لك ..,

هنا قررنا ان نعيش .., بيدينا صنعنا بيتنا .., وهكذا ..,هكذا تحديدا اردتنا ان تكون حياتنا .

عاد صـوت سيناترا يجتاحُني كذكراك .., فانتبهت

Yes, there were times

I'm sure you knew

When I bit off more than I could chew

But through it all when there was doubt

I ate it up and spit it out

I faced it all

And I stood tall

And did it my way

تلك الازمـه كم كانت صعبه حينها على كلانا ..,كيف تماسكنا ..؟ وكيف عبرنا سويا..,؟ تبدو لي تلك الايام الان كـ ورده بيضاء متفتحه, اعلنت انتصارها للعالم .., وابتسم لـ

صوت سيناترا الذي يرسم المشهد

.., وهو يزاحم ذاكرتي

I've loved, I've laughed, and cried

I've had my fill, my share of losing

And now, as tears subside

I find it all so amusing

To think I did all that

And may I say, not in a shy way

"Oh no, oh no, not me

I did it my way"

نعم..,

حين تمنيتك .., حين دعوت الله بك .., حين وجدتنى .., اخترتنى واخترتك

كنت اعلم ان حياتى معك تستحق المغامره .., تستحق المعاناه ..,تستحق الصبر .., تستحق الخلود .., وتستحق الرضـا .., بل و تستحق ان احكي عنها الآن لاحفادى

وعلى لسانك ادندن مع صــوت سينااترا

For what is a man, what has he got?

If not himself then he has naught

To say the things he truly feels

And not the words of one who kneels

The record shows I took the blows

تتســرب من عينى دمعه مُباغته .., يهتز صوتى وانا ادندن

And did it my waaaaaaaaaaaaaaaaaaaaaaaaaaaaaaay.

Yes,

-with you-

it was my way.

http://www.youtube.com/watch?v=6E2hYDIFDIU

مصـر هتفضل عايشه

2010-12-02T14:00:00.001-08:00

للناس اللي قررت تشارك في الحمله الموجوده على الفيس بوك واللي بتتضمن تغير صوره البروفايل

ووضع صوره " حداد على مصر "بالشريط الاسود

بالله عليكم بلاش منها الصوره دي ..,

مـصر مش هتمـوت.., هتفضل عايشه وصامده ,بتستحمل وبتشوف

وان كان ولابد حداد و حزن ولطم خدود

نفرغ فيه شحنه غضب

خليه حداد على " الناس " في مصر

حزن على اخلاقهم تحديدا

شعب وحكومه

مممممم ممكن نخليه عزاء في ضماير بقت بتصحى وقت الحاجه و بس

الحداد على ان الناس اللي فيها لسه ميستهلوش جمالها....,

الصوره دي بجد وحشه اوووي

على الرغم من ان اللي حاطينها زيي زعلانين على اللي بيحصل لها بجد ,ومن قلبهم

بس الزعل ده كان مخليهم

يمكن شويه مشوشين

وبياخدوا العزاء فيها وهي لسه عايشه...,

برغم الحاله اللي دخلت فيها ألا ان الصوره دي بجد مستحملتهاش

بقولكم ايه ...؟

ما تيجي نجدد دمها.., نحط العلم .., نحط الهرم ..,او حتى برج القاهره

نحط رمز من رموزها المحترمين

زويل

مصطفى محمود

مجدي يعقوب

احمد مستجير

نجيب محفوظ

ام كلثوم

الشيخ الشعراوي

فاروق الباز

بزمتكم مش في كتير اوووي ..؟

والاهم من ده كله اننا نحبها..

نحبها بجد

ونحبها بجد يعني نفضل ايجابيين

يعني ننعشها بصدمه كهربا

نعرف ازاى نجيب حقها ..,

نفضل نتمنى ونسعى لها في الخير

نتغير من جوانا ونصلح من نفسنا ونبقا شاطرين اوى .., علشان نبقا اقويا

بجد .., بعلم وادب وفن واخلااااااااااق

عدّوا النكسه .., اوالانتكاسه اللي مرت بينا كلنا

وشوفوا كل حد فينا ممكن يعمل لها ايه ..؟ في مجال تخصصه

..,

علشان

ربنا .., وعلشان بنحبها وعلشان

" احنا اللي منبقاش ميتين"

وحد في يوم ياخدها بذنبنا ويحط عليها شريطه سوداء ويكتب

حـداد

طعم الحياه

2010-09-04T06:31:00.000-07:00

لا متعه تُضاهي متعه سجود قلب خاشع ..,

اللهم متعنا بالصلاه وارزقنا الخشوع ياااااااااااارب

حريه

2010-08-24T16:14:00.002-07:00

من حقي افكر في البديهيات واقبلها او ارفضها
.., دافنشي لما رسم الطياره كان رافض الشيء البديهي اللي بيقول
ان الانسان مينفعش يطير ..,
من حقي افكر في اي حاجه وكل حاجه

نحن دائما بالجوار

2010-08-13T06:46:00.001-07:00

من اربعه اعوام او ربما خمس
ظهر في حياتنا
يحدثنا من بين النجوم بهذا العشق .., بتلك اللمعه في عينيه الظاهره في بريق حروفه
و عشقت هذا العالم من نافذه عيناه
كان له طعم مختلف .., ممتع ..و محفذ
الشهب والنيازك .., القمر المزيف .., الفلك والتنجيم .., الثقوب السوداء .., ليه النظر 6 / 6
النسبيه
ذلك الاسلوب البسيط .., وتلك النقط ( …..) وكأنها فاصل للتفكير والتذوق .., اللون الازرق
وتمنيت .., تمنيت ان ارى النجوم بعينى في اليل على شاطيء البحر
وكان اول لقاء لنا جميعا هناك
كان حلم تحقق
سميته يومها .., " محقق الاحلام " ..,
صداقه قويه لست ادري لها معطيات ..,
فربما لم نعد نلتقي كثيرا ولكن .., هذا الرابط الذي لا اعرف له تفسير
الان ..,
رابط قوي في نظرتى للسماء .., في صلاتى .., وفي دعائي
ولان الله جعله سبب في ان يكون لسجودى طعم مختلف .., اصبح احق الناس بنصيب من دعائي في السجود
شريط طوييييييييييل من الاحداث ..,
فتلك اول مجموعه نجميه تعلمتها
وهذا برنامج محاكاه النجوم
وتلك احدى تدويناته
و هنا محادثه لنا سويا
و هناك تجمعنا في الاسكندريه
و هنا تجمعنا نتحدث عنه
وفي هذا المكان كانت ندوتنا العلميه ( الكون واسراره )
و هذا ..,اعمالنا الخيريه
وهنا اختلفنا ..,وهناك اتفقنا .., مراحل تطور .., نضج و جنون و زمن
امممممممممم …,
جلاساتنا الترفيهيه
مناقشاتنا العمليه
و التفكر ثم التفكر ثم التفكر
ستبقى دائما نافذتى على عالم بطعم مختلف .., تفكر وايمان وصدق

قلتها لك وسأقولها مره اخرى

ثق بأنها ليست ارادتك وحدك .., وكأن القدر قد اقسم على ان تكون
" دعمي الكامل لتصل الى ما بعد هذا الضوء "

في اي وقت تشدت رياح الحياه فيه .., اطمئن .., فهناك قلوب معلقه حلمها بحلمك .., تدعمك .., و تدعوا لك
بالتوفيق والبصيره والاراده
فهو ليس حلمك وحدك .., و انما حلمنـا فيك

شكرا لانك موجود ( بيننا ) .., شكرا لانك انت ..,

فخـوره بأننا اصدقاء ..,

تحقق احلامك وترجع تزورنا بالسلامه يا خـالد

ايه ده ..؟

2010-07-10T13:57:00.001-07:00

بكالريوس .., امتحانات .., اخر محاضره .., اخر شيت .., اخر سكشن .., اخر انترفيو
اخر رحله .., دفعتى هتوحشنى اوى
نتيجه .., نجاح
مشروع .., مناقشه
تخرج
شغــل ..؟
حياه

الحجات دي بجد ..؟؟
مش فاهمه

من جوه لسه بلعب بالعجله وشعري طاير ورايا وبضحك بصوت عالي

حداد على الوطن

2010-06-24T14:39:00.000-07:00

الحكايه الاولى : مصـر ..,

خـالد .., مواطن مصري.., مممم خلينا نخلى الصوره اسوأ شويه .., بلاش مواطن .., حرامي او مدمن مخدرات

كان ماشي في الشـارع .., جاله مُخبر قاله " بطااااقتك " قاله بتاع اييه يعنى تشوف بطاقتي ..؟

الظابط بس هو اللي يشوف البطاقه في زمن الطوااريء الاغبر اللي عايشين فيه ده

لـيه ولـيه ..؟ يقولي انا كده .., المخبر .., البيه .., الباشا ., سياده الوزير الدكتور المحافظ

جرجر يا ابني عالارض .., اسحل يا ابني كوويس .., امسك الدماغ ايووووه .., احكمها كده .., اخبط في الحيط ..,

ارميه عالارض .., ايوون كام شلوت حلويين .., وضبه صح علشان يتربى الكلب ده هو وامثاله اللي

فاكرين البلد دي لا فيها ظابط ولا رابط

يا عم طب كده من غير تحقيق ولا نيابه ..؟

ده حتـى المحكمه بتحكم بالسجن او الاعدام .., مش التعذيب ..؟

طاااخ طوووخ طااخ .., لحد ما ماات المواطن – ولانه مات احنا عرفنا حكايته – مع ان فيه غيره كتير

ماماتش

مماتش بس انضرب واتهان .., ماماتش لكن انتهكوا عرضه .., مامتش لكن انضرب على قفاه ..,

ماماتش لكن عرف يعنى ايه خوف وظلم وقهر وعجز.

الحكـايه الثانيه : الحدود الفلسطينيه المـصريه ..,

محمدين .., عسكـري مصري ..., ممم خلينا نخلى الصوره اسوأ شويه .., بيلعن ابو اللي جاب اسرائيل

.., بيأدي الخدمه العسكريه بتاعته .., ولجل حظه الهبااب مهو اصله فقري من يومه .., جت خدمته ع

الحدود

في الجنب التانى ..., عسكري اسرائيلي نكِره .., الوليه مراته مطلعه عينه ومعكننه عليه ع الصبح على غياار ريق كده

قاال الاسرائيلي ييييييييييييه هو كل يوم قرف كده .., راح معمر المسدس و نشن صح وقتل محمدين الغلبان ع الحدود

علشان اعصابه ترتاح .

الحكايه الثالثه : فلسطين ..,

ايـاد مواطن فلسطيني.., ممم خلينا نخلى الصوره اسـوأ شويه ..,واحد من افراد المقاومه الفلسطينيه

نزلت دوريه اسرائيليه عليه اخدوه .., عذبوه وهانوه لحد ما مات ..,
مات من الوجع والوطن اللي مش لاقيه ..,

مات من خضوعنا وضعفنا ..,مات الف مره قبل ما يموت من التعذيب .

التلاته مـاتوا .., التلاته اتوجعوا واتوجعنا عليهم .., التلاته هــانوا

لكن

في القصه الثانيه والثالثه ..,

كنا احنا والعرب ( الشعوب ) نثـور .., نثور على ولادنا اللي راحوا هدر .., نثور على اللي اتعذب في

السجون والمعتقالات .., على اللي ماتوا علشان ينقذوا غزه من الحصار

وفي كل مره نثور نقول : حسبي الله ونعم الوكيل في عدونا المفتري هي اسرائيل دي ملهاش كبير خلااص
طايحه في الكل كده .., والعالم ساكت ..

ونبكي ونحط الطين على دماغنا وقولبنا تنفطر على اللي راحوا .., وعلى عجزنا

وحكامنا ينددوا ويقولوا اخص عليكي عيب مش كده يا اسرائيل يا بنت المفتريه ..,

بس اما نبص على الحكايه الاولى بقاا.., نلاقي حقيقه مؤلمه .., بتقول :

ان احـنا المفتريين .., آه والله احـنا .., مفتريين وجباابره .., بصوا كده على الثلاث قصص وحطوهم

قدام بعض

الاولى ..,

القاتل مصري مفترض يحمينى ويحميك .., والمقتول بردو مصري .., ده مسلم وفي الاغلب التاني بردو

مسلم .., ده المفروض خلوق وده بردو " المفروض " خلوق .., طبعا مش ابن العرب الشرفاء القديسين

اللي مبيغلطوش

قتل اخوه في المواطنه .., قتله بغل وحقد وعـنف

طب جـاب الحقد ده منين .., عمله ايه طيب..؟ حقد عليه ليه ..؟ علشان هيبه الحكومه ..؟

حد يجيبلي مبرر وانا همسك فييه واقول .., محقوووقه ( محــرووقه ) يا حكوومه .., حقك على رااااسي .

الثانيه والثالثه .., المقتول واحد بيدافع عن ارضه .., عن فكره مؤمن بيها .., عن الحريه

والقـاتل .., عـدو .., الاصل فيه انه بيكرهني .., لا معترف بديني .., ولا بشريعتى ولا بحقي حتى في الحياه

مصلحته .., اني اموت وانتهى علشان هو يعرف يعيش " مغتصب " على ارضي

اختلف مع كل ده آه ..,لكن الواقع اننا مختلفين واعـداء

يبـقا اما احنا نعمل كده في بعض بـالـ " لا مبرر ده ولا مبالاه دي والا عقاب ده " واعدائنا يعملوا فينا

كده " بالعداوه اللي بينا "

يبقا مين المفتري على حق .., مين الجبار على حـق ..,

وبنستغرب من اعدائنا ليه ..؟

طب ما هو ده الطبيعي جداا .., النتيجه الطبيعيه للي احنا فيه . اما احنا نعمل في بعض كده .., عايزينهم

يعملوا فينا ايه ..؟

الصـوره ( جوه ) اسوأ كـتير من بره .., مش لان عدونا مفتري " بطبعه " لا لان احنا بنفتري على

بعض ونستاهل كده

لان احنا اللي فرطنا في " كرامتنا " بينا وبين بعض .., مش عايزين عدونا يفرط فيها ويبعطرها ويدوس

عليها بالجذمه ليه ..؟

(( الزل اللي جوه هو اللي خلانا نهون ..,))

احـنا اللي هونا على نفسنـا ..,

احـنا اللي ظلــمنا نـفـسنـــا ..,

احنـا اللي افترينا على نفسنا ..,

ويوم ما نعرف ازاى نرد كرامتنا ( جوه ) هنعرف نردها بره ..,

وساعاتها .., اسرائيل بجباروتها .., هتبقى في منتهى الوهن .., .., هترجع لاصلها ..,( الخنزير الجبان

) اللي عارف انه بيسرق وبيتلفت يمين وشمال

لازم نتعلم اوووي ,نفهم اووي ..,نتثقف اووي .., نعرف دينا اووي .., نطبق اخلاق المسلمين

اووي .., نخلص اووي ..,نشتغل اووي .., ونحب بدنـا " بفعل " اوووي .., وننبذ اي حد فينا يكون

غير كده نقوله (لأ ) بشجااعه الحر.., لحد ما يموت من الوحده او يتصلح حاله

ووقتها .., وقتها بس .., هنعرف يعني ايـه " حــــــــــــــــريــه " ويعني ايه .., " كــــرامـــه "

فـاكره كلمه ست غـزاويه عجوزه بتقول " الله يكون بعون ياللي بره الحصار .., نحنا عارفين مين هو عدونا وبنقاوم ., لكن ياللي بره الحصار ما بيعرف من وين بتجيلوا الضربه ما بيعرف مين عدوه "

مـــين العدو يااا بلد .., مـــين ..؟ بنسحل بعـض لـــــيه ..؟

" لو مكنـاش احـنا احنـا .., مكانش هيبقوا همـا همـا " .., سواء كان (هما) دول الكلاب اللي جوه او الخنازير اللي بره

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

صدق الله العظيم

( نقــــــــــــطه )
11-6-2010

مممم

2010-05-05T14:31:00.000-07:00

انا خـايفه اوووي
يارب طمنى

الـشُــربه في خوربه الشـعب

2010-04-07T16:52:00.000-07:00

النهارده رجعـت بذاكرتى سنتين للورا ..,

يوم اليتيم من سنتين .., نفس المكان نادى الجامعه في بورفؤاد الجميله

..نفس التاريخ .., اول شهر ابريل .., نفس الميعاد .., على الساعه 5 بعد العصر كده

طفل صغير .., يتيم وبريء

عسكري امن والله بردو بريء

الطفل : يا مااااماااا عسكري .., و خد ديله في سنانه وقال يا فكــــــيك

العسكري : بيضحك .., شقااوه عيال

انا : تربست ومش هتتـفتـح لاجيب الوااد واعمله درس مهم ان والله العسكري كـائن اليف

انا : تعااالى يا ابنى .., انت خايف من العسكري ليه .,

الطفل : بخوووف .., كده ..,

انا : طب تعالى هنسلم عليه ..,

الطفل : لااااااااااااا

انا : بص ده بيضحك اووى وجااي يشارككم في الحفله ( هو في الواقع كان في سبب تانى – بس بلاش نخرب فطره الولد )

الولد : اندهااااش وحواجب مرفوعه لفووق

- وااحده وااحده بدأ بصعوبه يقتنع .., ويقرب من العسكري

- العسكري بدأ يفتح له اديه ويقوله تعالى

- الولد بتردد يقرب ويبعد ..,

و بعد عذاااااااب .., ومجهود قرب الولد .., مد اديه .., وسلم ..,

وطلع الولد يجري في وسط اصحاابه يهلل ويقول ..,

سلمت ع العسكري .., سلمت على العسكري

وبقا طووول اليوم رايح جااي يسلم علييه .., (( مطلعش بيعُـض اهوووو ))

- كنت متخيله الحقيقه اني بكده سبت اثر في حياه الولد اما فهمته ان القـطنه مبتكذبـــ...,

قصدي الشرطه متخـوفش

اممم

كنت من سنتين وبعد الموقف ده في دماغي سؤال .., هو مش الشرطه دي مهمتها حمايتنا من الحراميه والمجرمين اللي ( بنخاف منهم ) طب وهو احنـا ليه بنخاف من العساكر ., الظباط ., المخبرين .., وكل من هو تابع للبتااع ده اللي اسمه قسم شرطه او اي حد كتفه تقيل حبتين.., مين علمنا كده .., هو احنا من زماان اووي كده بنشوف عساكر الامن المركزى وهي مقطعه المواطنين من الضرب ..؟!

بس السنه دي في الحقيقه مش شاغل بالي غير بس سـؤال

هو العسكري فعلا (( مش بيـعُض اهووو ..,؟)) زي ما كنت عايزه اعلم الولد .., ولا احرص على نفسي و اما اشوفه احود من الشارع التانى ....؟!

امبارح كان عمري عشرين

2009-12-06T11:32:00.000-08:00

من اصعب السنين اللي مـرت عليا في حياتى
صفعــات .., صدمات
اندهاشات
نتائج ..,
تطـور
ملحقش افوق من حاجه والاقي التانيه في وشي
ممم احيانا طفوله واحيان تانيه كتيير عجًز
نقله .., غـريبه
بتفرج على نفسي وبراقبها ..,
و بحاول افهم
وبتفرج اكتر على الحـياه وبستغرب
يــآه .., وكأنك يوم عن يوم
في ضباب من على عنيك بيتشال
سعات .., تقول احسن انه اتشال
عشان اشـوف صح
وسعات تقول .., لييه .., يارتنى
ماشـوفت .., منا كنت عايش صـافي بضحكتى
اللي من القلب ..!
سنـه رمـاديه .., غريبه بجد
اثبتيلي انك قـويه اووي .., رغم ان قوتك بدأت تتعبنى
بس الظاهر في قدام حاجه مهمه .., تتطلب القوه دي
ممم عارفه ان احلامي- رغم انى معرفهاش بشكل واضح-..,
كبيره ..,
ومهمه .., وصعبه التحقيق
كــل سنه وانتى طيبه يا ميووشه ..
بقيتى رشيــده .., و دخلتى المرحله التانيه من الحياه
الـ 21
عيزاكـي تعرفي انى بحترمك جداا .., وبقدرك
ومسمحاكي .., اووي من قلبي
و انك كبيره اووي في عيني

كل سنه وفوكيره كمان طيبه .., بقالى كتير مكتبتش فيكى .,
بــس رابط خاص بيربطنى بيكي وكأنك بيتى على النت
بحبك جداا ..,
لانى اكتشفتنى معاكـى من جديد
شكرا لانك في حياتى

friends

2009-11-28T16:33:00.001-08:00

انا عـارفه يا مي
انك كنتى محتاجانى وملقتينيش
وانى قصرت في حقك اووي
وانتى متستهليش مني ابدا كده
ع فكره
انا مش هسيبك .., غير ما اشوف ضحكتك اللي بجد
براحتك بقاا .., اكذبي استعبطى ماطلى
يوم .., اتنين تلاته
غصب عنك مش بمزاجكك
انا كتفك اللي تقدري تعيطى عليه من غير كسوف
انا سندك .., وقوتك اما تحتاجي قوه
بحرص وقلق وحب .., مش بدافع
من الواجب ولا وجع الضمـير

كل حد فيكم قال كل حااجه لمده اكتر من ساعه ونص

بس محدش فيكم قال كده
مع اني مكنتش محتاجه غير كده
في 10 دقايق
!!
والله الواحد ما بقاش عـارف العيب في مين
يبدو انه سبق السيف العزل
وان احدهم .., هيجي متأخر
والايام مبتستناااش
---
هو البوست ده .., ليه بهتـان كده
..؟

خلايـا مـُفرغه

2009-07-24T16:29:00.000-07:00

جـــدران الصـمت " مـُلهمتى " اصبحت الان تؤلمـني

مــتى ..؟

2009-07-13T15:56:00.000-07:00

مــــتى تخــرج مـن بيـن سـطوري..
لتـشكل ما تبقى من الحـروف
متى ..؟..؟

عشرتاشر علامه تعجب

2009-06-28T15:52:00.000-07:00

هو احــنا اللي استرجلنــا فـمعدش في رجــاله
ولا معدش في رجـاله فـ احنا اســترجلنـا
..؟؟..

يااااااااااااااااااه ... مبروك يا مصر

2009-06-18T14:31:00.000-07:00

صــوت النــاس في الشــارع وهى بتقـول
ياااااااااا رب ..ياااااااااااا رب .. يااااااااا رب
بكل طــاقتها في اخر خمس دقايق

فرحــه النــاس ... اللي بينسوا همومهم وتلاقي الشارع فرحان ومزقطط
رغم الغلب

هـى دي متعه الكــوره على حق ...

المهم تأدي وتلعب وتنافس .. مش مهم بتلاعب مين ولا مهم تخسر ولا تكسب

مــبروك يا علي يا الفي

2009-06-16T03:22:00.000-07:00

مــش لازم
حــاله مختلفه
اول اغنيه لعلي الالفي

للتحميل .. على اللينك ده
http://www.4shared.com/file/111654675/33e5ab9/___online.html

مـــبروووووك يا علي

وبـضحكتى

2009-05-29T10:39:00.000-07:00

هـلضم خيوط الحــلم في ديول الفـــــــــــراش

من .."سـفر" لـ احمد شلبي

بسـتعيدني

2009-05-20T13:33:00.000-07:00

الـحيــاه ... لان ربنــا موجــود ... عمــرها مـا هتــكسرني

بـأمري

2009-05-01T06:24:00.000-07:00

ســأُقطع خيوط عروس المـاريونت

alone

2009-04-22T12:28:00.000-07:00

deeply alone

life is not always good

2009-04-17T14:53:00.000-07:00

تــكافح في تلك الحيــاه .. كي تكون انت

كـي تحمى وجهك من قيود الابتسامه المفتعله

واللؤم السـخيف المزيف .. كي تحرر نفسك من الكذب

وتبعد عنك كل ما يدفع الى الخبث والنـفاق ...

كم هي قاسيه تلك الحيــاه ..

لماذا كل هذا الجهد ...

اسئله كثيره بلا اجابات

من سيكون المنتصر

انت ام الحــياه ... ؟!

وحشتينى

2009-04-10T14:15:00.000-07:00

مدونتى حبيبتى

...اســفه

بجد وحشتينى اوووووي

وداعا ..أشر.. اهلا بــ اين

2008-12-05T04:53:00.000-08:00

وداعا يا كل ما هو ... (اشر ...) يعنى سبعتاشر

تمنتاشر .. تسعتاشر ...

واهلا بكل ما هو ( ايـن ...) يعنى عشرين واحد وعشرين

اتنين وعشرين

كل سنه وانتى طيبه يا بنتى ... السنه اللي فاتت دي نهايتها كانت غريبه

عرفت عنك حجات مكنتش اعرفها

واستغربت .. ووقفت كتير مش فاهمه

متفـتكرنيش متضايقه بالعكس ... انا عجبانى اوي فكره اكتشافك

انتى عارفه اني اصلا بحب ده ...

حــاسه ان السنين الجايه مخبيالك تعب كتير

ومتعه اكتــر ... هتتعرفي عليكى اكتر مع الوقت

وتثقي فيكى اكتر لما تكونى عارفه اكتر عن خباياكي

وتكتشفي متعه جديده في الدنيا ... الحياه لسه بتبدأ يا بنوته

انتى ماشيه على طريق يمكن مش عارفه اخره بس حاسه بيه

انا بجد بحترمك جدا .. وبحبك جدا ... وسعيده انك انا ..مهما حصل

thanks 4 being u girl :)

كــل سنه وانتى طيبه ... لأ كـل عشرين سنه -وقعها غريب اوي - وانتى طيبه

وكويسه و شويه حجات حلوه كده

سفــر

2008-11-13T09:10:00.000-08:00

الدنيا كانت منوره اووي

على طريق سفر

فيه كل 100 متر حادثه

فـــــجـأه

الدنيا ضلمت والنجوم طلعت

.

.

.

الحـادثه الـ 100 متر دول
كانت من نصيبي

!

امبــارح

2008-09-28T08:04:00.000-07:00

اول شتواايـيـه

وحــشتنى اووي

stop 4 new starting

2008-09-20T07:59:00.000-07:00

لمــا يحصل معاك موقف ويتكرر كتير

من نـاس كتير مختلفه والمشترك بينهم انت

والموقف ده يسببلك ألم في كل مره بيحصلك

يبقا الألم و التكرار عايزين يوصلولك رساله مهمه

انت في حاجه محتاج تتعلمها علـشان ده يبطل يحصلك

وتبطل تحس بالألم ده

لمـا دوره ينتهى وانت تتعلم

وعلشان كده ده محتــاج وقفه مهمه

تعمل فيها حاجتين ...الاولى تدور على الرساله ورا اللي بيحصلك

وتلاقيها وتتعلم منها

و الثانيه

تكسر فيها نظامك اللي بتحبه

و تبنيه من جديد ... بالمعطيات الجديده ...

عـلشان تبدأ تواصل من تاني

الحيــاه

ربي لك الحمد كما ينبغي لجلال وجهك وعظيم سلطانك

امبارح تمت سنتين

2008-09-12T15:19:00.000-07:00

(ا)

(2)

مدونتى حبيبتى

امبارح تميتى سنتين بالظبط

ممم عايزه اقولك اني بجد بحبك اوي

برتاح فيكى اوي

كبرت فيكى و افكاري كبرت واتعلمت اوي

وكـل لما برجعلك اكتب او اقرأ او اتفاعل بتعلم

انتـى كنز حقيقي ...ضروري احافظ عليه واكبره

بكل لحظه وكـل فكره وكل خبره واحساس بمر بيه

او بتخيله

اتعلم الدرس وافضفض وانمينى من كـل المستويات

لانك اكتر حد بيخلينى اقعد معايا اكـتر ..افهمنى ..احبنى .. واتعلم مني ومن كـل حاجه بتحصلي
او بتخيلها او بحسها

بجد من قلبي.. شكرا

انا مـش حطول عليكى اكيد وراكي مليون حاجه تعمليها

:) بس اعرفي اني بحبك اوووي

واعرفي انك في وسط اصحابي صديقه مخلصه بـ حق

بحبك

--------

تحديث

عيب اوى اللي انا حقوله ده

بس انا كل ده وانا عايشه حياتى سابقه الزمن

على اننا في شهر 10

عيد ميلادها 11-10

خير يعنى بقا عندك بدل العيد عيدين

دو ري مي

2008-09-01T13:35:00.000-07:00

دو ري مي
...
هكـذا شعرت بهـا
وهكذا أنـت ... منسجم ...شفاف
ورقيق...

هادئ ..كتلك الموسيقى الشفائيه الخـالده
التى تخرج من قلبك لأصابع يديك
النــاصعه

شـشششش... انصت الى لحنى

دو ري مـي...

انتبه...!

فـلحني ولحنك منسـجمان

استمع الى صـوت العزف مُجتمعـاً

.
دووو ريـي مــيي

فعزفي كصدى لحنك

امتداد طبيعي لوجودك ... لوجود الكمان بين يديك

هـــــنــاك ...

تركت آلتي

وتستطحت على اريكتى البيـضاء الكبيره

استمع الى لحنك دون صداه وادندن بصوتي معك

...متأمله حركه اصابعك وكأنها تحركني

... وابتسم
وتبتسم ...

مومئاً لـي بـأن قومي و خذى آلاتك وادعميني بصداكـي وصوتك
انهض سعيده... و نعزف كلانا مـبتسمين
لحننــا المــنسجم وصداه

...تخــرج

و اتسطح على اريكتى ادندن لحنك حــتى الصـباح
:)

...

الحــريه

2008-08-03T13:22:00.000-07:00

بيضــــــاء ...ناصعه البياض

طـفله سعيده ... تلهو بدراجتها وتتبعها خصلات شعرها المفرود بلا رباط

صقر يشق السمــاء

نــورس ممشوق الجناحين ... يعبر في حاجز الهـواء كـالسيف بحده

فحتى حاجز الهواء الهين لا يطيقه

قفزه عــاليه مطاطيه... بلا جازبيه

آه ه ه عـــاليه ... لا تدع سكـان الارض ينامون بسلام

سمــاء لا يدرك نظرك حدودها

بحــر بلا شاطيء

رجل راشد ... وامرأه في كامل عنفوانها

جـواد يرمح بلا لجـام

!!ضـوء قمـر ...تسير عليه حتى تصبح ...هنــــاك

ضـــــــحكه ماسيه

قـلب سعيد

عقل مفكـر

قدرات لا تعرف لها حدود

اكتــشاف

نـور ثم نــور ثم نـور

الحـريه

عــقيده اتقنها ... كـما تتقن الفتيات الانتظار

اسلوب حيـاه

برائحه النعناع ونشاط الصبـاح وفرحه المحبين لحظه اللقـاء

صحوه الطـاعه

سجــده قلب خاشع

من كونك عـبد لرب الحريه تنبع طاقه حـريتك
من كونك (عبد) له وحده ... لك حريتك فهي حق لك من عند الله
الحــريه هي نـور قلبي ... وضي طـريقي

فـ اجعلها في قلبي ومن حولي يا الله

---------

لعلنا نقدر قيمه الحياه ونحن احياء

اعتقد حياتنا حتختلف كتــــير

بتفــرح اوي

2008-07-26T07:08:00.001-07:00

لــما تــنوي تاخد وقفه

وربنا يساعدك

وتاخدها فعلا

وبعدين تـجني ثمارها

توصل للرضــا

ومن بعده السعــاده

وتقول لنفسك في المــرايه بثقه

صباح الفل يا قمــر ...شكلك حلو وانتى سعيده

وسعادتك مفرحاني ومطمناني عليــا معاكي

الفــتره من 19-7

لـــ24-7

فتــره مهمه في حياتى لازم تتسجــل ...علــشان اشكر ربنــا واشكرها واشكر ناس كتير

لما اجني ثمارها الي شيفاها اهي بتتابع وبقيتها اهو جاي في الطريق

عنـدما تحب

2008-07-19T02:55:00.000-07:00

عندما تحب فإن رموش عينيك تبدأ في الصعود والنزول وتخرج نجوم صغار منها

بلون الالماس ... تتلألأ وهى تخرج من لمعان عيناك الصغيرتان

تُــصدر صوتـا سحريا ... كذلك الذي نسمعه مباشره بعد ألقاء التعويذه في حكايات الكـارتون

اذا اشتقت الى من تحب ... تسقط منك دموعا كـالذهب

لتصنع بركه من الكنوز ...اسفل قدميك ... تتأملها لترى صوره من تـحب تسطع على سطحها

وحين تمــطر السـماء

...تركض تحت المطر بجنون

ثم تقفز عـــــالـيا لتتزحلق على قوس قـزح ...وتأخذ منه قطعه ..تتذوقها

وتستمتع بمذاق الحلوى اللذيذ

وانت تــلهو على السحب البيضاء المطاطيه الناعمه

...تـأخذ نفسك بين ذراعيك ... وتحتضنك بشده

وتعود لتفردهمــا وتطير ... تطــير

لتعود وتسبح بين النجوم الصغار التي كانت قد خرجت من بين عينيك

عندما رأيت حبيبك في الصبــاح

واستقرت هناك ...على تلك السجاده الزرقاء الكبيره الموجوده بالسماء
تـــطير وتطير ... بابتسامه و فرحــه بداخلك

في وسط السكون الازرق ...تنعطف وتدور
وحين تعود الى الارض
تـاخذ نظـره الى مكانك بالأعلى ... لتُـفاجىء بأن عدد النجوم قد ازداد اليوم كــثيرا
تنام كـالملائكه ...بابتسامه مشرقه
... سعيدا بان عدد المتحابين في تزايد مستـمر

من غــير زغاريد

2008-07-15T11:17:00.000-07:00

كــل يوم في ليله ظهور نتيجه الثانويه العامه

وبعد مـا النتيجه تظـهر بدقايق

تبــدأ تسمع الزغاريد كــل شويه كده

تسمع زغروده ( الكلمه دى غريبه اوى ) ممم

امــبارح بقا ...ليله النتيجه السنادى

!!! كانت ليله من غير زغاريد

مـش حقول اكتر من كده

تــبـاً

2008-07-03T15:57:00.001-07:00

عــندما يكــون لك الحــق

كــل الحق في شيء مــا

من كـل الزوايا.. دينياً , منطقيـاّ واجتماعياّ

ولا تـستطيع اخذه ...لانه ببساطه امرك (مش بـأيدك) وقتها

فقط

تشعـر بالــعجز والاحتياج لا بـل (الحــوّجه)...ممم

احــساس يجعـلك تثــور

وتقــرر تنفيذ ما اردت تنفيذه

واخذ حقكك رغم عن انف الجميع

بــقرار جريء ومباشر

واصــرار على التنفيذ

حــتى لو لام عليك النـاس بعد ذلك

((حــتبقى بينك وبينك راضـــــــــــــــــــــــــــــــــــــــــــــــــــــي))

الانســان

2008-06-24T09:32:00.000-07:00

...عــــارف

جوه قلب البـحر ... في اعماقه بعـيد

في كنــوز وعـالم مليان ..غـريب ومــبيـنتـهيش

ميـستـمتعـش بجـماله غير الي حـابه

...وعـنده شــوق يكــتشـفـه ويعــرف جـواه ايه

انـت كـمـان كـده زيه ... جـواك كـــتير

انســان لا محدود

فخــليك من الي بيحبـوا

...يـــكـتشفـوك

سنيمــا

2008-06-20T13:07:00.000-07:00

طاقه بكـاء مخزون بين الضلوع

تذكره سنيمــا

فيلم مؤثر
.

بــــكاء

بــاب الخروج

صوتك يدندن بأغنيه التتر

...وينتهي كـل شيء

وطن جماعي

2008-06-16T15:29:00.000-07:00

اذا اردت يومـا ان لا تشعر بالغربه

... فقط...

ارفع رأسك ...

وانظر الى السمــاء

فالفضــاء >>>وطن

موبـايلي الجديد

2008-06-03T11:30:00.000-07:00

اليوم تبدأ مرحله جديده .. هل سأتمكن الان من تسجيل اللحظات ..
اخيــرا حصلت عليها ... حصلت على كاميرا
امل ان تفي الـ 3.2 ميجا بالغرض...
هل سـأتمكن من تسجيل المشاهد لتخرج في مخرج اوسع من حيز رأسي الضيق
هل سـأتخلى عن امنيتى المستمره في ان يشاهد الجميع الصوره التى هي في رأسي
مبـاشره بعد ان اغمض عينى واتمنى ذلك
هل سـأستطيع التقاطها كما هى في رأسي
هــل ستكون لي اصداراتى الخاصه عن من يسميه المصريون

" يبقا انت اكيد في مـصر "

كــم انا سعيده لذلك
وكم اخشى على جهازي من تخمه الصور الديجــيتاليه
كم انا سعيده بموبايلي الجديد

الذى ستُـرسم عليه شخصيتى فيكفي ان تحمل موبايلي لربع ساعه

و"تتفسح فيه شويه" لتعرف كيف افكر

فهذا هو نوع الاغانى الذى افضله
وهذا .. صوت قارئي المفضل
وتلك هى خواطري التى غالبا ما اكتبها في الشارع اثناء السير
و في وسائل المواصلات
مممم وهذه هى النغمات المخصصه لاصدقائي كما احبها

..." على مزاجى "

- انظر بشماته لموبايلى القديم الذي كان يجبرنى على استخدام نوع معين من النغمات

التى كنت اكرهها بشده
واشعر انى كـــشعب مصر ذو الموبايل الواحد والرنه الواحده ماركه نوكيا ...
عندما كان يرن موبايلى القديم ينظر الجميع لشاشات الموبايل للتأكد من ان الرنه

" مش عندهم "
وافعلها انا يضا
حين يرن موبايل احدهم ...
يالها من ذكريات لعينه ..
اوووووف ... ربما احتاج الى اطلاق اسم على موبايلى حبيبي الجديد -
!!ما علينا دلوقتى

اعود لشخصيتى الموبايليه ..
مممم
تلك هى صوري التى احملها من فليكر
وهذه هى ذكرياتى مع اصدقائي
وهذه هى مجموعتى "يبقا انت اكيد في مصر" من تصويري الخاص
مممم في المره القادمه التى ارى فيها رجل على وشك السقوط من على حافه حائط عماره
ولا ادري ان كان احتياجه للمال كافي لاقناعه بالصعود الى هناك ... سأتمكن من تصويره
وفي المره القادمه التى ارى فيها سفينه العالم او يخت شراعى "يهبل" ... سأتمكن من تصويره
صوري الخاصه ... نعم
في المره القادمه التى ارى فيها احد عساكر المرور وهو بياخد رشوه

في وسط شوارع القاهره سأتمكن من تصويره .
واي شيء غريب ...كالأزياء الجديده الخــاصه بالشباب والتى تفوق تلك الخاصه بالبنات غرابه
ولكــن هل من حقي... هل كل من حمل كاميرا او موبايل متطور له حق في تصوير خلق الله وافعالهم
في الشوارع ...
ااه من التكنولوجيا
لا يـهم .... فسـأقوم بالتصوير مهما كانت نتيجه هذا التفكـير

كــل ما اعرفه الان هو انى سعيده بتلك الخطوه التى انتظرت ثمنها طويلا

يملأني الحماس عن ما ستدونه كامرتى الخاصه ... وما سيحمله موبايلي الجديد الذي لم أطلق عليه اسم بعد

أعلنها من الان انها مرحله جديده أكثر عمقا في تسجيل الاحداث بمعنى ادق

( تاريخى الخاص بالصور )

كــل ما فات هو استحضار لاحساسي بالموبايل الجديد

"الي لسه مجاش"

ربما يكون له نكهته الخاصه ... حين يأتى
...اتذكر الان كلمات روزاليا

( لما تعوز حاجه اوى تشوفها اوى حتحققها اوي )
موبايلي الجديد ... انا جيااااااااالك اهو

:))

اشــمعنى هــو يعنى ...

2008-05-15T05:34:00.000-07:00

مهـو اصل كل واحد وخصوصا الجيل الي قبلينا ده

نفسه ابنه يطلع زيه ... زيه على اساس طريقه يكون ممهد بالخبره والعلاقات ...

طب واشمعنى هو يعنى ... !!

الدكتور عايز ابنه يكون دكتور

المهندس عايز ابنه يكون مهندس

...دكاتره الجامعه و الصنايعيه كمان

مـــا عادا الممثلين ... يقولك اصلي بعد ما شفت متاعب المهنه ... منفسيش ابنى

...يتعذب فيها

واهو كويس الحمد لله ان الراجل مطلعش ممثل

وان المهنه متاعبها مش كتير اوى ... يعنى

...فـ اشمعنى هو يعنى

...المشكله بقــا

انه يطلع ابن الوز عــوام

ومشكله بردو لو طلع ابن الــوز

...مش عــــوام

ممممم ... طب ونحل المشكله دي ازاى دلوقتى ...؟

-----------

(تحديث...(البوست عن التوريث والاعتراض عليه من القله المُندسه

صــعب

2008-05-08T03:05:00.001-07:00

صــعب ان تجد نفسك واقفا

هنــاك

على حدود الشعره التى تفصل بين المتناقضات

ممم ... والاصعب

ان تقتنع بـأن وقوفك هناك هو الصواب

وانه المكان الاكثر امانا للوقوف

وربما السير

حجات كتير

2008-04-30T14:37:00.000-07:00

حجات كتـــير اووى

ملـــخبطه ... وانا تايهه جواها

وخايفه

ومدرســتى وحشانى اووى

...بشكل غريب

يـــــــــــــــــــــــــــــــــــــــارب

يــــــــــــــــــــــــــــــــــــــــــارب ... يا حبيبي

....لا تـُفقدنى حلاوه حمدك

تلك اللذه التى اشعر بها في اعماق قلبي

لا تـُفقدنى اياها رجاءا

يـــا رب

كـــنا ســوا

2008-04-23T16:46:00.000-07:00

كـنت في حاله غريبه ... مضغـوطه بدرجه مش طبيعيه

لدرجه اني مش قادره اسمع حد ولا حتى قادره اتكلم

مكنتش حتى لاحقه افضى الي جوايا علشان اعرف استوعب من جديد ...

مممم

بـس كان نفسي اروح لها من اكـتر من سنه .. رغم ان الظروف مجمعتناش قبل كده

وكنت بس بطل عليها من بعيد ..

الا انها صحبتى وبتوحشنى اوى اووى اووى

ممم وجه الوقت اخيرااا

سيبت كل الالتزامات وسيبت الدنيا وروحت لها

وقعدنا ســوا..قعدنا على حصيره ازرق في احـمر

متقونه اوى

وطارت بينا الحـصيره وركبنا اله زمن

وفجـأه لقتنى بسـمع لهـا

وحصل وحكتلى ... عن ايامها ولياليها

غناها وسهرها .. تفاصيلها

عـراقتها واثرها الباقي ...

قـد ايه اصيله .. وحضنها دافي ... ومليها الذكاء

مممم...

وفرجتنى على حجات ياما

....وشدتنــى منـها اوى

حرفي شــاطر في ورشته مندمج اوي في شغله وحابب الى بيعمله
صوت الدقدقه في ايده مزيكا دايبه في دوشه السوق

ووقت الصـلاه ... والشوارع فاضيه والمساجد

والكتاتيب بصوت الهدوء المنتظم
بتفاصيها مليــانه خلق... وليها روحانيات خاصه
بريحه الــورد

و حكايات خيال الظل

على القهوه العتيقه هناك

في ليل نسيمه منعش والقمر بدر منور

ونجــوم كتير في السما مرسومه وبتلمع اوى

وتعبيرات وشوش مستمتعه ومتفاعله مع الحكايه

ومبسوطه بالـسهر واليل

ممم...

وحصل وعشقتها بعد ما شفتها

رغم انى كنت في الاصل بحبها

...

وسهونى .. واخدونى منهـا فــجأه

ووعدوني انى حرجع لـها تانى

وحنقعد مع بعض اكتـر

وحتحكيلي اكـتر ... وانا حسمع لها مهما كانت ضغوطى

اه ... مهو انا اصلي بحبها

...

حتوحشنى تفاصيلك .. الوانك .. ناسك

وحواريكي بـأرضها المقسمه الاصيله

وجــدرانها الفخمه المبهره

...بناتك بطرحهم الـناعمه المكسوفه الطاله من مشـربياتك

وريحه الورد فيكـي ... ورد الحكايات النضر القديم

تجـــاعيد وشـك الـشاب بحواديتها

وحضنك الدافي

المليان اثـر وغموض وسـحر

-------

الصوره الى فوق من تصويري الفظيع

من رحلتى لمصر القديــمه (صحبتى)الاخيره

اكسير التفاؤل

2008-03-29T06:44:00.000-07:00

من حوالى قرن من الزمـان ... كنت ضمن الناس الي طلب منهم

احمد ..( مبرمج حـر) يحلوا التـاج ده

ومن يوم ما قـرأت اسمه جاوبته عندي ...

وبيتهيألى معدش ينفع اأجل وجوده على المدونه اكــتر من كده ....

التـاج كان عباره عن انك تكتب ايه الحجات الي في حياتك ... بالنسبالك اكسير تفاؤل

-----

لـما تتكلم مع الدفعه الجديـده ... وتتصاحب عليهم .. وتحكيلهم عن الحياه الجامعيه -

وتبص اوى في عيونهم وتلاقي محورهـا انت... تحس انه وجودك في الحياه مهم .. وله معنى

ده اكــسير تفاؤل

لمـا تدعى ربنا اوى علشان حاجه عايزها .. وتلاقيها بتتأخر .. فتبقى بتدعى وانت زعلان ..

وتحصل حاجه تقولك .. ان الحاجه دي مكانتش خيـر ليك .. تترسم على وشك ملامح الكسوف

وتحـمد ربنا وتقوله شكرا يـا رب... انت كنت عارف اكتر مني

ده اكــسير تفاؤل

لما تدعى ربنا بحاجه انت عايزها بردو .. وتلاقيها بتحصل قدامك وبقت حقيقه .. يــااااه

بتفرح ساعتها انه ربنا بجلاله سمعك وحقق لك الي انت عايزه .. وتفرح بده اكتر من فرحتك بتحقيق مرادك نفسه

في الفرحـه النقيه دي ... اكــسير تفاؤل

لما يكون في مشروع خيري .. وتلاقي النـاس بتجري .. الف مين يشارك

تفتكر قول الرسول عليه الصلاه والسلام ... " الخير في وفي امتى الى يوم الدين " صدقت يا رسول الله ...

اهو ده اكســـــــــــــــير تفاؤل

لـما تبص حواليك وتلاقي ان في فحياتك .. اصدقـاء مخلصين .. جدعان اوى .. بيحبوك اوى

لانك انت انت وبـس ..

ده اكسـير تفاؤل

لـما تتأمل الدنيا من حـواليك وتشوف الـبــــــــحــر و السما

الورود .. الاوان والبلاد والبشـر ... يقين جواك يقولك سبحـانك يا رب يا خالق كـل ده

الحــمد لله انك موجود ... الحـمد لله اني بعبدك انت ...

اهو وجود ربنا ده ... اكــبر اكسير تفاؤل

لـما تكون واثق اوى اوى في حكمه ربـنا وقوانينه في الارض حتى

من غير ما تشوف .. ومن يقينك ده تلاقي ربنا اهو بيوريك انت يا ضغيف حكمته

ده اكسير تفاؤل

لــما تبص للسماء والنجوم وتحس انك عارف دروبها وحواريها ... وتلاقيها ثابته معاك في اى عالم او مكان غريب ..

ده اكـسير تفاؤل

لـما في يومك تعمل حجات كـتير اوى .. وتبقا تعبااااااان

وفي اخر اليوم تقول الحمد لله .. وتنام وتحس المعنى الحقيقي

لراحه الضمير ... في احساسك ده اكسير تفاؤل

لما يكون في حياتك العدد ده من اكسيرات التفاؤل .. وتبقا عارفها ومدركها وحاسسها ... ده في حد ذاته

اكسير تفاؤل

لـما تقابل ناس لسه عندها ضمـير ... اكسير تفاؤل

لما تقابل ناس لسه دماغها حلوه وبتفكـر ... اكسير تفاؤل

لما تتعرف على نـاس لسه مؤدبه ومحترمه وعندها اخلاق ... اكسير تفاؤل

لمـا تقابل الي لسه حلمه عزه الاسلام والمسلمين و حيـاه احسن لكل بنى ادم ... اكسير تفاؤل

لـما تكلم او تسمع ... حد مش على دينك او جنسيك .. مختلف عنك و تلاقيه بيحكم على الامور بموضوعيه ... اكسير تفاؤل

لـما انت تلاقي نفسك نجحت في انك تحكم على حاجه بموضوعيه ... اكسير تفاؤل

لـــما تلاقي نفسك من الناس الى قادرين يشوفوا اكـسير التفاؤل في حياتهم . وفي غيرك مـش عـــايز يشوفه ... اكسير تفاؤل

لـــما تترمى في حـضن امك ... اكسـير تفاؤل

الصــلاه والقران.. اكسير تفاؤل

الشــــتاء اكسير تفاؤل ... وخصوصا قعده البحـــر المنعشه في الشتا

اكـــسير تفاؤل

دراستك .. شغلك .. عنيك .. ايدك ..لسانك .. عقلك ... في وجود كـل دول وغيرهم ... اكسير تفاؤل

الفرح والحزن ...التعب والراحه ... الانشغال و جزء من الفضا ... اكــسير تفاؤل

اكــبر اكسير تفاؤل .. لمـا تكتشف في نهايه التاج ان الحــاجه وعكسها في الدنيا دي بالنسبالك اكسيـر تفاؤل

بس المهم انت بتفكـر فيها ازاى ..بتستقبلها ازاى ... والاكثـر اهميه انـه ربنـا دايما موجـود ...

----

انا مـش بحب احدد حد بعينه يجـاوب التاج ... بس بجـد انا نفسي اى حد يقرأ التـاج ده يجاوبه

لسببين ....

1- اننا نتشارك مساحات التفاؤل في حياه بعـض ... ممكن حد يلفت نظرك لحاجه انت مكنتش شايفها

فتزيد عندك المساحه دي ... يعنى نستفيد من اختلافنا

2- انـك كـل لما تكون متضايق اوى ومخنوق ... وتفتح الصفحه بتاعتك وتقرأ اكسير التفاؤل الخـاص بيك او بغيرك

احساسم حيختلف ومودك حيتغير ..(متجربه ) على فكره

لو انت حد قرأ ومعندوش مدونه ... ممكن تجاوب التاج في اى ورقه عندك وتعينه في درج المكتب وتستفيد بالسبب رقم 2

اه على فكـره كوني اشاركم البوست ده وانتوا تقـرأوه

ده اكــسير تفاؤل

حـــمار ...لامؤاخذه ...؟

2008-03-24T07:09:00.000-07:00

اذا حــد جه في يوم وقالك يـا

حـــمــــااار

...متـسيبش الـموضوع متعلق كده

....روح اتحـقق من الاشــاعه دي ... لحسن تطلع الحــكايه جد

...بـــص في المـرايه

...اذا لقيت حــمار ...ازعل اووي وحــاول تلاقي حل للمشكله دي

...لــكن لو لقيت نفسك بنى ادم عادي يعنى

يبقا فوكك ... وكــمل المشــوار

وانت بتحمد ربنا انك بني ادم ومش حمـار

الـــحـمد لله

تـطلُع

2008-03-11T14:20:00.000-07:00

يــا ترى في ايه هنـاك ... ورا الشـمس

زمــــان

2008-02-23T03:56:00.000-08:00

...زمــــــان

كـــنت هنا حــره

العـاصفه تشتد

2008-02-19T15:31:00.000-08:00

هــاهي العـاصفه تبـدأ من جديد ... او ربما تشتد اكثر من مـا هي عليه

في لياليها الـعاديه .. التى اصبحت تبدو لي الان اكثر صـفاءا

...

لا ادري ... لحسن الحظ ام لسوءه ... انا مضطره لـ إنهاء تلك العـاصفه في وقت قياسي

بـإتخـاذ القرار فورا ...دون ادنى فرصه للاستجمام

اممممممم

ربــنا يستــر

ســجل يا تـاريخ

2008-02-15T14:16:00.000-08:00

في وسط فتره غريبه ... بمر بيها ... فيها احساس قوى جدا
بعدم الرغبه في التدوين هنا
خـــــــالص ...
زلزل هذا السكــون حدث رهيييييييييييييييب

غرييييييب .. مُرييب

.
مكنش يووومك يا فوكيره ...

ااااااااه ياني على الي جراالك

بقا انتى يحصل فيكـي كده ... من غيير علمك
يــــــــــــــالـ العــار
يـادي الفضيحه امو جلاجل
يادي الجرسه امو حنااجل
ااااااااااااااااه ياااااااااااااااااااااااااني .... يــارب ايه الي حصلي ده ...
ليستحييل ابدا ... مش ممكن .. لا لا لا لااااااااااااا

لاااااااااااااااا

لــست انا هذا الــرجل ... ولن اكوون

ابــــــداااا
.

الـ انا قـاعده لا بيا ولا عليا ... بناقش مع احد اصدقائي مشكله ازمه التدوين الي اصابتنى دي
ولقــيت اخويا داخل من باب البيت وبيقولي
.
.
.
انتــي عملتي عضويه في الحـزب الوطني

قولتله :لا ممكن ابدا ... قالي: خدي
!!! واداني كارنييه الحزب
وفجـأه اترفعت حوااجبي لفوووووق ... لفوووووووق ... لفوووووق

وازبهلييت وتنحت
ايه ده ... امتى ..؟ وازاى ...؟ والله العظيم ما عملت ...والله العظيم اخر مره روحت مقر الحزب كنت

بحجز كورس
ومـروحتش اخدته كمــان

انــا مقرأتش برنامج الحزب ولا اعرف سياسته ... علشان اقول انه وحش او حلو
بس انا كـ باقي الشعوب ...
عندى موروث شعبي .... ان الحزب وووحش... وووحــش
وانا شخصيا عندي ومش مستعده اعيد النظر.. انه حاجه متصحش ابدا العضويه دي ... وكل الي يسألنى عندى عضويه فيه ولا لأ
اقول له : فـــــــــــشر وانا وش ذلك
لا ممكن ابداا

واذا هو الخبر ينزل عليا كــالصاعقه ...

اخويا قالى اني اديت بياناتى لحد من اصدقاء والدي يعملهولى ... بس انا الحكايه دي مش في ذاكرتى ابدا
ازاى يعنى اكون بقول كده للي يسألنى على عضويه الحزب ... واخلى حد يعملى عضويه

عندي شيزوفرنيا انا يعني ولا اييه ...؟

وهو اصلا ينفع حد يعمل لحد عضويه في اي مكان ...

لا وخدوا المصيبه الكُبري ... اني مطلوبه علشان ادي صوتى في انتخابات داخليه خاصه بالمحليات باين ...

ينهاار ابيض .. ينهاار ابيض ... الله يمسيك بالخير يا مدحت يا شلبي

ومبروووووووووووووك لمصر ...

مكنش يومك يا فوكيره

يا شماته ابله ظاظا فيااا

اعمــل ايه انا دلوووقتى ... عااااااااا

حــقيــقه

2008-01-21T13:26:00.000-08:00

((لــو مش احنـا احنـا مكانش حيبقـا هما هما ))

اه والله العظيم بـجد

حقيقـــه وحفضل اقولها طـول عمري اول و تـاني وتـالت

عـارفه اني اتكلمت علنها هنا قبل كده

بس تــاني
((لــو مش احنـا احنـا مكانش حيبقـا هما هما ))

ان كـان الي بيحصل فينا من حــكـامـنا العـرب و لا الي بيعمله الاسرائليين في اخواتنا

ولا امريكـا ولا ولا

ده بسبب عمايلنا الســوده وعمايلهم كمـان

بجد احنا حـالنا بقا يقرف ...

عمــر مــا المشاهد الي فوق دي مـا حتنصلح ... الا لما نبدأ كـل واحد فينا بنفسه ... يلتزم بمبادئه هو على الاقل.. بقناعاته... واخـــلاقه

و يطبقها صح

ممـكن نغلط اه.. ده طبيعي ... بس بلاش نخلق اعـذار

خلينا نحاول كل واحد فينا مع نفسه يكون احسن

كفـاياها بقا الارض ... تعبت بقالها كـــام سنه

بتصــرخ بالــعربــي ...

نفسي مـره
اصدق قول الشاعر

ان ...الارض بتتكلم عربي

انا حاولت اختار صوره واحده للبوست بس الي

حاصل متنوع اكتر من اني اختصره في صوره

اكبر حتى من اني اختصره في صراع اسرائيل

وفلسطيـن زي ما غالب في الصور...اكبر من انه يكون بسبب الحرب وبس

الجروح بقت كتير

جـوه وبره وفوق وتحت وعلى الجناب

انا مش حقعد حزينه في بيتنا

بس ححاول وبحاول احزن على حالنا بطريقه غير البكا

ححاول وبحاول بجديه اكون احسن

علشان اكون جزء من التغير

تــاني ...

((لو مش احـنا احنـا مكانش حيبقا هـما همـا ))

وانا معنديش استعداد استمر على احنا

الي احنا فيها دي ... والله المستعان

خــوف

2008-01-06T04:23:00.000-08:00

اسـتكشـاف ماليه الـخـــوف و الحمـاسه من حـاجه
منعـرفهـاش

طـائر نـورس

2007-12-31T15:30:00.000-08:00

بتبقا بجد متعه لما تركب المعديه

و متكونش متـأخر ... وتدور على ابطأ معديه في الكنال ... بورسعيد 3... للي مش من هنا دي بجد ابطأ معديه في التـاريخ

وابطأ منها واحده بس... بورفؤاد 7 ... قديمه اووي ومش بنشوفها كتير هنا

المهم... تـركب وتنقي لنفسك مكان بيـطل على الميه على طول

وتستمتع بأبطأ رحله كناليه في التـاريخ

يستحسن انك تكون لوحدك ... وتبدأ

التــــأمل

بجد من اكتر الاوقات الي ذهنى بيكون صـافي فيها

المعديه ... صومعه التأمل والراحه النفسيه وصفـاء الذهن

والتــفكـير

يــــــــــــــاه بجد متعه ... بتتـعلق بيها اكتر يوم عن يوم

النورس ... السفن الي سعات بيكون ليها اشكال غريبه ... البحـاره العمال

الي راكبينها و ملامحهم مختلفه عننا من كـل شكل ولون ...وتفكيرك فيهم يا ترى المركب دي من اي بلد ورايحه فين ومعموله علشان نقل ايه ..؟

الاولاد الي بيتمرنوا تجديف او سباحه ... و اليخوت الي تعقد والي راكبينها...و السفن السياحيه المُبهره... النـاس في النوادي الي بتطل عالكنال

و الدولفين لو حظك حلو ...وقناديل البحر عايمه... الاوناش و انعكاس النور عليها وقت الغروب ... السمـا و الهوا المُنعش ... و النجوم في الليل ... الشيء المشترك بين كل سكان بورفؤاد

وحجات تانيه كتير بعشق تفاصيلها

المهم

في الوقت ده من السنه
طيور النـورس بتملأ الكنـال ...

وكتيـر من اهل البلد دي تملي يعملوا حسـابهم ... كل واحد وهو نازل وعارف انه حيركب المعديه يجيب معاه شويه

عيش ... ويقطعهم قطع صغننه ... ولما المعديه تمشي ... يجي جنب الميه ويرمي العيش للنوارس

يـــــــــــــــاه

وتتلم النوارس كلها و تنقض على فطـارها او غداها ... و تحس انك لو مديت ايدك حتمسكها

و تبقا خايف منها و فرحان بيها ...

خايف من قربها الشديد و تكتلها و حدتها وفرحان لان بجد شكلها يفرح ...

مشهد يستفز اي كاميرا انها تجري وتلقطه

وفي اخر مره كنت في رحلتلى الكناليه ... و لحسن الحظ كنت فيها لوحدي زي ما بحب

كـان في مجموعه نوارس.. وراجل كبير في السن بيأكلهم... والكل بيتابع المشهد وهو ما بين سعيد وخايف

ومستني يشوف حيعملوا ايه المره دي ..؟

و الراجل بالصدفه حدف العيش لفوووق.. مرماهوش في الميه على طول

بصينا كلـنا ...لقينا طـــائـر نــورس ..انطلق واخد العيش وهو طـاير في الهوا ...

قبل مينزل المـيه

كـل الي بيتابعوا المشهد ضحكوا مره واحده وهما متفاجئين

والجميل ان الـراجـل عجبته الفكره

وقال للطـائر "الله " وهو مبتسم

وبقا يمسك قطعه قطعه ... يرميها في السما و طــائــرالـنـورس

مع حركه ايده متابع... وهووب يطيير و ياكلها

و متفلتش منه واحده

بعد ما درب نفسه عليها كام مره

و انا بتأمل المشهد ... سرحت في عيون النـورس ده

يـــــــــــاه ... قد ايه مــركز .. قد ايه بيتــحدى ... قد ايه مُصـــر ...قد ايه نظـرته ذكــيه...قد ايـه واضــح ...قد ايه هو غير كل النوارس الي بتستنى الي يقع منه

في الميه ويـاكلوه ... صحيح في مجموعه نوارس عجبتهم الفكره وقلدوه

بس بجد ده كان فيه شيء مختلف ...

قـد ايه اثرت فيا عنيه العميقه الي فيها كلام ... قد ايه شحنـت قلبي بطاقه

وعقلي بـأفكار ...

كـان نفسي يكون معايا كاميرا ...علشان اسجل النظره دي

بـس اكتفيت يومها بكاميره ذكرياتى

وقررت اسجل الذكرى دي هنـا

وحترامي ..للطـائر ده

انـا سعيده اووى ان ربنا اختارني اكون من الناس الي شافوا المشهد ده

اكيـد له في مســار حياتى

اشـاره ودليل

------

---

الصوره للمصور البورسعيدي الي دايما عيونه تلقط تفاصيل البلد دي

وليد مُنتصـر

http://waleedmontasser.blogspot.com/

!!!... ايـــــه ده

2007-12-23T03:57:00.000-08:00

!!!...انـــــــا كــــــــبـرت ولا ايـــه

...,...,...

عيد وكده ...

2007-12-19T03:16:00.000-08:00

من قبل العـيد بكتير ... نستعد ... نجيب الي تحت البلاطه

وننـزل نلف ونلف ونشتري هدوم العيد

كـل حاجه جديده هدوم خروج وشرابات ولمؤاخذه جزم ومفيش حاجه تعجبك و متشتريهاش

..و ضروري بجـامه العيد

امال ايه...؟

وتهل ليله العيد ... و الكل بالدوور.. ياخد الشاور التمام ... ويلبس بجــامه العيد ...

ويجي ينام يلاقي نفسه مش عارف ينام

فرحـان ...ومتوتر وبـيرتعش..ومش عارف ليه خايف الصبح يطلع

وافكار في دماغه بتدور ... حقابل صحابي امتى ... يووه مش حنعرف نخرج اول يوم

يا ترى الواد ابن خالتى الصغنن كبر ولا لسه

حنسافر على طول بعد الصلاه ولا ايه النظام

يـا ترى مين اول حد حنفتح له الباب

طب ومين اول حد حيفتح لنا البـاب

يوووه ... حنطلع سلالم كتير اوى بس ميضورش اصلهم بجد وحشوني

....,....,....

وبين زحمه افكاره ورعشته الي مش فاهمها ... يمكن يخطف له نص ساعه او سـاعه قبل الصلاه

يصحى من نومه متـأخر ... ويجري في البيت علشان يلبس ويلحق الصلاه

وتملى يتوضى و ينسى في لهوجه التأخير يصلى الفجر ....

..يروح جـــري على السـاحه

وتملي يحب يتأمل الوشوش

ويتغـاظ من الي بيرغي وسـايب التكبير

وفي وسط التكبير يقوول اخ نسيت اصلي الفجر ...

يقطع تكبيره ويصلي ..ويرجع يكبر تانى

و في وسط التكبير... ابتسامه لصديق و لحبيب ولقريب

و نقوم نصلى العيد و يفرح بـصوت رجلين الناس على الارض وهي نازله للسجود ...

صوت بيفرحه ويرهبه

وبعد الصلاه... تبدأ التهانى ... كـل سنه وانتم طيبين

اصحابه من الكليه على المدرسه على اصحاب تانيين كتير مش قادر يحدد منين ...

ويـروح يلاقي الجزارين منتشرين في البلد و الاضحيات خـايفه

وصوتها مرعـوب

ويغمض عينه لما يلاقي واحده بتندبح

ومعدته تقلب لما يشوف الــدم

ويشم ريحه اللحمه الضاني الي عمره مـا حبها

بس بردو بيبقا فرحان بالعيد ... و احساسه غريب مش قادره يحدده

يـكمل يومه بخروج وزيارات وتلفزيون مفتوح فيه من مسرحيه لفيلم قديم من بتاع الكفـار

وعديه تًمـلى يعدها و يشوف وصلت لكـام وحيعمل بيها ايه

طبعا لعبه العيد شيء اساسي.. ومن بعدها يشوف حيعمل ايه ...

لعب وجري ومرح ... وهدوم جديده .. واحساس مش فاهمه

و شيكولاته بالفول السوداني يشتري منها كتيير

...لانه بيحبها

وتـفكـير

اممممم

وحشتنى اوووى الايام دي بتفاصيلها ...

وحشتنى في عيد ملبــوخ

قبله امتحانات وبعده امتحانات

مفيهوش هدوم عيد ... ولا بجامه جديده

لا عنده وقت يشتري ... ولا عنده موضه عدله

ينقي منها حـاجه (( يلبسها )) ولو لقاها ... ايووه

الحاجه الي ينفع ((يلبسها ))حيلاقي تمنها في جيبه مفـيش

واهو عيد حيعدي والسـلام وحشانى ايامه اووي مع انـي فيه

يلا

كــل سنه وانتم طيبين

وينعاد عليكم زي ما بتحبوه

بتفاصيله الخاصه عندكم

وادعولى في سجودكم ربنـا يعدي امتحاناتى علي خير ... لحسن اتضح اني بدرس هندسه تقيله حبتين ...

19 سنه ... يـــآه

2007-12-04T13:48:00.000-08:00

19 سنه ... وحاسه ان عقلي بقـا يكبر في السنه خمس سنين ويمكن اكـتر

19 سنه ... وحاسه ان قلبي بقا يكبر بس في الخمس سنين سنه ويمكن اقل

...

كـل سنه وانتى طيبه ... يـا انا يا صحبتي

...

آآآآه ... على فكره .. انا بجد بجد بحبك اوي ... وبمزاجي اخـترتك ليـا تكوني صديقه ..

حـاولي تحافظي على الجميل الي جواكى

حاولى تكوني اقرب لربنا

حـاولى تصلحي عيوبك

وتكـونى لنفسك وليا احسن

كــل سنه وانتي طيبه وكويسه :)

فوكيره

اعلام بديل في الشارع

كنتى عارفه من الاول

حزن ليله عيـد

في ذكرى صبرا و شتيلا

الخبز و الحريه معا يا كل من يحكمنا .., والله دي ثوره بجد يا ناس

يـا ابنه مصر المُكبله

تــحرر

ملنااااش غيرك

رسالتى الى د محمد بديع المرشد العام لجماعه الاخوان المسلمين

11-2-2011 تاريخ جديد

شهود عيان .., التحرير من القاهره

ثمن الوطن

الشهيد قبل ما يموت قال لصاحبه .., هما معقول هيضربوا علينا نار ..؟واما ضربوا .., جري بيه على المستشفى الميدانى .., بصله في عينه وهو بيموت وقالههو احنا صح ..؟؟

my way ...,

مصـر هتفضل عايشه

طعم الحياه

لا متعه تُضاهي متعه سجود قلب خاشع ..,

اللهم متعنا بالصلاه وارزقنا الخشوع ياااااااااااارب

حريه

نحن دائما بالجوار

ايه ده ..؟

حداد على الوطن

مممم

الـشُــربه في خوربه الشـعب

امبارح كان عمري عشرين

friends

خلايـا مـُفرغه

مــتى ..؟

عشرتاشر علامه تعجب

يااااااااااااااااااه ... مبروك يا مصر

مــبروك يا علي يا الفي

وبـضحكتى

بسـتعيدني

بـأمري

alone

life is not always good

وحشتينى

وداعا ..أشر.. اهلا بــ اين

سفــر

امبــارح

stop 4 new starting

امبارح تمت سنتين

دو ري مي

الحــريه

بتفــرح اوي

عنـدما تحب

من غــير زغاريد

تــبـاً

الانســان

سنيمــا

وطن جماعي

موبـايلي الجديد

اشــمعنى هــو يعنى ...

صــعب

حجات كتير

كـــنا ســوا

اكسير التفاؤل

حـــمار ...لامؤاخذه ...؟

تـطلُع

زمــــان

العـاصفه تشتد

ســجل يا تـاريخ

حــقيــقه

خــوف

طـائر نـورس

!!!... ايـــــه ده

عيد وكده ...

19 سنه ... يـــآه

الشهيد قبل ما يموت قال لصاحبه .., هما معقول هيضربوا علينا نار ..؟
واما ضربوا .., جري بيه على المستشفى الميدانى .., بصله في عينه وهو بيموت وقاله
هو احنا صح ..؟؟